Nowhere Boys旺角開Live與年輕Busker分享舞台 結他手Ken親述為黃貫中重修消失30年結他

樂隊Nowhere Boys五子在復活節假期最後一日（4月21）到旺角T.O.P商場舉行Mini Live，為新歌《給失敗者的一封信》進行宣傳。雖說是Mini Live，但Nowhere Boys一共準備了九首歌與在場樂迷分享，更邀請了兩隊年輕的Busker擔任嘉賓，與他們一起分享舞台。

Nowhere Boys在復活節假期最後一日到旺角商場舉行Mini Live。

並邀請了兩隊年輕的Busker擔任嘉賓。

主音阿Van說：「今日搵咗兩隊busker上台表演，其中一隊1AMJAM，仲唱咗我哋嘅新歌《給失敗者的一封信》，佢哋仲重新編曲，我冇諗過首歌可以咁chill，最終我哋都忍唔住，逐個走埋去同佢哋一齊jam，尤其開場前我幫其中一位成員孭起支結他嘅時候，突然有一種傳承嘅感覺。」

主音阿Van

到Nowhere Boys正式出場，他們連串唱出多首經典作品，包括《我們的航海時代》、《放飛之旅》、《票房毒藥》、《地心吸力》以及《地球候機室》，替在場樂迷熱身，接著唱出輕快作品《掹藤》，全場一起歡呼跟著唱，將現場氣氛推上高峰，阿Van續說：「今日最大感受最好玩嘅歌係《掹藤》，開場一連幾首慢歌，當一唱《掹藤》，現場嘅energy好大，我feel到成個商場都震，有一種去咗紅館開show嘅感覺，所以好開心。」

唱出多首經典作品

唱出多首經典作品。

接著唱出《我們的移動城堡》、新歌《給失敗者的一封信》以及壓軸的《天外飛仙》，樂迷興奮得不斷揈毛巾，就連Nowhere Boys底音結他手Hansun的4歲囡囡Eunice，也跟着音樂起舞。場內氣氛高漲，樂迷跟本唔捨得走，不斷嗌encore，最後Nowhere Boys額外送上《無處遊人》，為Mini Live劃上完美句號，「今日算係acoustic嘅演出，但我哋首新歌《給失敗者的一封信》太重型，當要用木結他去演繹，需要重新編曲，保持番佢原有嘅energy同時，又不失acoustic嘅感覺，其他歌都係，今日最後玩咗十首歌，但呢個都係我哋最擅長，喺冇電腦、冇program底下，用大家手上嘅樂器、用人聲造出聲效，用最真嘅聲音去演繹。」

Hansun的4歲囡囡Eunice都跟着音樂起舞。

樂迷逼爆商場。

不斷嗌encore。

提到近日Beyond成員黃貫中在社交網站發文，感謝Nowhere Boys結他手阿Ken，幫他尋回並維修已失去超過三十年的結他，阿Ken解釋在他發現、維修、物歸原主這個長達一年半的過程，彷彿一切都是冥冥之中，「支結他係我一個同我夾開band嘅村民俾我，但送到我手嘅時候已經好多零件壞晒，連螺絲都甩埋，即使我學過整結他，但呢支估計喺1987年出產嘅Steinberger結他，裡面嘅零件我當年冇學過，最後好好彩搵到間廠肯同我重新生產，但啲零件寄到嚟，我都唔識整，要再花好長時間上網搵呢支結他嘅設計圖，再搵師傅整咗四個月。」

黃貫中日前發文感謝Nowhere Boys結他手阿Ken，幫他尋回並維修已失去超過三十年的結他。

阿Ken解釋在他發現、維修、物歸原主這個長達一年半的過程。

雖然重新更換了零件，但結他的音色還未達標，阿Ken坦言心裡很著急，他希望Nowhere Boys可以與阿Paul的結他做一個紀錄，即使音色未盡完美，阿Ken最後還是將這支結他，帶到五子去年十月在西九舉行《US》演唱會的尾場，阿Ken攞起阿Paul的結他上台彈奏《推石頭的人》以及《逃出阿卡拉》，而身為Beyond歌迷的他，更唱出Beyond作品《海闊天空》。

阿Ken（右一）

阿Ken說：「我當日學結他都因為Beyond，好清楚一支結他對結他手有幾咁重要，所以我花咗好長時間再幫支結他調音，希望可以喺阿Paul三月三十一日生日之前，將支結他交番俾佢，因為好多Beyond嘅經典作品，都係用呢支結他彈出嚟，所以能夠完成呢件事，我覺得好感動。」

