2023年震動全港的名媛蔡天鳳碎屍案，死者前夫、前家翁及前大伯被控謀殺及阻止合法埋葬屍體罪。案件星期五（10月16日）續審，譚方駿完成作供，控方傳召其父親譚澤均作供。譚澤均接受控方主問時供稱，2018年將「譚仔」生意賣盤後獲10億港元，其後曾給兒子及蔡天鳳不少於8000萬元作投資；就澳門500萬元賭債，他透過鄺球存入500萬元予對方戶口，另支付「茶水錢」，其後再借25萬元予鄺球，惟對方「一蚊未還」。
主控郭莎樂。資料圖片
庭上先由代表鄺港傑的大律師Trevor Beel就2021年澳門賭博一事續問譚方駿，譚方駿確認，當年在澳門輸了約500萬元，最終與追債人商討後還了600萬元，他向警方錄口供時亦如此交代。譚方駿解釋，多出的100萬元是「茶水錢」，用作「跑腿」、找人及疏通關係的費用。
點擊看圖輯
主控郭莎樂。資料圖片
譚方駿今完成作供。巴士的報記者攝
蔡天鳳。IG圖片
左至右：三名被告鄺港傑、鄺球及鄺港智。資料圖片
案件在高等法院審訊。資料圖片
代表鄺球大律師戴偉奧。巴士的報記者攝
主控郭莎樂覆問下，譚方駿表示，還錢安排主要是由其父親及鄺球處理。據他印象中，父親寫了一張約590萬元的支票給鄺球，之後再無人上門騷擾。他理解「茶水錢」是給「偏門」人士打通關係之用，自己無法直接找到這類人，是從父親口中得知鄺球提出需要100萬元。由於涉事的澳門太陽城集團已破產，無法直接識別追債者是否真正債權人，故需要透過曾是前警員、兼黑白兩道都識的鄺球幫忙找正確渠道還錢。
譚方駿確認，關於還債，曾與鄺球有面對面的接觸，是在一次飯局上，在場有其父親、蔡天鳳等，但鄺球收錢後再無與之交涉。而在飯局上，其父親向鄺球提及被騷擾，詢問有否解決方法，惟不記得有否討論過「茶水錢」。
郭莎樂再問譚方駿與鄺港智的關係。譚方駿確認，在香港中學讀書期間，兩人是好朋友，從澳洲讀書放假返港，與鄺港智及蔡天鳳是親近朋友。鄺港智離開香港的7年期間，他只曾在海南與蔡天鳳帶她和鄺港智的子女W和X見對方一次，7年內無再見面。譚方駿又確認，7年後，直至鄺港智回港、其女兒X發燒事件前，曾單獨與對方有社交活動，關係仍算順暢，維持關係的最重要原因是小朋友。
譚方駿今完成作供。巴士的報記者攝
譚方駿確認，發燒事件後，蔡天鳳才告知他曾資助鄺港智買賣鐘錶賺錢。譚方駿估計，涉及金額「至少過千萬」，而錢的來源是譚家。他對此感到驚訝，覺得被人瞞，「對兩個人（蔡天鳳及鄺港智）都有唔開心嘅嗰陣」。此後，表面上他和仍鄺港智維持好友關係，目的只是想取回屬於自己家的東西。譚方駿强調，實際上心中「此情不再，我係指友情」。
被問及鄺港傑接手司機工作，譚方駿表示，「作為朋友去畀錢佢做嘢，呢件事係有啲 odd（奇怪）嘅」，但當時理解這只是臨時安排。
郭莎樂問，鄺港傑受聘如何令到關係有變？譚方駿指，「當然佢個作息時間，就完全唔同晒，因為佢要就返小朋友嘅返學時間」，又指大家相處減少，「即係就好似一個職員囉」。譚方駿指，鄺港傑會接女兒放學，蔡天鳳經常也會，而譚方駿自己則每周一至兩次。
郭莎樂庭上展示蔡天鳳與譚方駿於2023年2月21日（即蔡天鳳遇害當日）的對話，蔡天鳳稱：「轉頭得閒同你講啲嘢，你睇吓，Damon（鄺港傑）幾奸狡吖，呢啲人個心幾唔好呀，一陣同你講嘅嘢」。譚方駿稱，不知道蔡天鳳想跟他說甚麼。
郭莎樂指，當蔡天鳳提及鄺港傑奸狡、「心幾唔好」時，譚方駿有否感驚訝？譚方駿稱「要用到呢個形容詞，我覺得係（驚訝）」，又同意是蔡天鳳首次這樣形容鄺港傑。
郭莎樂最後問及熊熊雞蛋仔店。譚方駿指，蔡天鳳沒提及為何開設雞蛋仔店，但據他理解，是小投資，而鄺港傑是主要打理人，但好像因他之後返內地而疏於打理，最後店舖蝕錢結業。
郭莎樂指，鄺港傑除管理雞蛋仔店、擔任蔡天鳳的司機外，有否見過他上班？譚方駿稱沒有。
