一班姊妹坐埋一齊，最鐘意八吓嗰啲城中八十後同九十後偶像戀情，好似拍拖十年的方力申同鄧麗欣早排散咗，就霸咗娛樂版幾日頭條。查實男未婚、女未嫁，分手又有咩出奇，因了解而分開都唔係壞事，起碼大家可以重新來過，如果已婚就麻煩啦，香港離婚率不算高，點解？離婚成本高囉﹗
網上圖片
名人可以高調分手或者離婚，普通人就……就要懂呢啲，芝芝最近上網睇到一段有關男女「三三四四」的文章，究竟咩係「三三四四」呢？
首先女人要知道男人有三大核心需求：希望被人崇拜、女人要對他溫柔，支持、認同、理解他。
男人亦要明白女人三大需求，安全感是第一，浪漫雖然不實際但都重要，女人喜被寵愛同被人氹，記住老婆同女朋友生日，還有結婚、拍拖記念日一起要慶祝，即使你只係孤寒到一支花，為家務日夜操勞的妻子都會感受到你的愛。
網上圖片
夫妻關係好不好，無非要處理好三大問題：錢銀、性同埋溝通﹔其中一個出事都好易搞到離婚﹗夫妻之間要「三多三少」：多關心對方變化；多發現對方優點；多講正面話；少抱怨；少指責；少誤會。
抱怨解決不到問題，女人不是說要啞忍，但無益的話就講多無謂，真是有問題就要一起解決，解決不到就要正視，不要拖，所謂長痛不如短痛﹗
網上圖片
夫妻「四處」係咩？就是多想對方好處；欣賞對方長處；體諒對方難處；包容對方短處。有四句話夫妻要記住︰「對不起，我錯了！」「我相信你！」「我以你為榮、為傲！」「我愛你！」關鍵時候搬出嚟，就能夠化解危機，最後加上四個「共同」：共同人生目標、共同生活環境、話題、朋友。如果老公好友又是你好友，有咩風吹草動，對方都會即刻話你知，除非對方是損友啦。如果你老公有損友，就快啲叫他離開那個朋友圈﹗
識得呢啲「三三四四」唔一定不會離婚，只係機會細啲！講到尾，都係好老套咁要彼此忍讓，互相欣賞，真係知易難行，不過有用架！
芝芝‧知性
** 博客文章文責自負,不代表本公司立場 **