香港系列之細間始終你好｜香港三小店逆境堅守守業魂 紙紮鋪接班人難忘街坊助老店渡過「嚴寒」

由阮兆祥（祥師兄）主持的資訊綜藝節目《K Cash業主私人貸款呈獻：香港系列之細間始終你好》，本周六（6月13日）晚8點翡翠台播出新一集。今集，祥師兄繼續穿梭香港大街小巷，走訪土瓜灣銅器小店、油麻地以懷舊冰室為主題的新式Café，以及有超過60年歷史、已傳承至第三代的紙紮舖。三間店舖的負責人，各以不同方式守護香港舊記憶、文化及人情味，活出屬於他們的獅子山精神。

紙紮鋪第三代接班人Gladys。

Gladys話目標係想紙紮鋪成為「百年好店」。

紙紮電動麻雀像真度極高，祥師兄都好驚嘆。

Gladys爸爸強哥對紙紮作品要求極高。

紙紮舖傳承三代‧致力向先人傳達有溫度的愛 目標成就「百年好店」
三間小店之中，最特別的是由1960年開始經營，至今已傳承至第三代、並擁有60幾年歷史的紙紮舖。雖在很多人心目中，紙紮已是夕陽行業，但堅守「中國人始終有咁嘅需要」嘅三代人，仍堅持用雙手幫在世的人、將愛及思念透過紙紮品傳送給先人，皆因對他們來說，每件紙紮品都是一份使命，故第三代店主Gladys及Gladys父親對所有紙紮品一絲不苟。Gladys在節目中分享了一個與客製紙紮品有關的暖心感人小故事：「有位男士係先人嘅舅父，佢坐低傾嘅時候已經開始爆喊。原來佢外甥女生前患病，舅父應承過佢好返就教佢踩滑板車。」最終Gladys按客人吩咐，做了一部一模一樣的粉紅色滑板車送給先人，希望客人能因此得到安慰釋懷。

當年火燒紙紮鋪，幸得街坊幫助支持賣晒啲貨，成功捱過難關。

當年火燒紙紮鋪，幸得街坊幫助支持賣晒啲貨，成功捱過難關。

紙紮鋪有超過60年歷史了。

除了時代洗禮，這間老店還曾於2024年1月經歷過一場歷時9小時的大火，當時在店舖對面望著熟悉的「家」被熊熊烈火包圍，Gladys與母親極盡心痛，Gladys憶述：「見住我嘅成長地方冇晒，好難頂。」不過大火並沒有擊倒Gladys一家守業的決心，本住「有地方，有人，啲貨燒晒咪再入過貨咯」的決心，Gladys在員工及街坊的群策群力及幫忙，幫店舖渡過最「嚴寒的冬」，Gladys：「返到嚟（喺舖頭度）賣地攤咁賣，喺出面大嗌，啲街坊好支持，嗰年啲嘢通通賣晒，就係咁樣我哋捱過咗一個新年。」直至今日，Gladys媽媽仍忘不了那份情：「我好多謝呢度啲街坊，真，真係非常之好。」祥師兄聞言亦有感而發：「跌嘅時候先領略最多，原來唔係每樣都係必然時，你就會更加珍惜依家所有嘅嘢。」

祥師兄現身油麻地懷舊冰室。

冰室創辦團隊成員阿峰。

大家有講有笑，好開心。

「焗斑蘭咖央西多士」好想食呀！

50、60年代，冰室係唔少香港人聚腳點。

祥師兄都忍不住大影特影。

一班年青人既係同事又係朋友。

祥師兄踩入廚房體驗。

齊齊合照，好開心。

祥師兄踩入廚房實地體驗
同樣相信團結就是力量的，還有位於油麻地、由年輕團隊主理的新舊交融「懷舊冰室x新式Café」。50、60年代，冰室是不少香港人的聚腳點，為保留這個特有文化，阿峰與合伙人四年前接手經營這間傳統冰室時，特意保留1969年沿用至今的枱櫈、複製店舖古早牆紙的同時，還創造了不少「變奏版冰室經典美食」，包括「焗斑蘭咖央西多士」及皮蛋炒意粉等，用創意為冰室老靈魂注入新生命。

談到經營理念，阿峰坦言最重要是找到志同道合的合伙人：「做咩都好，最緊要搵到班啱嘅團隊，呢度個個都好似朋友，一班朋友一齊做一件事係好玩嘅」、「有同一個夢想，大家都肯去拼搏，就唔會太計較。」為了好好感受這班年青人的那團火，祥師兄還踩入廚房親自體驗。

祥師兄現身土瓜灣銅器小店，佩服店主Wilson嘅延夢精神。

銅器小店唯一一件刻有「Made in Hong Kong」嘅「書立架」，十分珍貴。

Wilson細細個開始已經有儲銅幣習慣。

到底祥師兄睇緊咩呢？

銅器店主65歲Wilson為91歲退休陳伯延續「銅夢」
最後一間是隱身土瓜灣的銅器小店，65歲店主Wilson 2年前從當時91歲的上手老闆陳伯手中接過店舖，Wilson本身是陳伯熟客，細細個亦已愛儲古董銅幣，故兩年前陳伯想Wilson幫手傳承小店時，Wilson二話不說答應。節目中，Wilson向祥師兄展示了「銅器噴火槍」、「英式火水爐」及刻有「Made in Hong Kong」的銅器「書立架」等古物，十分珍貴。談到現時雖然大家已少用銅器，但Wilson仍希望盡最大努力保存在他心目中獨一無二的藝術品：「如果唔保存佢，好容易去咗五金舖變廢銅回收，實在好浪費。」銅器小店位於土瓜灣13街，Wilson指雖然近17年以來不時傳出將會清拆的消息，但他仍希望盡最大努力：「做得幾耐就幾耐」，令祥師兄亦深感佩服。

