鳳凰衛視旗下的數碼電台鳳凰優悅台， 向政府申請退還數碼聲音廣播牌照，月底停播， 政府話暫時不會發出新牌。
政府在2010年2月宣佈推出數碼聲音廣播頻道予私營公司申辦， 初時有4間公司申請，其後商業電台其後宣佈撤回申請，政府在同年 11月決定向其餘3間公司發牌，包括新城電台及鳳凰優悅各有3條 頻道，而香港數碼廣播（DBC）有7條頻道，牌照為期12年， 並預留頻道給香港電台營運。估不到鳯凰玩咗4年幾就唔玩，做唔夠 12年。
業界人士話，由於政府唔想數碼電台廣播和電視爭生意， 所以唔俾佢地播畫面，生意先天性受限制， 加上數碼收音機也不普及，數碼電台好難做。 鳯凰當日都係想搞出一個中國對外宣傳的板塊， 在香港和外國都做電台，博有外宣經費支持，博唔到就唔玩。
DBC行政總裁羅燦就大力媽政府「唔嗲唔吊」， 沒有積極推動數碼廣播發展，無協助司機安裝汽車數碼收音機， 而本港5條主要隧道、 公共屋邨及港鐵等亦不能有效接收數碼電台訊號， 令數碼廣播收聽率大受影響。
業界人士話，以政府的做事速度， 都唔使旨意未來幾年好快可以做到燦哥講那幾樣嘢， 所以數據廣播都唔係幾睇好。
Ariel
** 博客文章文責自負,不代表本公司立場 **
早前有報道指特首梁振英計劃在明年的施政報告之中， 提出取消強積金可以對沖遣散費及長期服務金的機制。 還有一年半就特首選舉，記得CY競選時對勞工界話要研究搞取消強 積金對沖機制和實施標準工時，如今標準工時仲實施無期， 先搞取消強積金對沖，都算係對勞工界交交功課的安排。
不過呢招一出，自然就引來自由黨這些代表商界政黨的反對，自由黨 立法會飲食界議員張宇人話，業界和中小企都對於政府要取消對沖「 瞓唔着覺」。 張宇人指政府當初推出強積金時， 話強積金可以對沖長期服務金和遣散費，但而家又話要取消， 違反承諾，中小企十分憤怒。
佢話如果政府向立法會提出取消強積金對沖機制， 佢會應飲食業界的要求拉布，他會拉布將法案拖至明年6至7月， 留待下一屆立法會處理，甚至有可能再拖一年， 拖延至下一任特首處理。
自由黨張宇人提出拉布，政府、 商界建制派和泛民就好似錯咗位那樣。 近期自由黨經常就政治問題搵特首CY嚟玩，自由黨田北俊在fac ebook上成為「呃 like大王」，經常笑政府和特首，變成半個反對派。不過CY出 呢招取消強積金對沖都幾辣，既可買好勞工界， 同時令自由黨為商界發聲的身份露底，田少就此問題亦好難出聲， 因為呃唔到like。
主客易位後，自由黨聲言玩拉布。單講數人頭， 政府此舉應得到部份泛民支持，但也失去部份商界的建制派票， 是否好穩陣咁過半數都要睇環境，因為泛民也未必想CY得分， 所以仍有變數。
而且玩拉票唔係只講數人頭，只要有番咁上下人數， 都有機會拖死法案。所以自由黨若就此發動拉布，政府都唔易頂， 法案也不是話過就過。
