美食新聞報道｜鄧達智尋覓終將消失冬菇亭美食 元朗地膽「周街都係親戚」

由一班靚仔靚女倪嘉雯（Carmen）、黃嘉雯（Carmaney）、廖慧儀（Jessica）、伍倩彤（Gillian）、蔡景行（行仔）等主持的飲食節目《美食新聞報道》，本周一、二、四晚8點及周五晚7點25分TVB Plus（82台）播映。

「地膽帶路」請來元朗原居民鄧達智任嘉賓。

鄧達智帶Arthur到冬菇亭搵食。

小店由貓哥、貓嫂主理。

小店由貓哥、貓嫂主理。

Arthur每道菜都讚不絕口。

今晚（11月20日）「地膽帶路」請來元朗原居民鄧達智帶施焯日（Arthur）尋訪終將消失的冬菇亭美食。鄧達智透露自小在元朗長大地膽當之無愧，他細說淵源︰「係元朗出世到而家都好幾十年，姓鄧嘅喺元朗已經一千年，以前細個行出街周街都係親戚。元朗餐廳到而家都仲係好貼地，有街坊感情喺度。」講到冬菇亭這種地道飲食文化，是香港一大特色。不單盛載公共屋邨生活記憶，更提供價廉物美的美食。但鑊氣跟人氣隨住冬菇亭逐漸消失，將變成集體回憶。

水晶雞

冰梅欖角一字骨

炸豬手

雙冬羊腩煲

今集鄧達智介紹一間位於大棠路冬菇亭的食館，主理人貓哥、貓嫂從舊店到現在，在元朗已打躉數十年。第一道菜的水晶雞，可以用「深藏不露」來形容，鄧達智說︰「雖然望上去好簡單，但藏住好多唔同味道同香料喺入面，係老舖至可以食到嘅味道。」雞有雞味不止，當中還藏着老店一份人情味。接住的冰梅欖角一字骨賣點在於冰梅開胃及肥瘦參半的帶肉骨，招牌炸豬手是鎮店名物，配上自製芥末沙律醬，是每枱必點的菜式，Arthur直言食到停不到口。全日重頭戲是時令羊腩煲，足料入味不在講，軟糯香酥的羊肉在元朗大賣足30年。

Gillian行仔化身Gen Z到旺角中心掃街。

旺角中心轉營為掃街場，吸引不少靚仔靚女幫襯。

芝士蛋撈麵

明太子章魚燒

土鳳梨酥雞蛋仔

暴走杯

此外，超齡的行仔及Gillian化身Gen Z，到旺角中心上樓掃街，由明太子章魚燒、月亮餅、土鳳梨酥雞蛋仔、芝士蛋撈麵、楊枝甘露、一杯有齊食同飲的暴走杯食不停。他們試飲試食務求找出令Gen Z趨之若騖的原因。

無綫處境劇《黃道益活絡油呈獻：愛·回家之三代同糖》（下文簡稱《三代同糖》），由羅永賢（Marco）監製，馬俊縈編審，馬俊縈、謝浩洋、潘逸豪執行監製，逢周一至周五晚八點翡翠台播映。

Hugo出場畫面型到炸裂，靚仔到不得了。

Desta「心心眼」，展現情竇初開一面。

Arthur呢個「宅男Look」令人印象深刻。

昨晚（10月8日）及今晚一集，將接連播出圍繞唐芯（李茵彤Desta飾）恨出Pool為主題的「芯上人」及「不再上『芯』」。兩集劇情講述開始憧憬拍拖的唐芯，在校園邂逅「歷史系系草」Aska（黃奕斌Hugo飾）並被深深吸引；為了脫單，芯芯在好姊妹漢娜（胡敏芝飾）幫助下，由「男仔頭」蛻變成「少女芯」…正當芯芯與Aska有望發展之際，中途卻殺出「宅男」Oscar（施焯日Arthur飾），到底芯芯最後與這兩位男同學會有甚麼火花呢？

Arthur同Desta一齊去睇戲，Arthur個樣好傻喎！

Arthur同Desta一齊去睇戲，Arthur個樣好傻喎！

同女仔睇戲咁開心，Arthur個樣冧爆。

這兩集，Desta的花漾少女Look及Man爆力「手拍曱甴」行徑值得關注，引起不少網民激讚：「着一字膊嘅衫好好睇，有少少性感」、「有化妝靚好多」、「終於化個靚妝」、「芯芯原來可以咁靚」。兩大男神Hugo及Arthur的降臨亦為劇集增添不少火花及喜感。先說「屈機型」校草Hugo，他打籃球登場畫面本身已型到炸裂，及後一招「陽光笑容」及「英雄救芯」，心動指數爆燈。至於Arthur造型雖然薯頭薯Look又有點「Kam」，但勝在夠晒可愛兼喜感十足，每次只要出場必定帶來連場歡笑，難怪成功惹起關注。

Arthur錫Desta面珠。

Desta怒摑Arthur，而且係真打。

Desta怒摑Arthur，而且係真打。

Desta穿衣打扮同行為舉止勁麻甩，「手拍曱甴」一幕勁Man。

今晚（9日）一集重頭戲，是Aska室友Oscar因誤會芯芯喜歡自己，更向對方送上深情一吻，結果慘遭芯芯怒摑。Arthur接受官方訪問，談到怒摑戲碼時，他坦言是「真打」，而且聲浪更是相當響亮：「拍攝前冇特別排練，一嚟就真打，響到我眼尾見到所有幕後同事都O晒嘴。」Arthur笑指Desta打完他後，她亦被自己的「孔武有力」嚇一跳，更一度震驚至忘記對白，十分搞笑。

Arthur嘅「宅男Look」毫無違和感。

Desta轉Look，秒變「粉紅女神」吸睛。

Desta喺Hugo面前扮柔弱，非常爆笑。

呢個畫面好甜。

顏詩宇飾演童年版唐芯。

至於Desta受訪時坦言當時拍攝非常緊張：「呢一場戲係我入行以嚟第一次拍劇，係要同時摑人同被人錫面珠，所以當時都幾緊張。」她透露拍攝當日不太懂得控制力度，但導演建議與其拍多幾take，倒不如狠狠地一take過完成。未料拍第一take，Desta都被自己嚇驚：「第一吓我感覺到我大力咗，跟住我感到好抱歉，之後就要重拍好似一、兩次，先順利完成。」事後她不斷向Arthur道歉，還說要請對方飲嘢。Desta笑言經過今次之後，原來連打人的力度同位置都要學習，希望下次再拍類似場面時會打得更好。