由阮兆祥（祥師兄）主持的資訊節目《香港系列之細間始終你好》，今晚（10月10日）8點翡翠台播出新一集。今集祥師兄先後走訪了灣仔超過半世紀歷史的港式飛髮舖、油麻地百年文具店，以及葵廣毛冷小店。

Mark形容港式理髮店特色就係師傅要「一腳踢」。

祥師兄憶起許多童年回憶。

Mark話有生之年都要堅持做落去。

Mark記住爸爸一番說話，有時間就會去做義剪。

灣仔港式理髮店—「朝桁慢拆」延續廣東理髮工藝
灣仔港式理髮店店主36歲的Mark，是小店第二代主理人。為了幫輕爸爸，Mark毅然接手小店，透過「朝桁慢拆」的「默默耕耘一腳踢」方式，體驗香港人精神。隨著時代巨輪，灣仔區的港式理髮店由4間變2間，Mark的理髮店亦生意驟降，一個月只有8個客人左右，但Mark依然堅持要將店守下去：「自己都好糾結，我係咪要放棄呢？但到想放棄嗰刻又同自己講，世上冇一樣嘢可以令你放棄，除非自己放棄自己。我同自己講，包括同我爸爸，喺我有生之年、幾辛苦都好，我都要堅守住呢間理髮店，繼續延續廣東理髮嘅工藝。」除了手藝，Mark還傳承了爸爸「取之社會用於社會」的信念，每個月都會去安老院探訪義剪或是派飯等，Mark引述爸爸教誨：「你做生意多與少都要回饋社會，咁先至可以有因果關係」，皆因理髮店就是「透過頭髮牽引住每一位街坊以及每一個行業」。

祥師兄見到「懷舊文具店」，即勾起許多童年回憶。

老闆釗哥。

老闆釗哥展示文具店以前舊相。

「中華牌鉛筆」、「牛津數學工具套裝」、「懷舊年畫」等，勾起二人許多舊記憶。

祥師兄堅持手寫字，因為每一筆一劃都有心思同溫度。

百年文具店—中式大富翁大開眼界
位於油麻地的百年文具店，雖然招牌寫著「1938」，但其實老店始於1915年，老闆釗哥還向祥師兄展示舊照片，笑言「有圖有真相」，為人有趣。除了舊照片，店舖中還有大量「港式舊日足迹」，包括「中華牌鉛筆」、「牛津數學工具套裝」、「五個數目字的電話號碼」以及「中式大富翁」！隨著網店應運而生，釗哥坦言文具店生活日漸變差，只有「超趕時間」及「小額」買家，與昔日「門庭若市」的全盛時期差別甚遠：「以前同街坊接觸好緊密，佢哋唔買嘢都會入嚟『貢』吓先至走，呢度係佢哋嘅社交場所。」雖然今非昔比，但堅持不傳承的釗哥仍想將小店營運至2038年完美作結：「都做咗咁耐，都係生活一部分，習慣咗喇」、「我哋認為開心愉快咪做落去咯，人哋嚟買嘢開心，我哋就開心，都係嗰句，經營落去有種幸福感」、「下一代同我哋對呢間舖頭感情都唔同。」

77歲老闆娘鄧婆婆堅守「毛冷舖」已經有28年。

祥師兄嘗試編織。

祥師兄同三位「美少女」一齊學編織。

鄧婆婆因為健康問題而冇辦法正常溝通。

三位「美少女」同鄧婆婆關係「亦師亦友」。

鄧婆婆收到禮物後相當感動。

葵廣毛冷小店—只需買20蚊毛冷老闆娘便會親授編織手藝
葵廣毛冷小店77歲老闆娘鄧婆婆，28年前為了打發時間開了這間小店，小店的特色除了有來自不同地方的靚冷外，只要買滿港幣20元，老闆娘便會親自教你織冷衫，相當有人情味。在小店一織織了20多年的鄧婆婆，除織出一件又一件贏盡正評的毛冷小手作，還織作了與毛冷同樣溫暖的人情味！

祥師兄拍攝當日，與駐小店的三位「美少女」一起學編織，平均年齡只有約20歲的三人，認真學習編織的同時，還熱心陪伴及幫助鄧婆婆。為了幫婆婆賣冷，三人在社交平台為小店宣傳，還不時陪婆婆「看舖」及吃飯，感情猶如一家人。拍攝當日，三位美少女特意準備了一份親手編織及製作的相架送給鄧婆婆，並祝願患上末期癌症的鄧婆婆「健健康康」，令人動容：「婆婆末期cancer，但婆婆仲係好正能量，都想幫吓婆婆」、「最大願望係想婆婆仲健健康康，開開心心時，多啲人嚟學呢個手藝」。