政事
「老虎仔」邱達昌的新公司永升搵咗無綫前大將何定鈞來揸旗，那邊廂王維基的港視投牌又唔係咁一往無前，有少少窒窒地手。其中一個關鍵係佢申請將軍澳建新媒體製作中心的發展期限延長。
港視以前講過，本來打算將軍澳多媒體製作中心，在明年落成，但由於投牌不順利，一直將投牌的發展期延長。港視發言人對媒體話，原來佢哋在去年已經向科學園公司申請延期，將發展時間推遲到2017年2月28號，並向科學園公司支付延期的費用。
由港視的部署可以見到佢哋並非一往無前地投牌，起廠延期，又停拍劇集，佢哋手上的劇集只係維持到九月播完，之後只係用外購劇來維持網絡電視的播出。
由於這些小動作可以睇到，王維基投亞視牌的信心並唔係好大，否則應該嗱嗱臨起廠拍劇，擺明硬闖，以增加投牌的機會。如今由用窒手窒腳的方式去做，就令人質疑佢其實係打定輸數。
Ariel
** 博客文章文責自負,不代表本公司立場 **
特首CY話政改後要集中精力搞經濟民生，原來都有部署，佢話想與立法會議員建立新型的合作關係，希望議員放棄拉布。
CY呢次似乎係全方位見立法會各大黨，自己友和泛民政黨都會傾，政改投票一完後，他已經四出約人。先在上周末見了工聯會，工聯會立法會議員話，當日和 CY會面約1小時，6名工聯會立法會議員都有出席，會面中談及土地開發、前海發展及設立創新及科技局等經濟民生政策。
到昨日CY見了自由黨， 他取出自由黨去年11月就施政報告提出的建議書， 話要睇睇有甚麼議題可以與自由黨繼續深化合作。 自由黨主席鍾國斌提到有工業家希望回流香港，「 令香港製造業做返好啲」，包括數個工業園地還有空間可以再用， 希望盡快利用有剩餘的空間。張宇人提出加快輸入海外專科醫生， 以應付人口老化。方剛則提出改善中小企的營商環境。
CY敵人唔少，既然建制陣營中的自由黨佢都主動約見，仲話要將會面恒常化，泛民大黨佢都想約，第一個搵的是公民黨。特首辦主任邱騰華周三就打電話俾公民黨黨魁梁家傑，約佢地當日下午去和特首傾偈，梁家傑查詢黨員意見後，因時間不合拒絕。其後公民黨再收到特首辦的邀請，約在下周一會面，但公民黨多名議員因要出席立法會會議，又未得閒見面。據說特首約公民黨亦是想就經濟民生議題交流意見。另外相信CY也會約民主黨。
現時立法會拉布，泛民大黨亦時有支持。政改前CY和泛民各大黨打晒大交，一副不相往來的態勢。但政改投票之後，政府就大轉身，睇嚟CY想同各大反對勢力有商有量，減少佢地拉布的機會，讓經濟民生議題可以暢順啲通過立法會。
