田少打開口牌要和泛民結盟

目前在立法會擁有5席的自由黨，滿肚密圈，計畫在今年立法會換屆選舉中，搶佔7席至8席，仲話要同泛民結盟。

自由黨榮譽主席田北俊早前披露其大計，自由黨除了在新界東、新界西直選兩面出擊之外，在功能組別方面，會積極考慮派人出選商界（一）議席，挑戰現任議員、經民聯副主席林健鋒。田少指林健鋒在加入行會後，全部政策都投票支援特區政府，令「不少總商會成員」提出質疑咁話。

另外田少又計畫與非自由黨員結成「合作夥伴」，協助對方進行選舉工程，包括計畫角逐連任的九龍東現任議員謝偉俊，準備出戰港島的「友好」王維基，以及工業界現任議員林大輝等。

田少聲言，目前社會分化嚴重，各陣營碎片化，建制派不能只做保皇黨。該黨會力爭在議會內爭取到7席至8席，再與泛民合作，令議席數目超過半數，才可改變政府「一言堂」局面。

政壇八卦友話，田少公然搶位，加埋想和泛民結盟過半數，若然成功好大件事，唔好睇少佢噃。

Ariel

** 博客文章文責自負,不代表本公司立場 **

政務司司長林鄭一露出想玩下屆特首賽的動作，馬上成為焦點，有政圈朋友講起佢「腳痛」的故事。

早前特首CY在禮賓府回請全體立法會議員，即係自由黨田少不去的那個飯局，由於CY和林鄭同場，大家都想睇睇兩人有冇火花，結果當然無料到。

據說自由黨黨魁方剛席間問及林鄭係咪有意參選特首，林鄭氣定神閒講標準答案，話自己要陪老公同兩個仔，仲話要去北京同美國探佢地。講講吓講到最近腳痛，有筋膜炎，林鄭成日著斗零踭，好易著到腳痛。

政壇八卦友話，林鄭「腳痛」照去馬，呢場戲好好睇。林鄭半亮劍，立即蓋過財爺「鬍鬚曾」的鋒頭，鬍鬚的團隊都要加把勁啦。