勿認真：園藝達人教你種出「奇異蕉」

嫁接係一種園藝技術。將一種植物嘅部分組織固定喺另一種植物上，經過一段時間後，兩者會神奇癒合繼續生長。外國一個影片網站請嚟園藝達人Robert Mahar為大家煞有介事咁「示範」嫁接香蕉同埋奇異果變成「奇異蕉」，表面上係條蕉，內裏就青BB奇異果咁，神奇、頂級、超卓！

 

 

不過咁，有時網上流傳嘅嘢，認真就輸了。影片描述咁樣講：「新品種水果融合往往會遭遇好多挫折，結果經常令人失望。如果你能夠成功培植到香蕉同埋奇異果嘅合成品，咁我哋強烈建議你去買彩票。祝大家愚人節快樂。」

 

 

大家又諗好愚人節點樣整蠱朋友仔未呢？

奇趣錄

** 博客文章文責自負,不代表本公司立場 **

中國文字個個有特色，其中不乏「二疊字」如昌、圭、串等，三疊字就比較少見到啦，以下42個字中你識幾多個？

台灣一名小學語文教師在facebook分享同事寫「三疊字教學」其中有森、磊、晶、聶、轟、鑫等比較常見嘅字，其他字真係少見，大人細路都話難！

大家唔識點讀，可以去呢個網站查一查：http://humanum.arts.cuhk.edu.hk/Lexis/lexi-can/