「大小姐」同「送水輝」帶你《好嘢港多啲》睇世界級電訊基建　政府超前部署6G發展

博客文章

「大小姐」同「送水輝」帶你《好嘢港多啲》睇世界級電訊基建　政府超前部署6G發展

2026年08月10日 20:43 最後更新：20:44

Sebastian

政府同TVB聯手打造的迷你短劇《好嘢港多啲》，每集兩分鐘，由人氣藝人參演，介紹香港各式各樣「好嘢」。剛於上周六（8月8日）播出嘅一集由剛告別大家嘅處境劇《愛‧回家》中「大小姐」林淑敏、「送水輝」許家傑，聯同藝羅天宇、陳曉華為大家介紹政府點樣為香港打造「世界級」電訊基建。

節目中，大小姐帶領大家去到啟德體育園主場館睇演唱會，由陳曉華飾演嘅Sammy打卡時大讚園區內網絡訊號極佳，由羅天宇飾演嘅Michael就話，訊號咁好，唔係靠運氣，究竟靠咩呢？大小姐即刻答話：「當然係靠政府同電訊商嘅努力啦！」因為政府透過便利政策，推動電訊商喺唔同地方增設基站，增強5G網絡訊號同覆蓋，才能令啟德體育園、會議展覽中心、亞洲國際博覽館、紅館等等大型活動場地，有良好嘅訊號，仲帶旺香港盛事經濟。　

送水輝都話，政府為市民打造世界一流電訊基建，5G覆蓋率超過99%，包括人口稠密的地區、商場和港鐵站，所以香港的通訊排名，在世界上是數一數二的！」據國際電信聯盟及平價互聯網聯盟聯合發表的《2024年 ICT 服務可負擔性》報告，香港的流動電話服務係全球第一，而流動寬頻服務就係全球第二。

Michael話，以前的舊樓無預留通訊設施的位置，訊號差，電訊商要得到業主同法團同意才可以加裝基站。但時今時日，大小姐話，全靠政府修例，以後所有新建樓宇都一定會預留空間，免費讓電訊商進去安裝通訊設施，讓大廈居民以至附近的市民都可以受惠；送水輝仲話，其實唔止市區，郊區網絡都越來越好，就算去行山拍片發片，都完全無難度！真係去到哪裡都可以打機、睇片同開視像會議。　

電訊科技發展一日千里，大小姐仲話，香港作為國際及區域通訊樞紐，背靠祖國，聯通世界，為維持通訊競爭優勢，政府已經前瞻部署6G發展，不只在2025年舉辦亞太區第一個6G全球高峰會，更在2024年率先拍賣6/7吉赫頻帶頻譜，搶佔未來先機！

送水輝更補充，通訊事務管理局仲推出無人機系統專用頻譜，適用於日常無人機表演以至未來無人機跨境運作，有助推動香港低空經濟發展。此外，政府還推出便利低軌衛星的牌照申請措施，增強香港的網絡基建和國際競爭力。香港通訊咁厲害，難怪眾人齊齊話：「好嘢要講多啲啦！」

Sebastian

** 博客文章文責自負,不代表本公司立場 **

往下看更多文章

民青局「內地實習計劃」首增傳媒產業項目　麥美娟親到湖南衞視「探班」　

每年暑假，民政及青年事務局都透過「內地專題實習計劃」，為港青提供多元化、具特色同有深度嘅專題實習機會，包括文物保育、科研、生態環境等不同範疇，好受大專生歡迎。

2025年《施政報告》提出喺「青年人才培養計劃」下推出全新嘅傳媒專題內地實習計劃。所以，今年亦加入咗「湖南傳媒產業青年實習計劃」，由民青局同湖南衛視合辦，畀修讀傳理系相關科目嘅大專學生到湖南媒體實習。

民青局局長麥美娟早前親到湖南出席「湖南傳媒產業青年實習計劃」結業禮，分享同學嘅實習成果。麥局長話，16名同學在過去2星期跟隨湖南衞視的製作團隊，親身參與節目策劃、編劇及後期製作等工作，深入了解內地的媒體環境、行業運作同發展趨勢，同學都話今次經驗對他們將來投身傳媒工作好有幫助。

局長仲話，為推動青年認識國家同支持青年融入及服務國家發展大局，每年都會透過內地相關單位合作，提供多元化、具特色及有深度的專題實習機會。

而民青局常秘李百全、同民青局副長局梁宏正亦分別去咗敦煌同北京探望實習同學。常秘李百全話，每年民青局都會舉辦「敦煌青年實習計劃」，讓港青可到著名的莫高窟學習成為講解員，實習同學都需要經過敦煌研究院的專業培訓，深入了解敦煌文化、地理同保護文物工作，通過考核才能成為講解員，向來自世界各地的遊客介紹每一個洞窟背後的歷史，仲有壁畫背後的故事，弘揚中國傳統文化。佢話，是今次是一個非常難得的機會，因為做講解員真係唔簡單，但聽老師透露，香港的實習生非常勤力，唔怕辛苦，捱更抵夜學習。