紅旗飄揚太古城——當國產「勞斯萊斯」駛入香港心臟地帶

「國車」這兩個字，在香港曾經很遙遠。但今天，紅旗不單來了，更以一種前所未見的姿態，進駐太古城中心港島東消費地標，紅旗官方香港總代理是錦龍汽車集團，五千呎旗艦體驗中心今日正式開幕。

中國第一汽車集團進出口有限公司東南亞大區總王堯(左)及錦龍汽車集團董事長麥慶德(右)為紅旗香港旗艦體驗中心進行醒獅點睛儀式。

開幕現場，兩款紅旗純電SUV公開首展，旗艦級7座E-HS9，意向價99.88萬港元起；中型5座EHS5，意向價39.9萬港元起，後者預計第四季正式登場。數字之外，有一個重要訊息值得留意，市場已用腳投票，據悉，E-HS9在預售階段已錄得雙位數字的訂單，稍後將陸續交付。在百萬級豪華電動SUV這個細分市場，能在正式開幕前取得這個成績，說明香港高端用家對「東方豪華」的接受度，比很多人想像中更高。

紅旗旗艦級7座E-HS9 意向價99.88萬港元起。

紅旗EHS5主打中產家庭客，意向價39.9萬港元起。

說回紅旗車，E-HS9車長逾5.2米，軸距3,110mm，120kWh電池、637匹馬力，WLTP續航548公里，數據上完全有條件與歐洲對手正面交鋒。但紅旗賣的從來不只是規格，而是一種「氣場」。太和比例設計、直瀑式格柵、貫穿式旗標，這套設計語言放在中環、九龍塘的豪宅車庫裏，氣勢不輸任何歐洲對手。

現場展出內地百萬級「金葵花」車系。

全中國限量10部紅旗L5超豪專車。

同場展出的還有兩款內地百萬級「金葵花」車系，以及全中國限量10輛的紅旗L5長陣超豪領導人專車，雖非量產發售，但足以讓參觀者一睹「國車」的工藝天花板。至於那部39.9萬起的EHS5，定位更「貼地」，目標是中產家庭車，4秒零百加速、智能四驅，性價比明顯。

紅旗的故事，不止於車。它誕生於1958年，由一汽老師傅用錘子「敲」出第一輛樣車，是國家領導人檢閱車，也是中國汽車工業從無到有的見證。從CA770到今天的E-HS9，紅旗經歷過停產、復興、轉型。今時今日，它攻克超過1,500項核心技術，產品出口40個國家。這條從長春到太古城的路，走了六十多年。

說到底，香港市場從來不缺好車，缺的是一個「選擇國產車的理由」。紅旗給出的答案，是東方美學、品牌情懷，加上錦龍的豪華車服務體系。

米妮

Brand起來！

** 博客文章文責自負,不代表本公司立場 **

米妮提提你：今個周末如果經過中環海濱，見到香港海事博物館外面有人龍，唔好以為係排隊上船，佢哋係去睇一個由日內瓦閣樓走到世界皇宮嘅傳奇品牌展覽。

江詩丹頓「EXPLORE ALL WAYS POSSIBLE 」展覽在香港海事博物館舉行。

講緊嘅，係全球最古老、從未間斷經營嘅頂級鐘錶品牌江詩丹頓（Vacheron Constantin）。由即日起至7月12日，佢哋舉辦「EXPLORE ALL WAYS POSSIBLE」展覽，費用全免，即場登記就入得，仲有著名探險家兼攝影師Cory Richards專程飛抵香港出席分享，以及有工作坊。

即使你平時唔玩錶，呢個展覽都會令你睇到，「原來一隻錶可以靚到呢個地步」因為佢哋賣嘅唔只係時間，而係兩個幾世紀嘅故事。點解江詩丹頓可以由1755年走到今日，仲屹立不倒？故事要由一封「神級信件」講起。

錶盤的每種顏色皆象徵一個方位，即東方、南方、西方、北方，每種錶盤顏色均代表一種獨特的探索故事，同時也是一種製錶美學。

1819年7月5日，生意人François Constantin喺意大利都靈寫咗封信畀合作夥伴Jacques Barthélémi Vacheron，信中一句話，後來成為品牌270年嚟嘅靈魂金句：「Do better if possible and that is always possible」（悉力以赴，精益求精）。

呢句唔係口號，而係行動。展覽入面你會見到，品牌早喺1889年巴黎世界博覽會，已經膽粗粗推出史上首款女士腕錶，嗰個年代，女士戴錶係離經叛道，但佢哋夠膽做。1906年米蘭世博會，佢哋贏咗大獎；1921年仲為美國「咆哮二十年代」度身訂造American 1921，將錶冠擺喺1點位，原因好簡單，方便司機揸車時睇時間。100年前已經諗「用家體驗」，呢啲咪係前瞻性。

江詩丹頓創立於1755年，擁有270年從未間斷過的悠久歷史。

展覽另一重頭戲，係品牌嘅「皇室地圖」。1916年，佢哋為埃及國王King Fouad I度身訂造頂級時計；再早啲，1901年已經為保加利亞聖羅曼皇室打造過極珍貴嘅航海級天文台錶。換句話講，江詩丹頓賣嘅唔只係一件產品，而係一種「你係皇帝，我幫你造一隻全世界得你有」嘅專屬服務。

今次展覽仲有位「人版」現身說法，他正是國家地理雜誌攝影師Cory Richards，佢同時係江詩丹頓「One of Not Many卓爾不群」嘅宣傳大使。Richards專門挑戰全球最極端環境，喺高海拔山峰一邊搏命、一邊影相，作品橫跨高海拔山峯同未知地帶，反映咗與地球野性力量嘅深刻連結。

佢專程飛抵香港出席展覽，分享Overseas系列所象徵嘅卓越、堅韌同旅行精神。品牌話，呢種「向極限出發」嘅態度，同品牌270年嚟不斷挑戰製錶工藝嘅精神如出一轍。展覽場地設計亦別具心思，將跨越北方、南方、東方、西方嘅四方之境，穿越國度與大陸，向前奔赴嶄新嘅地平線，同時回望文明誕生、繁盛、綻放嘅源頭。

講開名錶市場，近年真係「風雲變色」。米妮看見二級市場泡沫爆破，有熱門款二手價由高位回落超過三成，市場甚至預測未來十年名錶市場接近「零增長」。

點解？以前大家炒股賺到錢就亂掃貨，而家經濟前景唔明朗，加上消費模式改變，全球買家都理性咗。佢哋唔再單純追「炒款」，反而轉向重視品牌歷史、工藝深度同長線收藏價值。

除了經典款式，現場還展示品牌最新型號。

米妮覺得，呢個趨勢對江詩丹頓反而有利，因為佢哋從來唔靠炒作，而係靠實打實嘅歷史底蘊同工藝傳承。展覽中你會睇到，品牌由日內瓦閣樓嘅小工坊，一步一步跨越洲際融合唔同文化，呢種「底蘊」，喺而家呢個「冷靜期」反而更加值錢。

現場裝置設計獨特，因應不同主題展示相關名錶。

今次展覽主題叫「EXPLORE ALL WAYS POSSIBLE」，意思係「以各種方式展開探索」，展品唔單止係技術傳承，更係對自身不斷挑戰同突破嘅證明。我成日覺得，睇一個品牌嘅展覽，等於睇佢嘅「靈魂」。江詩丹頓嘅靈魂，就係嗰句270年前嘅金句：「悉力以赴，精益求精。」

米妮