政事
報紙生意難做，部份報館計劃加價，首先加的是蘋果日報，發行商今日通知報販，蘋果日報將於下周一價格，由7元加到8元。
上一次報紙加價係2013年4月，由6元加到7元，事隔三年多又再加價。暫時未知道其他報紙會否跟隨蘋果日報加價。
每份報紙加價1元，報館可以多收0.6 元，以蘋果日報每日實銷約12萬分計，蘋果日報一年收入可以增加2628萬元。呢個數話多唔多，但係可以幫補一下。
蘋果日報母公司壹傳媒（282）早前再發盈警，預料截至9月底止中期業績錄得重大虧損，去年同期錄得虧損1.23億元。公司解釋，預期錄得重大虧損，主要由於香港和台灣因經濟不景和印刷刊物市場整體下跌，刊物的廣告收益及發行收入減少約24.8%。可能因為咁。所以要加價幫補一下。
小鯊
** 博客文章文責自負,不代表本公司立場 **
本地派立法會議員鄭松泰昨日經過天穚返立法會， 在天橋下有建制派集會，他在天橋上見到市民映相， 就向警員投訴阻住佢出入，還將片段放上facebook。
鏡頭所見，大橋有十幾呎寛，在橋邊映相的市民阻唔到行人通過。 鄭松泰搵一個警員投訴，鄭松泰好燥，警員(一個沙展)回應平靜， 鄭松泰的一句「4020(警員編號)，我係鄭議員呀」， 真係經典。對話大致如下:
鄭:有乜理由呢個位置俾佢地映相..呢條係入立法會的唯一通道。
(映相的中年女仕話:你行開啲，我地鐘意映相關你乜嘢事。)
鄭:呢個位你唔應該咁安排。
警員:唔係我安排，你問番個便(立法會)……呢條通道大家可以行 。
鄭: 4020(警員編號)，我係鄭議員呀。你點可以咁俾佢地入去?
警員:佢地無入去，呢條路可以俾人行。
鄭:呢條係入立法會唯一通道。
警員:你入咗去先，我地再安排過。
鄭:你講係立法會的問題?
警員:幾好呀，呢度公眾地方可以俾人行。
鄭:平時集會你唔係咁。你態度非常好喎。
警員:唔係呀我覺得好好呀。
鄭:你可唔可call你的上司來。
警員:好呀，如果你趕住返工，可以….
鄭:我11要開會，呢班人阻住我出入。我而家好聲好氣同你講， 你用呢啲咁回應，不如你落去集會啦。
後來一個更高級警員到來，鄭議員轉向他投訴。呢句「我係鄭議員」 ，都趕得切競選2016年港台的金句選舉喎。
