走進上水廣場，我見到的不只是一個2米高美斯

尋日行過上水廣場，未到L2中庭，已經聽到一陣陣歡呼聲。米妮以為自己行錯咗入球場，原來係商場個「運動狂熱SummerGoal」，成個中庭變咗足球嘉年華，氣氛熱鬧到似決賽日。

球迷對偶像嘅情感投射，就係最大嘅流量密碼。

最搶眼係嗰個兩米高嘅「阿根廷球王美斯」充氣公仔。佢企喺正中間，唔少家長抱住細路排隊合照，有個爸爸同個仔講：「你快啲同美斯影相，第日你都要踢到咁叻！」我忍唔住喺旁邊偷睇咗一陣，呢個打卡位，真係擊中咗唔少球迷嘅心。唔怪得商場要特登拎官方授權，因為球迷對偶像嘅情感投射，就係最大嘅流量密碼。

行多兩步，見到「FanTown足球主題期間限定店」堆滿人。阿根廷、英格蘭、法國、德國、西班牙、葡萄牙嘅波衫掛晒出嚟，有幾個後生仔喺度揀緊美斯波衫，仲互相討論邊件「靚仔」。我八卦問咗句，佢哋話專程由九龍過來，因為呢度款式齊，仲有啲精品出面買唔到。呢個就係商場聰明之處，將「購物」包裝成「尋寶」，吸引你跨區朝聖。

但最令我驚喜嘅，係角落頭嗰個「無人機足球體驗區」。4米乘8米嘅賽事級場地，細路仔揸住無人機「射龍門」，旁邊有專業教練指導。我企喺度睇咗一陣，有個約莫10歲嘅男仔玩完之後，興奮到跳起，話要即刻再去消費換多節課。原來要喺商場2至5樓消費滿$1,500先換到一節，仲要限星期六、日。呢招真係絕，將體驗變成消費誘因，同時將新興運動帶入社區，一家大細都覺得「有嘢學」，自然願意留低消費。

平日仲有「足球射龍門大挑戰」，消費滿$800就可以玩，見到幾個女仔嚟到，買完嘢就順手玩埋，贏咗張球星盲卡，開心到即刻打卡放上社交媒體。呢啲小遊戲成本唔高，但成功延長咗顧客逗留時間，仲免費幫商場宣傳。

將「購物」包裝成「尋寶」，吸引你跨區朝聖。

當然，商場唔會只靠氣氛，佢哋仲推咗3大消費獎賞，由「夏日動感消費賞」到「美味印花賞」，再到「夏日最高消費賞王」，頭獎係iPhone 16 Pro。我計過條數，由幾百元到10萬元消費門檻都有得玩，幾乎覆蓋晒所有客群。有人為咗儲印花，會特登多食幾餐飯；有高消費客就瞄準嗰部手機，爭取累積最高消費。呢個階梯式設計，擺明要將「人流」變成「金流」。

臨走前，我去咗4樓客戶服務中心換領精品，原來消費滿$7,000仲有阿根廷冰霸杯。換領處排晒隊，個個手拎住一袋二袋戰利品，面帶滿足，呢啲就係商場搞主題活動嘅終極目標：等你覺得嚟呢度唔止係買嘢，而係參與一場盛事，不知不覺就用多咗錢。

呢次上水廣場嘅「運動狂熱SummerGoal」，將場景、體驗同消費結合成一個完整閉環。作為消費者，米妮玩得開心；作為觀察者，我見到嘅係一套精密嘅營銷劇本。下次你行商場見到類似活動，不妨留意吓自己點解會忍唔住拎起手機打卡、點解會願意買多件波衫，因為你已經被呢套「足球狂熱」嘅魔法罩住咗。而我？尋日都忍唔住換咗隻葡萄牙玻璃杯返屋企，而家擺喺書枱，每次見到都諗起嗰日嘅歡樂。呢種情感連結，就係最強嘅消費推動力。

米妮

Brand起來！

** 博客文章文責自負,不代表本公司立場 **

XPENG 位於啟德 AIRSIDE 的全新陳列室今晚（7月10日）正式揭幕，米妮現場所見，新空間以兩大核心概念重新定義「陳列室」的定位，而緊接登場的3大人氣車款，更讓這個周末的啟德格外熱鬧，只限 7 月 11 日至 12 日兩天展出，機會難得。

XPENG啟德AIRSIDE新店今晚（7月10日）正式開幕。

米妮想講吓XPENG「小鵬汽車」嘅品牌故事，怎樣由從互聯網巔峰到造車執念。話說2014 年，何小鵬將 UC 瀏覽器以 43.5 億美元售予阿里巴巴，隨後聯合李學凌、傅盛等互聯網人，創立了 XPENG 的前身「廣州橙行智動汽車科技有限公司」。最初本想命名「橙子汽車」，因商標被註冊而放棄，最終以創始人名字定名為「小鵬汽車」。此舉引來不少反對聲音，但何小鵬堅持「姓名即品牌，責任即初心」，並以福特、豐田為例，相信以個人信譽押注企業，是對品質的最大承諾。

何小鵬早期以投資人身份參與，2017 年才全職投入。創業起點是一間簡陋的車庫，從互聯網跨界到硬件製造，他形容這是「重新成長」的過程。如今 XPENG 已發展為全球智能電動車重要參與者，進駐啟德核心地標，標誌着品牌在香港的深化佈局。

品牌一眾管理層主持揭幕儀式。

說回啟德新陳列室，呢度焦點之一是 XPENG Tech Centre，系統性展示品牌在智能出行領域的技術藍圖。二樓設有專屬多用途空間，定位為車主聚會、科技分享與社群互動的場域。此外，XPENG 在香港首個自建超充站亦設於啟德，峰值功率達 360kW，可於 12 分鐘內將電量從 10% 充至 80%。

3大焦點車之一，GX旗艦SUV。

喜歡車嘅朋友，當然著眼點放在3大展出焦點車，就等米妮提供3款車嘅重點資訊。

P7 智能轎跑：搭載 800V 高壓平台，四驅版馬力 593 匹，0-100km/h 加速 3.7 秒。續航方面，後驅版 820km，四驅版 750km。配備 XNGP 智駕系統及 15.6 吋中控大屏，為純電轎跑性能標杆。

P7智能轎跑，四驅版馬力593匹。

GX 旗艦 SUV：SEPA 3.0 架構首發車型，車長 5,265mm，軸距 3,115mm，6座佈局，第2排零重力座椅，第3排可電動躺平。搭載圖靈 AI 晶片，算力達 3,000 TOPS。純電續航 750km，增程版綜合續航逾 1,585km，續航表現冠絕同級。

L03 科技新星：MONA 系列首款雙動力 SUV，純電版提供 525km 及 625km 續航，0-100km/h 加速 6.6 秒，電耗僅 11.9 kWh/100km。搭載圖靈 AI 晶片，Max 版算力 750 TOPS，Ultra SE 版達 1,500 TOPS，智能駕駛潛力強大。

3款車型於 7 月 11 日至 12 日在 XPENG AIRSIDE 陳列室限時展出。從車庫到啟德地標，XPENG 用12年印證了對技術的執著。想親身感受 593 匹爆發力與 12 分鐘超充效率，這個周末啟德見。

米妮