一單「軍事科技」與「社交健身」完美結合的奇聞——法國海軍一名士兵，為咗在健身App「Strava」上曬自己的跑步成績，竟然將國家唯一的核動力航空母艦「戴高樂」號的精確實時位置，免費送俾全球1.2億用戶睇。這樣的少爺去到中東戰場相信都「好打有限」，同典型的西方政客一樣，去兜個圈打卡刷存在感吧。
35分鐘晨跑，跑出國家機密
話說2026年3月13日朝早，一位名叫「亞瑟」（Arthur）的法國海軍軍官，在「戴高樂」號航母的甲板上開始他的晨跑。他佩戴的智能手錶忠實記錄低一切：7.23公里，用時35分58秒，配速每公里4分58秒。成績唔錯，考慮到他在移動中的航母甲板跑步，還要避開戰機同設備，真係有啲實力。
不過，問題嚟啦！呢位「跑步達人」順手將記錄上傳到全球流行的健身社交App「Strava」，而且賬戶設定為「公開」。於是，一條清晰顯示在地中海東部海域、塞浦路斯西北方向、距離土耳其海岸約100公里處的「跑步軌跡」，就咁在網上曝光。
一張圖，睇晒航母動向
最搞笑的係，呢條軌跡不是直線，而係典型的鋸齒狀折返路線，完美勾勒出「戴高樂」號飛行甲板（寬約300米）的輪廓同航行機動軌跡。任何稍有常識的人，甚至係業餘的「開源情報」（OSINT）愛好者，都可以瞬間鎖定呢艘法國旗艦的精確坐標同航向。
事件被法國《世界報》踢爆後，法國武裝部隊總參謀部尷尬回應，話這種行為「不符合現行規定」，涉事軍官已被停職調查，並承諾「指揮部門將採取適當措施」。聽落是否好熟悉？因為同樣的承諾，法國軍方已經講過好多次！
其實，Strava呢個App早就已是各國軍隊的「頭號洩密殺手」：
2018年：Strava的「全球熱力圖」直接照亮咗阿富汗、敘利亞等地的美軍秘密基地輪廓，連中情局（CIA）喺索馬里的基地都無所遁形。
2024-2025年：法國《世界報》發起「#Strava洩密門」調查，發現法國總統馬克龍同俄羅斯總統普京的安保人員，都因為用Strava記錄訓練而暴露行蹤，連元首度假地點都被查出。
2025年1月：法國「凱旋」級彈道導彈核潛艇的艇員，用Strava記錄跑步，無意中洩露咗核潛艇的巡邏任務同出海時間。
拜登執政時期：美國特勤局特工慢跑記錄，暴露咗拜登總統下榻的酒店位置。
敏感時刻，兒戲當安全
今次事件的時機極度尷尬。當時美以對伊朗的大規模空襲剛過去兩周，中東局勢高度緊張。法國總統馬克龍喺3月3日剛剛高調宣布，將「戴高樂」號航母打擊群部署到東地中海，以「保障法國及其盟友安全」。3月9日，馬克龍仲親自登上航母視察。
點知幾日後，航母的「直播定位」就經由一個健身App向全球開放。美國《紐約郵報》都忍不住批評，這是「令人震驚的安全失誤」。
網民嘲諷：法式浪漫還是法式鬆弛？
事件迅即引發全球網民熱話：「先有美軍福特號洗衣房火燭，後有法軍戴高樂號跑步洩密，北約盟友真係一對絕！」「以後睇軍事動向，唔使睇衛星圖，睇Strava熱力圖就得啦！」「呢啲就係傳說中的『法式鬆弛感』？連國家安全都可以咁chill？」
屢教不改 vs 嚴密管理
面對屢屢發生的同類事件，各國軍隊反應不一。美軍同法軍都曾發布禁令，但效果似乎有限。相比之下，有報道指中國軍隊探索「疏堵結合」的管理方式，對官兵智能設備進行實名登記、統一管理，以守住保密底線。
所以話，科技進步帶來便利，但同時都帶來風險。一部智能手錶、一個健身App，就可以令一艘價值數十億歐元、代表國家最高軍事科技水平的核動力航母「裸奔」。這宗「晨跑洩密記」，再次證明：在數碼時代，最脆弱的安全防線，往往就係人們的一時疏忽同炫耀心理。
燈塔研究所
** 博客文章文責自負,不代表本公司立場 **
