香港系列之細間始終你好｜夫妻檔捱出30年真情 老闆娘Candy二級燒傷唔放棄陪老公捱出頭手寫信超感人

由阮兆祥（祥師兄）主持的資訊綜藝節目《香港系列之細間始終你好》，今（7月11日）晚8點翡翠台播出新一集。 今集，祥師兄繼續穿梭香港大街小巷，走訪大角咀一間由恩愛夫婦經營的「手工菜館」、旺角花園街一間屹立逾40年的「傳統唐餅店」，以及紅磡馬頭圍道一間接近70年歷史的「租書店」，三間店舖的負責人，各自用不同方式守護香港舊記憶、文化與人情味，活出屬於他們的獅子山精神。

「手工菜館」老闆Ken。

「手工菜館」老闆娘Candy。

Candy曾嚴重二級燒傷。

夫婦攜手走過30個年頭。

Ken喺廚房整「鍾無艷煎肉餅」，祥師兄入廚房落手落腳「撻肉餅」。

草根夫妻搏盡創業 只要幸福乜都值得
大角咀一間「手工菜館」的招牌菜「鍾無艷煎肉餅」賣相特別，亦蘊藏一段夫妻同心的愛情故事。餐廳老闆兼主廚Ken與老闆娘Candy由十幾歲相識到結婚，攜手走過30個年頭。Ken從廚師毅然創業，背後除了想圓夢之外，還想向所有人證明太太Candy沒有揀錯人：「一世做廚房好似冇乜出色，工字不出頭，試吓創業，希望太太可以畀人睇得起。」Candy由美容院轉戰飲食業，全力支持丈夫追夢。

「喺細舖嗰次淥親手肘，醫生話二級燒傷。」一次嚴重工傷令Candy留下永不磨滅的烙印。望着太太滿手傷痕，Ken一度想過放棄：「係咪要太太咁委屈陪我去捱？」但Candy的堅毅反過來感染了Ken，夫妻同心拚搏「捱落去」。創業路上滿佈荊棘，Ken的一句說話：「只要熟客食得開心，令我老婆幸福，可以值得堅持。」相當感人。最感動的是，Ken與Candy互相手寫心意卡，一字一淚滿是真摰感動：「謝謝你陪我闖過患難」、「好開心跟你捱過任何辛苦日子」、「感謝你畀我下半生幸福」、「我哋為未來加油」，祥師兄更為二人送上驚喜，小小木製音樂盒內印有Ken與Candy的甜蜜照，希望他們能在忙碌中找回幸福節奏。

「鍾無艷煎肉餅」

Ken同Candy互相寫手寫信，內容感人。

畫面感人。

祥師兄送上音樂盒，望佢哋搵到幸福節奏。

「原來傳統先係最好」回流港二代用40年餅店講好故事
另一間位於旺角花園街超過40年的「傳統唐餅店」，由近十幾年從外國回流香港的第二代店主張惠寧接手經營與製作。惠寧坦承剛回港打理店舖，有很多想法和方向，始終發現按照「傳統方向」步伐最好：「有種年少自大同無知。」惠寧學會這份「以不變應萬變、不隨波逐流」的堅持，背後全靠一班大師傅對傳統手藝的執著。

「老婆唔可以得一款，太寡啦！」老闆張惠寧以老婆要有多個來解釋「老婆餅」分成咸、甜兩類，逗得祥師兄哈哈大笑。祥師兄走進廚房親身感受中式唐餅製造的繁複步驟。首先準備大量糯米粉，加糖、油、熱水攪勻後，開始做糖餅塑型到放入餅爐，店內的「蛋散」、「雞仔餅」、「棋子餅」及「甜老婆餅」及「咸老婆餅」均很受歡迎，近幾年更榮獲「街頭小食推介」。

「傳統唐餅店」第二代店主張惠寧。

祥師兄走進廚房，感受整餅過程。

張惠寧坦承自己曾年少無知。

鏡頭食先。

「蛋散」望落去已經好想食。

「雞仔餅」

「甜老婆餅」同「咸老婆餅」。

三代守護一間租書店
同樣相信以不變應萬變，還有位於紅磡馬頭圍道一間接近70年歷史的「租書店」。老闆鍾先生透露書店由公公開始經營，再傳到媽媽手上，自己是第三代。談到租書秘聞，鍾先生笑言大部分人會因「按金」問題歸還，但六、七十年代武俠書盛行，有很多書歸還後卻不完整：「武俠書（紙）好薄，佢哋就搣一頁去廁所。」為迎合潮流，書店曾變陣租借CD、VCD，祥師兄過去作品《先洗未來錢》、《爆笑急轉彎》亦在館藏之列。

鍾先生風雨不改，堅持日日開舖，在節目中分享一個暖心故事：「最老嗰個客已經幫襯咗70年，行得唔方便送上門（書）。」還一起吃早餐儼如老朋友。「每本書都係我包同釘，每本書都有感情。」就是鍾先生對「書」的堅持與執著。

70年「租書店」老闆鍾先生。

鍾先生大談租書秘聞。

鍾先生同客人甚至成為好朋友。

祥師兄過去作品亦被「租書店」收藏。

由阮兆祥（祥師兄）主持的資訊節目《香港系列之細間始終你好》，今晚（10月24日）8點翡翠台播出最新一集。今集祥師兄先後走訪元朗一間蠔餅小店、屯門一間全港碩果僅存的蝦子花生廠，以及旺角一間幫流浪狗免費美容的寵物美容店，還到動物庇護站探訪一班毛孩，發掘小店背後的故事與香港精神。