Nowhere Boys與粉絲合照

Nowhere Boys與粉絲合照

寰亞樂隊Nowhere Boys（NWB）成員來自不同成長背景，但他們同樣深受香港Band壇傳奇Beyond的影響。Beyond專屬錄音室，位於旺角花墟的「二樓後座」，因市區重建歲月無聲地面臨清拆，緣份讓Nowhere Boys 一次偶然，用已故Beyond靈魂人物黃家駒最愛的木結他「小妖」創作了一首歌，在錄音室停止運作前順利完成錄音。《二樓後續》MV紀錄了「二樓後座」每個曾經有著Beyond與Nowhere Boys不同時空交錯的逝去日子，同時延續Beyond的光輝歲月！

Nowhere Boys新歌《二樓後續》MV紀錄了「二樓後座」每個曾經有著Beyond與Nowhere Boys不同時空交錯的逝去日子。

黃家駒最愛的木結他「小妖」。

Nowhere Boys作為Beyond的忠粉，身處偶像專屬錄音室「二樓後座」，創作新歌《二樓後續》及錄音，心情如赤血熱血般興奮與期待。結他手Ken說：「呢度係『二樓後座』，呢支木結他叫『小妖』，係黃家駒生前用嘅結他，我無親眼見但睇相見過佢玩，佢話『得閒就彈，唔得閒都會彈』。」結他藏於「二樓後座」，可以讓音樂人使用。Ken說：「有一次我好得閒，所以就攞嚟彈，之後Van話啲Rhythm可以用到，不如我哋試吓用。」

結他手Ken

拍攝花絮

Van憶述：「聽到Ken彈我已經諗到啲旋律，所以即刻用電話錄低咗用呢支結他彈嘅嘢。呢首歌《二樓後續》絕對唔係因為呢度冇啦而去做啲話題，只係純粹因為Nowhere Boys對呢個地方有感情，好想喺佢完結之前，用我哋嘅音樂紀錄呢個地方。」Ken強調：「用我哋嘅方法紀錄呢個地方嘅聲音、呢支結他嘅聲音，我唔知道下次係幾時可以再錄到佢（小妖），但好肯定，下次就算我再彈到呢支結他，亦唔會喺呢個地方。」

主音Van

親手寫上每段得失樂與悲與夢兒，Van認為這是上天賜予的命運派對，於是堅持信念不再猶豫，懶理現時市場主流旋律，衝開一切以充滿90年代Indie Rock風格創作《二樓後續》，以紀念Nowhere Boys在「二樓後座」用「小妖」最後一次在錄音室的灰色軌跡。

拍攝花絮

Ken更點名要由鍾說（鍾雪瑩筆名）填詞，他說：「睇佢做戲，啲內心戲好強，年紀輕輕但對世事有好深感受、好細膩。」他更寫了千字文，向鍾說細緻描述「小妖」的故事、「二樓後座」的燈光、器材等，希望她能為這首歌譜上Nowhere Boys與「二樓後座」這次無聲的告別，他說：「最重要係呢度嘅『精神』，就算呢度要拆，Beyond嘅精神永永遠遠都喺度，透過歌詞傳達呢個訊息。好難相信，原來我細細個聽Beyond、去學結他、組band、喺度錄音，感覺好似無幾耐之前發生，原來已經30年，好amazing！每次嚟呢度錄嘢都有好強嘅感覺，可能acoustic好好，每次都可以好集中精神，好易諗到，好快作出決定。」

拍攝花絮

拍攝花絮

鼓手Nate非常認同，「我哋嚟到呢度好易『撻著』，呢度嘅engineer輝哥（鄧衍輝）好犀利，佢好集中用耳仔聽住我哋做咩，好順利錄到好好嘅作品。」低音結他手Hansun笑說：「喺度錄音，肯定好過喺我哋Band房！我好鍾意呢度個鼓聲，配合埋Nate，啲聲夠punch，錄音好有feel！」

鼓手Nate

Nate說：「任何藝術都一樣，一定要學習之前嘅嘢，先至知道依家要做啲咩，熟悉Beyond好重要，喺香港彈音樂走唔甩，好多機會去彈Beyond嘅作品，我每次睇到香港市民嘅反應，就知道呢啲音樂對呢班人有幾重要。」他表示有一次戶外表演，因同場另一隊band缺了鼓手，他被臨時拉夫上場，而當晚這場俾面派對，表演全是Beyond 的歌，圍觀者由零到爆棚，全賴高溫製造氣氛，即使已上年紀的觀眾亦變得活躍起來，他說：「可想而知Beyond做咗啲好重要嘅音樂，留低咗好嘅影響畀其他人，Beyond嘅影響係無限大，可能香港彈結他嘅人有一半因為佢哋，我覺得Beyond喺本地嘅影響力相等於Beatles，一樣係最高嘅Level！」

拍攝花絮

Nowhere Boys

雖然「二座後座」已成為舊日的足跡，但Beyond的打不死音樂精神就像東方寶藏，過去與今天，抗戰二十年、四十年，依然活在Nowhere Boys和廣大樂迷的心內。

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」

「二座後座」