麗晶花園爆疫 區議員畢東尼英國探親兼退居民群組 被鬧：念力辦公？

九龍灣麗晶花園爆發嚴重疫情，其中第6座恐成淘大花園E座翻版，部分居民需要隔離檢疫，政府亦要求指定座向及單位的人士要接受強制檢測。不過，麗晶花園當區區議員畢東尼近日就未見身影，原來佢一早訂咗機票去英國探囝囝。

畢東尼FB圖。

畢東尼星期一（12月7日）發文話，2020年已經來到最後一個月，自己同遠在外國的家人分開咗10個月，錯過了兒子們的成長時光，所以自己無論如何都希望能在2020年同家人見一次面，其後又上載食炸魚薯條的相片到社交媒體。

建制派設立的社交平台專頁「議會監察」揶揄畢東尼「念力辦公」，鬧佢「喺FB開心share啲遊英照，仲連食炸魚薯條呢啲風流快活嘅相都出埋，但係就竟然話自己『時刻留意』麗晶本區情況，唔通佢『公務』考察緊英國食肆嘅防疫工作？」。

「議會監察」貼文

畢東尼後來已悄悄將食炸魚薯條的帖子刪除，改稱「東尼因就醫而身在英國」，聯絡各觀塘區議員到場協助。

但建制派KOL李梓敬之後就發貼踢爆，畢東尼不單在居民水深火熱時遊英，還懶理街坊求助，即時退出居民群組。

李梓敬貼文，質疑畢議員齋出糧，唔使做嘢。

畢東尼區議員辦事處專頁昨晚就自己轉載媒體查詢嘅回應話，自己覺得群組溝通不太有效率，就退出群組，請居民私下搵佢，又話目前無計劃提早回港，跟兒子10個月無見面，取消行程「過不了自己那關」。

高人話，麗晶花園已成疫區，作為當區區議員，選擇在這個時刻赴英探親團聚，居民鬧爆都不出奇，亦難怪建制派人士質疑咁樣的議員只出糧，唔做實事。

Ariel

** 博客文章文責自負,不代表本公司立場 **

特首林鄭今日召開記者會講述購買疫苗進展，她更透露政府有8個抗疫策略：

1. 依法辦事。香港是一個法治社會，而政府近年很多工作亦時常受到法律挑戰，所以在今次的工作中，非常強調法律基礎，每一個工作都要有穩妥的法律基礎。

2. 專家領導。特首再次需要感謝於1月底委任的4位專家顧問團的成員，他們在這段時間真的很投入。我們開會都有20次，他們亦積極參與去現場視察、再給予意見。

3. 設施配備。即相關的治療設施，口罩，特設的檢疫中心

4. 科技應用。

5. 公眾交代。政府開了500場以上的記招，每月的抗疫報告，網上資訊發放。

6. 病毒檢測。世衛指未有疫苗前檢測仍是關鍵一環，但檢測必須策略性、針對性。(強制的須檢必檢，有需要的應檢盡檢)

7. 社交距離。措施調整好困難，要顧及生活需要，抗疫疲勞，營商需要。巡查300日，近365 萬巡查，即每日12000次，有檢控，戴口罩，群眾聚集.。感謝企業市民配合。

8. 外防輸入。不斷總結經驗，以強化這些「外防輸入」措施，確保做到滴水不漏。

特首林鄭開記招。

高人話，特首抗疫策略以「依法辦事」為先，希望政府踫到危急情況，識得召開緊急會議馬上立法應急。病毒無眼，亦不識法律，政府抗疫反應要快呀。