新聞統籌專員馮煒光呢兩日好忙，忙住搞反駁文章，先係投文《明報》，回應有關經濟發展委員會的報道，然後再以1984年港大學生會會長名義，投稿《蘋果》論壇版，反駁佔中三子之一戴耀廷有關要抗衡香港一國化的論述，篇文今天見報。
心水清人士話，新聞統籌專員寫回應文章唔奇，篇文在《蘋果》登，都算係第一次，按《蘋果》過住的邏輯，呢啲官樣文章，可以單手投籃啦。
《蘋果》李八方都有自報佢地登IC(新聞統籌專員)文章，仲講到幾趣。李八方話噚日問過IC，佢撰文係咪獲特首首肯？答案當然都唔使講，IC話查實以前未入政府，都喺《蘋果》投過稿兼登過，懷疑今次係新聞統籌專員呢個職位1999年設立以嚟，首次有IC投稿《蘋果》喎。
心水清人士話，第一次必有理由。從創意的角度，可能《蘋果》的創意大過IC，會唔會佔中過後，《蘋果》都想穩住溫和讀者？
Ariel
** 博客文章文責自負,不代表本公司立場 **