肥佬黎前事不計 後事再嚟

壹傳媒集團主席黎智英今日出席佔中行動的「民主登高日」時，自然被記者追問捐款予泛民之事。

公民黨立法會議員毛孟靜早前話，並沒有收到肥佬黎的捐獻，同肥佬黎在李慧玲節目中話係捐款給毛孟靜選舉的說法，大異其趣，記者追問肥佬黎此事，他只回應說「不會再講」。但被問到日後會否繼續捐錢予泛民時，他就願意答，話「一定繼續捐」，至於會否覺得捐款是「害了他們」，肥佬黎就話「不會」。

肥佬黎成日叫政府公開透明，但係燒到他自己時，就同佢成日批評的政府官員一模一樣，唔鐘意就唔講，失晒道德高地。睇完他的回應，似乎等如話「前事不計，後事再嚟」？

Ariel

** 博客文章文責自負,不代表本公司立場 **

淋冰挑戰繼續玩，今趟輪到唐唐，佢一家大細齊齊玩，唐唐淋完冰水再飛落泳池，濕得相當徹底。

唐唐淋完冰水挑機邊個，大家估到啦，當然係死敵 CY ，唐唐話星期日佢都休息，知CY 可能要工作（有點晒命feel），就挑戰CY，話俾個機會佢全家人一齊做件開心好玩的事。唐唐挑機CY製造到話題。唐唐第二個挑戰的人是何俊仁，話係自己主場，特首選戰時兩個人已經慣咗互相挑戰咁話。唐唐唔知係唔係太開心，唔記得講第三個人。

睇唐唐呢次淋冰，經過精心設計，第一話明支持香港肌腱協會，淋完冰水仲要捐1萬元，唔會玩完唔記得主題。第二係話明唔嘥水，在泳池旁邊玩。第三係全家一齊玩夠歡樂，唔似劉夢熊一條友淋完仲要踩爛自己眼鏡咁無助。咁好設計，可能要多得唐唐的公關 Thomas ，佢仲粉墨登場上埋鏡㖭。