打工仔為咗乜 僱員購股權計劃才是主菜

美股昨晚造好，標普500指數及納指創收市新高，但港股再一次受制三萬關口，升不到又跌不下。

人民銀行第二次辟謠，指不會定向降準，五一長假前，國內企業將爭取在下周一前派第一季成績表，股民當然要睇一睇，才敢再落大注，始終大市今年至今已累升了5000多點，好容易有調整，而今年會不會有「五窮六絕」，中美貿易談判又會不會一傾掂數，投資者就好消息出貨？呢D都係要密切注視。

吉利汽車股價近年上升數倍，他們的打工皇帝行使stock option 大豐收。資料圖片

不過，吉利(0175)多個高層就無需擔心，因為他們剛宣布減持套現逾1.42億元，但其實相關減持為正常操作，可能只是購股權快到期，管理層行使所致，相對吉利共有90 多億股已發行股份，這些股份只是極少數目。高管套現，並非一定睇淡公司前景，正如騰訊馬化騰過去數年曾多次減持，股價一樣照升。

昨日整個汽車板塊出現沽壓，吉利股價挫5.3%收報16.88元，連長汽(2333)也跌2.8%至6.75元，只能怪大市人心較審慎，一聽到管理層沽股就相信係負面消息，便沽咗先算。

講起僱員購股權計劃，吉利員工於 2002 年 5 月 31 日所行使購股權而發行之普通股股份，每股發行價是是港幣4.07 元！而於 2012 年 5 月 18 日行使購股權而發行之普通股股份，每股發行價更低，只是港幣 2.79 元！

原來一般來說，公司給予員工購股權，員工必須有相當服務年期，而且行使購股權只能逐步每年實行。隨著吉利股價在過去三年多由最低2.4元升至去年29元歷史高水平，行使購股權才有肉食。以今日收市價計，每股賺約13至14元，100萬股便賺1300、1400萬元，對於高級打工仔來說，年薪過百萬元其實微不足道，行使購股權才是主菜。

老闆最緊要有忠心能幹好員工，長期為公司賣命，公司業績好，股價升了，送給員工行使購股權，以街外錢回饋職員，實在是全贏的方案。

尚風

** 博客文章文責自負,不代表本公司立場 **

復活節假期，留港的中環人無股可買，唔少人竟然去了買六合彩。上周六開獎的一期若一注獨得，彩金高達1億，搞到離港渡假的中環老友，都托尚風買200元，越洋買個夢。

1億彩金實在太吸引。

結果頭獎只有半注中，派出的獎金仍有5600萬元。餘下5600萬元撥入下期，馬會估計若下期投注者一注獨中，可獲7,000萬元獎金，發財夢又可延續。由於再有巨額獎金，馬會順延下期攪珠至本周四（4月25日）晚，讓市民有更多間落注，這真是一個德政。若然馬會再搞激啲，學一學外國的彩票，頭獎最高派10億、8億彩金，恐怕全城也瘋狂，投注額一定大超標，最後馬會仍然有羸無輸。

講開賭，中環人真係瓣瓣啱，金融圈好多人是馬主，馬迷，亦同時是標準球迷，茶餘飯後，總有話題，亦喜歡下注，有些人小注怡情，有些卻是以專業態度，專心鑽研，期望投注贏，成功掘草皮。

尚風亦是波馬皆宜，上週三跑完馬後，晚上先睇歐聯，隔晚再睇歐霸，週六早上去西貢滘西洲馬會的高爾夫球場，先掘草皮，晚上再睇英超，然後最好是週日睇跑馬，時間表非常充實，不亦樂乎！

不過馬會過去咁多年，一季總有安排係三日之內跑兩次馬。馬圈中人包括騎練、評馬人及要做功課的馬迷，都有少少意見。尚風估計，馬會希望將賽事編在長假期的最後一天，亦即本星期一，讓更多人可以趕及回港入場，背後有其道理。

不過標準馬迷和評馬人，就疲於奔命。周一跑完，周三又有賽事，真正有心買大注的馬迷，必會做足功課，包括睇晨操、巡邏影片、研究騎練形勢、模擬馬匹走位、研究值博率及場地偏差，才會放心下注。三日內跑兩日馬，做功課就有困難。如果可以的話，都係避一避這種頻密賽事好一點。