小鯊昨日講過，今個星期初一個飯局，樓神趙國雄同地產名人湯文亮現身，事後被人爆料話樓神睇樓市跌三成。消息爆出街後，唔知係唔係太震憾，有份食飯的湯文亮就發文為跌樓市跌三成的說法解話。
長實樓神趙國雄（右）及湯文亮（左）在當日的飯局留影。
湯文亮話，趙樓神本來的意思是明年樓市跌幅是很溫和。他也認為來年樓市會分兩個階段，第一個階段跌得比較急，到今年農曆年底，樓市相比最高峰時有15%跌幅，明年春節之後，地產商會聯合炮製一次小陽春，樓市會微升之後橫行，最後收工最多跌多5%。
佢又話樓神其實係唔睇好偏遠地區的納米樓，他自己一向沒有多大好感，故此不作評論，而趙樓神話會跌30%，他認為這是很保守的講法。
湯文亮又話，在地產行業搵食的人，尤其是營業部的揸fit人，個個都眉精眼企，有評論員話，近日低開的新盤當年以呎價4千多元買入，現在以呎價1萬7千多元賣出，獲利依然豐厚，是止賺不是折讓，對樓市沒有不利影響，老實說，連止賺與折讓也分不清，又如何做評論員。現在希望小陽春提早來臨，有心人可以以合理價買到合適單位。
湯文亮咁出力幫手解話，証明佢都係義氣仔女啦。
小鯊
** 博客文章文責自負,不代表本公司立場 **