油麻地茶記「是日快餐」餐牌大量錯別字爆紅 網笑：冇N1級廣東話睇唔明

不少人每日都要煩「諗食咩」，尤其是面對款式多到令人容易患上選擇困難症的茶餐廳，部分人但求方便，索性選擇「是日精選」餐點。早前，油麻地一間茶餐廳就憑「是日快餐」的餐牌引起大眾關注，但並非因為菜式出眾，而是因為餐牌上出現大量錯別字。

示意圖。《愛回家》劇照

引起熱議的，是位於油麻地廣東道847號的永發茶餐廳。從發文者上傳的餐牌可見，其獨特的手寫菜式名不禁吸引了途人的眼光，包括「克召雞扒反」、「乾沖豆豉雞反」、「味才鴨絲炆米」、「水吧反煎旦餐肉長仔火腿」等，驟眼看來錯別字處處。

餐牌驟眼看來錯別字處處。網上圖片

不過，有網民留言指這款餐牌絕對是「真香港人先睇得明」、「睇得明係香港人認證」，全因當中的字大多為廣東話同音字，例如「黑椒」寫成「克召」、「乾蔥」寫成「乾沖」、「味菜」寫成「味才」、「腸仔」寫成「長仔」。若不懂廣東話讀音，的確未必可以看得明白。

示意圖。《愛回家》劇照

這款「港人認證」餐牌引來網民熱烈討論。有網民大讚「冇N1級廣東話都唔會睇得明」、「就算唔食都想企喺度解讀完之後先走」、「誇張啲講句如果睇唔明唔好話自己係香港人」、「很有香港特色，大讚」，又稱餐牌有創意，「難寫過正字」。惟亦有網民笑稱「睇錯皮肉腸仔火腿」，並批評「一大堆錯別字」、「係咁是是旦旦啦」。

茶餐廳。示意圖片

都市人生活節奏急促，返工搵食已經夠忙，想喺屋企飲啖靚湯，少啲時間、心機同經驗都唔得。早前就有一位熱衷飲食分享的Foodie在社交平台發文，透露自己一向鍾意飲湯，因此平日會花時間留意不同煲湯食譜，並不時分享自己的煲湯作品。不過，這次她公開的愛心湯水，用料及製作方法卻令一眾網民睇到眼凸，更直言整煲湯「有啲獵奇feel」。

該名Foodie平時愛在Threads分享飲食心得和餐廳推介。示意圖

該名Foodie平時愛在Threads分享飲食心得和餐廳推介，今次帖文並非介紹街外食店，而是自己親手煲湯的照片。她坦言自己「唔識啲咩季節應該飲咩湯，啲食材有咩功效」，平日做法只是將「鍾意嘅味道擺落電飯煲only」。

她所分享的湯水陣容卻相當震撼。網上圖片

話雖如此，她所分享的湯水陣容卻相當震撼——魚湯之中竟然出現原條未煎香的生紅衫魚，旁邊還放了一塊平常用來煎的三文魚扒，再配上紅蘿蔔、番茄、牛尾、連根的芫茜等材料，足料得來又略帶怪異感覺，難怪引來網民熱烈討論。

示意圖。《愛回家》劇照。

帖文一出，大批網民紛紛留言爆笑回應，有人打趣問「你張相，養緊魚定煲魚湯？」，亦有人直言「點解有啲獵奇feel…」，更有人笑稱「望見都聞到腥味嘅post」，甚至形容「你呢個湯仲複雜過啲感情」。亦有熱心網民化身「煲湯導師」，逐個步驟教發文者改善煲湯方式，由最基本的「魚湯嘅魚要煎香咗先」、「肉類要飛水」，到時間控制「煲湯三個鐘，燉湯四個鐘」，內容十分詳細，儼如一份簡易煲湯指南。

設計圖片