日前有網民發現於屯門河旁，有兩部疑似經改裝的電動輪椅在單車徑上行走，輪椅的後座疑似加設了企位「載客」，令不少網民批評有關行為罔顧安全又涉嫌違法！
FB影片截圖
兩女子站輪椅後「企位」遊車河
有網民拍片並上載至「屯門友」臉書群組，片段所見，位於屯門河旁的單車徑上，有兩部電動輪椅正在行走，但令人側目的是，這兩部輪椅的後座竟然設有「企位」，而兩名女子分別站在疑似經過加裝的企板上，讓電動輪椅載着「遊車河」。
FB影片截圖
在單車徑上行走惹樓主憂安全問題
片中的兩位女子，都正低頭玩手機，兩人均無扶着輪椅，電動輪椅正在單車徑左面線上行走，而單車等則由右面線駛過。樓主擔心地寫到「咁樣企多個人係電動輪椅上面，好似唔多安全」
FB影片截圖
街坊見怪不怪：輪椅飛車黨成日見
有不少屯門街坊網友都認出片中的兩部電動輪椅，指經常見到它們在區內出現「輪椅飛車黨成日見」，並指站在輪椅後的兩名女子分別是兩部坐輪椅長者的女傭，「依兩位外傭經常性係碼頭個邊行單車徑出元朗」，「佢哋經常咁樣一齊同行㗎，喺室內地方都見過，單車徑都見過幾次喇。」「呢兩個好出名喎，我啲街坊成日喺兆康條路見到佢哋。」
FB影片截圖
網友批評罔顧安全質疑是否已違法
兩部電動輪椅改裝成載客車，並於單車徑行走，大多數網友都批評行為罔顧安全，質疑是否已違法，「仲要唔係一個，仲有兩部同行。」「（涉嫌）犯法，同埋電動輪椅係只可在行人路行，唔可行在單車徑。」「仲有部輪椅（懷疑）改裝犯2條罪。」「萬一有意外，後面企嗰個一定係首當其衝。」
FB影片截圖
網批：唔懲罰就繼續做
而兩位站在企位的女子亦遭網友怒斥「工人企後面玩手機，呀公呀婆做駕駛員自由行，佢哋覺得唔知幾型呀。」「唔懲罰就繼續做。」「健全人士為何要用輪椅呢？」「啲人真係越來越懶」等。
近日一名從事搬運行業的30歲港男，在網上發文透露自己想轉行學日式廚藝，目標是開一間充滿人情味的居酒屋。他形容心目中的小店，不必高級，但要像日劇《深夜食堂》那樣，可以和客人有傾有講。
近日一名從事搬運行業的30歲港男，在網上發文透露自己想轉行學日式廚藝。Threads截圖
樓主坦言知道在香港做飲食業「好難」，帖文中甚至連講三次「我知係依家係香港做飲食好難」，但他仍想一試，更感性表示：「有時唔係搵唔搵到錢，係嗰種人生裏面嘅經歷。」
帖文引來兩極反應。不少網民大力支持，有人分享自己同樣30歲轉行開咖啡店的經歷，五年來只做日間，卻認識了不少熟客，正正是樓主想要的「深夜食堂」感覺。更有網民以自身作例子，指自己「3中先轉行，零基礎」，由甜品做起，如今已擁有四間餐廳，勉勵樓主：「時間唔會背叛你，天道酬勤，滴水穿石。」
近日一名從事搬運行業的30歲港男，在網上發文透露自己想轉行學日式廚藝。AI生成圖
不過，一名擁有30年經驗的行政總廚就大潑冷水，直指「而家入行基本上冇嘢學，全部都預製菜」。這句說話隨即引爆討論，有行內人認同表示，現時為減成本，中央廚房預製菜乜都有，基本上「一個咩都唔識嘅人走入去都可以做到」。但亦有網民反駁，認為總廚說法太偏頗，並非所有餐廳都用預製菜，廚房仍有需要真功夫的地方。
除了學唔到嘢，廚房的工作環境亦叫人卻步。有飲食業網民警告，做日廚處理炸物「burn到Ｘ街」，搶火搶油，「二級燒傷起跳，一路止血一路炒」。有做了26年的西廚更建議樓主「去學水電仲好」，認為收入更高、私人時間更多。
除了學唔到嘢，有網民認為，廚房的工作環境亦叫人卻步。資料圖片
資深總廚更分享，以前有位下屬轉行到地盤做紮鐵，月入高達十萬，對方直言雖然辛苦，但「都好過喺廚房蹉跎歲月」。
在一片勸退聲中，有網民向樓主拋出關鍵問題：「到底你係對陌生人有興趣，定係對烹飪有興趣？」如果只想找人聊天，是否真的需要跳入廚房這個火坑？樓主最後只回覆了一句「收到」，未有進一步交代去向。
但都有網民大力支持，分享自己同樣30歲轉行開咖啡店的經歷。AI生成圖
