老友記｜DJ Fabsabs愛港式「宵夜文化」 志哥17歲當大廚靠「炒」起家

《東方表行 Take Your Time 呈獻︰老友記》今晚（11月21日），「廚壇魔術師」楊尚友（Christian）介紹一間位於佐敦道主打避風塘風味的菜館。此行還有老友記DJ Fabsabs，他在香港土生土長，深愛廣東文化專注粵語流行曲，亦因工作關係愛上香港「宵夜文化」，他以廣東話解釋說︰「喺外國好少人會食宵夜，而我因為開工時唔會食咁多嘢，DJ去廁所可以好大鑊。所以收工會食好啲、正啲，有啲味同埋辣嘢。」Fabsabs晚餐食得放縱，亦愛上宵夜，他見證香港夜夜笙歌的年代，亦感受到現在沒過往般熱鬧。

Christian帶老友記DJ Fabsabs食宵夜。

Christian帶老友記DJ Fabsabs食宵夜。

Fabsabs最愛重口味。

Fabsabs最愛重口味。

Fabsabs主持的音樂活動以90年代粵語歌及TVB劇集歌曲為主打，他說︰「因為我鍾意睇TVB劇，係好多人回憶。上星期五播咗郭富城首《Para Para Sakura》，即刻有朋友同我講，勾起好多童年回憶。」此行Fabsabs大滿足食勻椒鹽珍寶瀨尿蝦、豉椒炒蟶子皇、清蒸鮑魚、避風塘炒蟹四款招牌菜。

土生土長的 Fabsabs見證香港紙醉金迷的90年代。

避風塘炒蟹

招牌菜珍寶瀨尿蝦

豉椒炒蟶子皇

清蒸鮑魚

Christian接住點了店內的六小福，即六款白灼食物，包括︰海蜇、豬脷、魷魚、粉腸、豬肚、韭菜花，加上一碗必食燒鴨河粉，整個避風塘風味宵夜便完美作結。菜館經理志哥透露17歲入廚，1988年27歲那年上岸入舖加盟此店，一做便是38年，他回想說︰「全盛時期總共有十多間分店，而家淨係經營佐敦老店。呢度菜式咁多年都無變，同38年前嗰啲一樣，唔想太雜影響出品。」志哥透露目前以演唱會客及外地旅客為主，特別是韓國遊客，他們會手拿旅遊指南慕名前來幫襯，約佔生意額3成。

志哥17歲入廚，一煮便數十年。

志哥17歲入廚，一煮便數十年。

菜館佈置充滿避風塘艇家氣息。

菜館佈置充滿避風塘艇家氣息。

白灼海蜇、豬脷、魷魚、粉腸、豬肚、韭菜花為六小福。

燒鴨河粉是當年避風塘名物。

「廚壇魔術師」楊尚友（Christian）主持飲食資訊節目《東方表行 Take Your Time 呈獻︰老友記》，今晚（19日）九點半TVB Plus（82台）播映最後一集。

Christian推介西環一間燒味店，燒鵝做到皮脆肉嫩。

Christian幫手醃製燒鵝。

今晚（19日）楊尚友（Christian）繼續在西環覓食，推介一間燒味店，該店憑一碗燒鵝髀瀨粉賣到街知巷聞，更連續多年成為米芝蓮必比登推介店。Christian認為「斬料」是香港一樣很重要的食物，可謂「由細食到大」，所以每一位香港人都是燒味專家。

今集介紹的燒味店可以分成兩個階段︰老店跟新店，老闆吳先生在舊舖接手姨丈的燒臘店時，燒味是靠別人供貨，直到搬到現在的新舖，他才扚起心肝炮製自家出品，他解釋說︰「因為焗住要自己做，嗰時連燒爐要用咩溫度先燒得最靚都唔知，咪慢慢燒日日試囉，試唔啱就掉。燒腩仔都係呢幾年先爆得靚，之前都唔識點爆。因為我真係無師傅，亦無人問只有上網睇。」

香港人由細食「斬料」到大，所以人人都可以是燒臘專家。

西環名物之一的燒鵝髀瀨粉。

吳先生想起當初開店，以為只是手板眼見功夫，每日傻到去別人店偷師學斬料，到正式埋砧板才知難，他笑說︰「開頭真係好慘，做到頂唔順走返去揸的士，老婆惟有請師傅頂我個位。初頭睇姨丈做真係以為好易，心諗佢攞啲貨返嚟斬都咁多客，實無問題啦。」事與願違舊客見換了老闆便調頭走，吳先生無奈說︰「直情30蚊嘅機會（幫襯）都唔畀我，一路做到無晒意氣，瞓唔到又喊，嗰時先知真係咁難。」好在吳先生有一位賢內助堅持及撐下去，兩夫妻努力下成功殺出血路，有了現時的光景，吳先生自豪說︰「以前姨丈啲客到而家只佔二成左右，其餘都係自己儲返嚟嘅新客。」

該店的燒腩仔及叉燒同樣出色。

老闆吳先生直言能撐到現在，全靠身旁的賢內助。