肥姐賣蠔餅賣咗27年。

祥師兄跟肥姐學整蠔餅。

肥姐靠一塊蠔餅養起成頭家，了不起呀！

日做超過10個鐘嘅肥姐表示樂在其中。

比起以前蠔餅店生意差咗好多。

元朗「蠔餅小店」—肥姐靠蠔餅養家 最唔捨得街坊情
元朗「蠔餅小店」67歲老闆娘肥姐，賣蠔餅賣足27年，全靠呢塊蠔餅養大兩個小朋友。當年肥姐膽粗粗向屋邨樓下走鬼檔老闆求教整蠔餅，對方一口拒絕，但肥姐始終沒有放棄：「我同老闆講我自己一個人要湊大兩個小朋友，我想自食其力。」兩日後奇蹟出現，肥姐笑言：「機緣巧合就一世。」

肥姐除了賣蠔餅，還有自家製涼茶，一日做超過10個鐘，由下午2點做到凌晨1點半，肥姐透露客人不時抱怨小店太早關門，自己亦希望多做生意，故盡量堅持。惟現時生意額較高峰期大幅下滑，以往凌晨三、四點仍有客人光顧，如今市況不佳，肥姐坦言：「頂得順都偷笑，生意少就當半退休。」講到難忘事，一班街坊的支持最令肥姐感動：「小朋友同老人家唔幫襯都嗌聲」、「過時過節煲湯落嚟畀我飲」，肥姐目標做多兩年，只希望客人食得開心。

蝦子花生廠老闆吳先生同老闆娘吳太太。

整蝦子花生工序相當唔簡單。

祥師兄食得津津有味。

吳太太喺生意差嘅時候，諗咗好多方法去挽救。

吳先生預告兩年後退休。

吳太太接受時代巨輪轉變。

屯門「蝦子花生廠」恐成集體回憶
屯門「蝦子花生廠」老闆吳先生，是花生廠第二代主理人，見證住蝦子花生由最黃金的年代到今日夕陽行業。吳先生表示1978年、1979年是最黃金鼎盛時期：「我哋有製餅師傅，加埋每一晚食飯都有四圍枱人。」現時只保留6位員工。2014-2015年間生意開始下滑，老闆娘吳太太決心尋找生存方式，於是請廣告公司做網上宣傳，還生產不同口味的蝦子花生救亡，惟效果只是「一浸浸」。

「三日做一粒花生係值嘅，做食物一定要時間，如果唔夠時間，根本效果係唔得。」吳先生強調要三日工夫先叫做真正完成。祥師兄親身體驗學整蝦子花生，一試即嘩嘩聲：「嘩！好熱呀，所以吳生你係練鐵砂掌嘅。」感嘆整蝦子花生不容易：「粒粒皆辛苦。」

「做得辛苦年紀又大。」吳先生預告兩年後退休，最不捨得蝦子花生沒有人接手：「我得兩個女兒，佢哋唔會做。」吳太太又踢爆老公：「佢講就咁講，其實佢心裡面好唔開心㗎！」多年來努力嘗試用不同方式挽救生意，惟最終也只能作自我開解，吳太太坦言：「呢個世界上日日都有唔同嘅嘢消失，香港要消失嘅口味何其多，我哋只能接受呢個時代巨輪，命運嘅安排。」一番話，道盡傳統手藝面對時代變遷的無奈與不捨。

寵物美容店老闆小桃。

義工Jojo（左）同小桃非常有愛心幫流浪動物。

祥師兄同小桃幫流浪狗多多沖涼。

小桃做義工超過10年。

曾先生嘅無私大愛，值得大家敬佩。

養過百隻流浪毛孩相當唔容易。

收留過百隻流浪狗 曾先生不求回報守住避風港
今集除了講小店之外，還會帶大家跨越物種，見證人與動物之間的愛與承諾。旺角一間「寵物美容店」，老闆小桃曾做過逾10年動物義工，除了幫名種狗做特色美容，還會幫流浪狗免費做SPA。令不少流浪狗在等待領養的日子都可以靚靚仔仔、乾乾淨淨。祥師兄同小桃齊齊幫流浪狗多多沖涼做SPA，動物庇護站資深義工Jojo亦講述拯救多多的經歷，話咁快已經4年了。

祥師兄又去到動物庇護站參觀，背後守住流浪毛孩避風港的創辦人曾先生，40年前成立「大樹下善待動物庇護站」。曾先生年輕在地盤工作時會養狗看門口，但工程完結後，有人就會要求漁農處帶走狗隻，亦有人提議不予理會。他認為狗隻為地盤工作多時，不應受到如此對待：「咁樣對佢哋唔係咁好。」因此決心開始收留被遺棄的狗狗。

「我好開心幫到啲動物，我人生已經好幸福，有屋住有飯食，將我自己可以多嘅幫吓佢哋又如何呢？」曾先生無私大愛一番話，相當感人。40年來，曾先生收留過百隻流浪狗，營運經費方面除了政府資助外，全靠有心人士捐助，不足之數，曾先生一句「唔夠我自己買」、「我搵份工做多除少補」輕描淡寫帶過，這份不求回報的心，為一班被遺棄的流浪狗守住了一個避風港。