佳叔睇低咗「兩司相爭」的機會

而家特首選舉各方並未完全露牌，最熱門的戲碼是看林鄭和「 鬍鬚曾」之爭，但全國港澳研究會副會長劉兆佳認為，特首選舉出現「兩司相爭」的機會不大，因中央希望下屆特首在第一輪投票中便「高票當選」，由於民主派在選委會奪得逾300多席，所以中央只會支持一名參選人，令該候選人至少取得多過689票。劉兆佳認為，如林鄭月娥是中央唯一支持人選，除非選情受嚴重傷害，否則她代表建制派「一人入閘」 的可能性最大。

佳叔分析兩人同時落場的情況，如果林鄭月娥及曾俊華同時落場，兩人不會取得中央的同等信任，屆時會出現三個可能性，包括1. 兩人在選委會取得不足過半數票，導致流選；或2. 中央屬意的參選人只能低票當選；或3. 未得中央完全信任的人低票當選，中央要考慮是否委任。他認為，若兩司相爭，民主派將有機會影響選舉結果，而其中一人的政綱如迎合反對派勢力，或會令建制陣營分裂。

佳叔又指，曾俊華要在建制派陣營取得支持「有相當大難度」，若他向反對派借票，「本質上會變了反對派代表，會令佢同中央的關係處於某種對立」。如候選人依靠民主派為支持基礎，將會被建制派選委排斥。

知情人士話，佳叔分析兩人同時落場的問題好啱，但若以此推論兩司不會落場，就有少少武斷。 佳叔的推論有問題的前題是假設候選人會聽話，「 如候選人依靠民主派為支持基礎，將會被建制派選委排斥」、「 同中央的關係處於某種對立」。由於他不想受排斥以及和中央對立，就會知難而退。佳叔估林鄭一人入閘的可能情最大，便假設了「 鬍鬚曾」怕和阿爺對立而退選。

知情人士話，「鬍鬚曾」完全無退選跡象，曾營傳出的口風是「阿J ohn已辭職若退選下不了台。」 根本就不怕被建制派排斥及和阿爺對立，甚至有計劃取泛民票入閘。佳叔睇低咗「兩司相爭」的可能性了。

Ariel

** 博客文章文責自負,不代表本公司立場 **

林鄭辭職，令特首跑馬仔愈來愈熱鬧，手握三百多票的泛民選委的提名意向，引來關注。

有報道指泛民願意「借票」給財爺曾俊華，等佢可以入閘選特首。在選委會選舉時有份協調民主派參選名單的資訊科技界議員莫乃光話，現階段言之尚早，但民主派會發揮影響力，令特首選舉不會成為「欽點中的欽點」。聽佢口風咁鬆，「借票」之說真係有可能喎。

莫乃光同時表明，泛民現階段難以支持林鄭，因為佢過去數月的表現，加上佢曾經說過要延續特首梁振英的路線。

政壇高人話，莫乃光對林鄭和曾俊華的不同態度，顯示部份泛民開始露底，其實佢哋都係玩歸邊，想支持某啲候選人，而唔係追求民主。如果係支持追求民主的理念，就應該支持泛民人士參選，例如支持話有意參選的長毛梁國雄啦，唔通曾俊華民主得過長毛？點解支持一個來自現屆政府的高層曾俊華，就唔係支持欽點呢？說穿了泛民就是「買馬」，至於隻馬民唔民主，就一啲都唔重要啦！