譚方駿完成 4 日作供。暫委法官祁彥輝向譚方駿稱，對他失去妻子感遺憾，他可留下旁聽或離開。譚方駿拿着紙巾、握緊在手，離開時吸了一口氣，眼有點紅。
蔡天鳳。IG圖片
控方開始傳召譚方駿的父親譚澤均作供。譚澤均供稱，譚方駿是他的獨子，譚方駿與蔡天鳳實際上是夫妻關係，只是因蔡天鳳離婚手續未完成而未能註冊。他們一家住在九龍塘海棠路獨立屋。郭莎樂問及，蔡天鳳與譚方駿關係是否幸福，譚澤均指「非常開心」；郭莎樂問譚澤均喜不喜歡蔡天鳳？譚澤均指「非常鍾意」。
郭莎樂再問，他對於兒子譚方駿與蔡天鳳一起是否感開心，譚澤均稱「佢自己揀嘅，我冇意見，冇唔高興，因為佢都有同我講，Abby有個前夫、有小朋友，我同我太太都聽過」，指自己和太太認為沒問題。
郭莎樂指，譚澤均營運「譚仔」，但2018年賣盤及退休，譚澤均同意，「成盤生意賣咗10 億港幣」。郭莎樂再問，他將生意賣盤後，再將錢折現購買九龍塘海棠路豪宅？譚澤均同意。
譚澤均指，家住曼克頓山單位時，蔡天鳳已與譚家同住，一家人之後再搬到九龍塘海棠路。他指，約於2018年將曼克頓山單位贈予兒子及蔡天鳳，並登記在蔡天鳳名下。譚澤均又確認，為兩人舉辦婚宴。
主控郭莎樂問，譚澤均給予蔡母400萬元作禮金？譚澤均稱，「準確應該係399 萬，因為呢個係中國人嘅幸運數字」。譚澤均又確認，給予兒子及蔡天鳳生活費，平均每月約20萬至25萬元，旅行或過年期間會更多。
郭莎樂問，蔡天鳳的衣服、珠寶由誰購買？譚澤均指，「咁佢自己用錢買，平時家用有剩，咪攞嚟買囉」，又指送過手袋予蔡天鳳，而其妻則會買飾物予蔡天鳳，「一般首飾未必好貴，有冇貴嘅嘢，我太太先答到你。」郭莎樂問到，譚澤均買的手袋價值？譚澤均稱：「準確數字唔記得，25萬，30至40萬呀，每生一個小朋友，我都好高興，我都會送禮物畀佢。」
譚澤均指，自己也會提供金錢予兒子譚方駿及蔡天鳳二人投資，「憑記憶，唔會少過8000萬」，但並非一次過付款。郭莎樂問，最終錢落在誰手上？譚澤均稱，是蔡天鳳，因「我個仔冇Abby咁成熟」。而他印象中，蔡天鳳的「（錢銀）係管理得唔錯嘅」。
郭莎樂問，譚澤均有否限制蔡天鳳投資甚麼？譚澤均稱沒有，「基本上我畀佢哋兩個揸主意，佢哋兩個商量完，由Abby出手囉」，他不知道蔡天鳳會投資甚麼。
譚澤均指，之前曾建議兩人買鋪位收租，並帶兩人去睇樓盤，「回報率我諗佢哋認為太低」，最終沒購入。
左至右：三名被告鄺港傑、鄺球及鄺港智。資料圖片
關於譚方駿賭博借債500 萬元而被追債一事，譚澤均指，2022年初，當時他到政府指定地方接種新冠疫苗，他獨自一人將私家車泊在葵芳某停車場時，對面車位有5人下車，告訴他「Abby欠債」，他形容對方「惡形惡相」。
譚澤均指，「佢就話我新抱欠債，咁我就話欠咩債，跟住佢就話佢同我個仔喺澳門賭錢輸咗，Abby就簽咗張單，係欠債嘅，欠500 萬。」譚澤均指，當時跟對方說「我個新抱應該冇賭錢㗎喎」，對方指：「可能係你個仔賭，而Abby做擔保」，要求譚澤均處理債項，並留下聯絡電話號碼。
譚澤均指，他接種疫苗後回家，問蔡天鳳及兒子譚方駿有否此事，兩人承認。譚澤均稱：「我嘅考慮係還錢可以，但係要清清楚楚，即係搞清楚件事、搞清楚條數，唔好有啲咩手尾。」
譚澤均續指，但蔡天鳳及兒子譚方駿不建議還錢，「因為佢哋話，當時佢哋去嗰個賭場叫做太陽城，當時新聞出嚟，太陽城倒閉，佢哋話要睇吓件事有咩進展先。」但譚澤均則認為，「既然欠咗債就還錢啦」。
譚澤均指，之後再收到追債者的訊息、致電要求還錢，「除咗呢啲之外，我哋仲會見到，有啲着黑衫嘅人，喺我屋企門口徘徊。」譚澤均指，「因為我屋企有小朋友，為免（他們）受驚嚇，就想找數，都要搵到渠道，淨係找畀佢哋，我唔放心」。
譚澤均續指，其後從蔡天鳳知悉，其前家翁鄺球曾是警員，遂經蔡天鳳介紹認識鄺球，而此前不認識對方。譚澤均指，鄺球初時建議他報警，譚澤均遂報警，「佢（鄺球）仲話，佢差館仲識啲人嘅，可以幫我加快處理，但係我之後並唔覺得呢件事有加快處理，我依然俾人追緊。」
