陸貽信打贏真正無頭公案

昨日有法律界人士笑稱，Arthur luk(資深大狀陸貽信)打贏真正的無頭公案。古代話難打的官司叫無頭公案，死者被人斬咗個頭，可能唔知點死，無證無據，呢啲官司唔知點打。而家呢單秦嘉儀案，唔止無頭， 無屍，仲一滴血都搵唔到，理論上無直接證據證明秦嘉儀死咗， 要代表控方起訴，案件難打程度可想而知。

   

呢單官司控辯雙方大狀都係出身於DOJ(律政司)， 代表控方的外聘資深大狀係陸貽信，佢係前侓政司副刑事檢控專員，做到60退休，出來私人執業，接咗單案幫控方打。 而辯方資深大狀Marash係澳洲人，早年來港加入回歸前的律政署，後來一早出來私人執業。

由於單案全無直接證據，全部靠合理推論，事前外界都覺得辯方有得打，控方好難打。點知控方最後全勝， 陪審員一致裁定有罪，兼且火速用咗兩個幾鐘就傾完， 顯示他們意見相當一致。控方大勝一仗。  

陸貽信打官司的特色係穩紥穩打，為人謙虛，一步一步爭勝， 打呢個官司亦係同一風格。佢份人有正義感，睇個樣都睇到。而律政司打謀殺案都喜歡搵同一個部門出身的大狀去打， 因為謀殺案難打，佢地經驗較佳，取勝機會較大。

不說不知，原來陸貽信不是紅褲仔讀law身， 佢畢業後入了司法機構做傳譯員，入咗法律呢行， 後來再去讀law，讀完才入律政署，一做就30多年。 離職後私人執業，專打刑事，如今和資深大狀清洪同一個大狀辦事處。

Ariel

** 博客文章文責自負,不代表本公司立場 **

泰國曼谷四面佛爆炸案，兩名港人死者之一的19歲陳詠釿( Chan Wing Yan,Vivian)，原來擁有英籍 ，英國首相卡梅倫和外相夏文達分別向陳詠釿致哀。

英國政府網站發放外相夏文達的聲明，話確認1名擁有英籍香港女子於事件中喪生，英國駐泰國大使館將盡力協助其家人度過難關。

而英國首相卡梅倫亦於facebook及Twitter上留言哀悼，話聽聞曼谷恐怖爆炸中一名英國公民喪生，感到極度哀傷，對其家人及其他受害者家人的處境感同身受。

至今日下午5點此留言獲6057個讚。(https:// www.facebook.com/ DavidCameronOfficial)

據悉陳詠釿來自公務員家庭，估計已獲居英權，故是英籍港人。英國首相、外相知悉有英藉人士遇害馬上致以慰問，的確十分識做。

另外特首CY昨日亦代表特區政府向死難者家屬致以深切慰問，並希望傷者早日康復。