譚澤均指，再問鄺球有否其他方法，例如找江湖人士，鄺球稱有辦法，故決定找對方幫忙。譚澤均指，鄺球介紹一位朋友給他，但他現已不記得該人的姓名，而譚澤均跟該人士見過一次面，「佢話佢搞得掂」，「咁我就話，我希望唔係淨係用一個江湖式嘅方法，希望係一個有根有據嘅方法，譬如喺律師樓處理呢件事」。譚澤均稱，當時鄺球指「去律師樓都有辦法」，表示認識一名姓謝的師爺。
譚澤均指，其後他跟鄺球、鄺球的朋友見面，鄺球要求支付30萬元現金「茶錢」，鄺球之後告訴他：「律師樓嗰度開始做嘢㗎喇，而鄺球呢邊嘅朋友就會幫我，同追我債嘅人聯絡。」譚澤均指，至2022年3月中旬某日，鄺球稱「搞掂好啦，預備好啦，可以去律師樓簽，可以去律師樓處理」，但指譚澤均不用前往律師樓，「我會搞掂㗎啦，好似係話收我6萬蚊」。郭莎樂問到，該筆數萬元，是律師樓「做嘢」費用？譚澤均同意。
郭莎樂再問，當時那6萬元是給誰？譚澤均稱「呢個真係好模糊」，指不記得是給鄺球、還是拿支票上律師樓。他重申，最終自己沒上律師樓，「因為鄺球同我講我唔需要上，佢會搞掂晒。」
譚澤均續指，到3月中，鄺球要求他存入500萬元至其滙豐銀行戶口，故他入了一張支票。而被問及為何是存入鄺球的私人戶口，而非律師樓戶口？譚澤均供稱，「其實我當時係有問號，但我就因為當時已經冇再俾人騷擾，我認為俾人點搞唔重要」，最重要是結果。
譚澤均指，當500萬存入鄺球戶口後，半個月内，鄺球聯絡譚澤均要求拿更多錢，他記得金額是15萬。郭莎樂問，鄺球有無解釋這筆錢做什麽？譚澤均指，鄺球當時說：「幫手處理嘅朋友都有好多兄弟，俾啲錢佢哋飲吓茶啦。」
譚澤均續稱，2022年12月尾，鄺球再致電向他借40萬元，原因是該500萬元存入戶口後，他被商業罪案調查科調查，戶口被凍結，而快過年需要用錢。他最終只給了25萬元現金，在旺角警署門口交收。
他解釋，蔡天鳳曾對他說過「呢個人信唔過」，他本身亦有戒心，但因鄺球曾幫忙解決事情，故決定協助，但借錢後「一蚊冇還」，亦無任何還款安排。譚澤均表示，「其實我心裡預咗。還，開心；唔還，唔打算追㗎啦。」
郭莎樂再問，蔡天鳳失蹤沒多久後，有沒有收過名為Ivan Tan的職員WhatsApp 訊息。譚澤均稱，「個信息係講一封信，係鄺球寫嘅，唔係實質嘅紙，係影相畀我，內容係講想我幫佢，因為佢已經唔畀保釋，需要啲律師去協助佢。」
郭莎樂問及信中內容。譚澤均稱，「封信係講，『我哋好好朋友吖，我為人又好正直』，即係類似嘅說話。跟住話，『我而家係處於非常不利嘅狀態，而我係冇錢去請律師』，咁就要求我，即係代付律師費」。
譚澤均指，當時他請教了一個律師朋友，朋友建議不要理他。最後沒他理會鄺球。
郭莎樂問他是否最後沒理會鄺球？譚澤均回應稱，「唔止，因為之前有位差人同我錄口供嘅同我講，收到任何訊息都可以轉達畀佢，所以我冇回應⋯⋯」祈官打斷指，譚澤均毋須複述有關對話，着他只需回應大狀的問題。譚澤均聞言道歉，並稱「我唔明白法庭嘅規則。」
案件在高等法院審訊。資料圖片
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。
三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。
代表鄺球大律師戴偉奧。巴士的報記者攝
案件由原訟庭暫委法官祁彥輝（Brian Keith）審理。控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏與檢控官尹培軒代表。鄺港傑由大律師Trevor Beel 代表，鄺球由大律師戴偉奧（Oliver Davies）、羅天祺代表；鄺港智則由大律師安華暉（Andrew J. Raffell）代表。
案件編號：HCCC198/2025
