假如郭台銘老闆估計成真 恆指會跌到幾多點？

中美貿易戰發展繼續令人撲朔迷離，不過鴻海老闆郭台銘就比較悲觀，認為未來幾個月，甚至未來幾個禮拜，金融市場將會有劇變，有機會發展成為另一個比金融海嘯更大嘅海嘯！

郭台銘係最成功的台灣企業家，在國內生產蘋果及華為手機，對中港台嘅形勢分析，我哋當然要加倍注意。他會擔心貿易戰令到全球產業鏈斷裂，觸發金融風暴。今日亞洲時段，美國杜瓊斯指數期貨再跌150點左右，預料今晚杜指仍會低開。相對來講，上證指數恒指同埋香港恒生指數今日反應平靜，只係微跌咗幾點，可能同近日中國連環出口術及出招，有穩定A股作用有關。

恆指一年圖。

短期來講，上證指數同埋恒生指數有反彈唔奇，但如果怕郭台銘嘅睇法成真，咁可能需要趁反彈嘅時候，部署一D淡倉來做對沖。最簡單來講，可以沽期指，又或者買入近日好多人留意嘅逆向恒指ETF，指數跌佢就升，其中代號7300呢一隻，恆指跌幾多個巴仙，佢就升幾多巴仙。如果想有少少槓桿，可以考慮代號7500呢一隻，恆指跌1%，佢就大概升2%。

至於恒生指數嘅下跌目標係幾多？如果相信係熊市第三期，有分析員就用簡單嘅ABC跌浪來計算，A浪由恆指在2018年1月29日33484點見頂，然後跌至2018年10月29日24594點見底，跌幅8890點，然後係反彈B浪，彈至2019年4月9日30222點，幅度5628點，大約是A浪跌幅的63.3%，極度接近黃金比率61.8%。C浪由30222點開始跌，如果下跌反彈幅度5628點的61.8%，便應下跌3478點至26744點，同今日恆指低點26735點，非常接近，所以如果恒指短期有反彈，係相當合理。

如估貿易戰持續，出現郭台銘講的比較悲觀狀況，至於計算恆指下跌最終目標，就應該用5628點×1.618 ，得出9106點，這就是恆指應該由高位30222點下跌的點數，目標就是21116點！

睇返金融海嘯嘅時候，恆指的確係有ABC跌浪，咁今次如果有更大嘅海嘯，咁樣走完一個完整的ABC跌浪唔出奇。用大摩嘅講法，呢個係悲觀局面，一般估計唔會跌得咁慘，可能出現嘅機會只有兩三成，不過叫人控制風險，唔好咁博，就永遠無錯。

尚風

** 博客文章文責自負,不代表本公司立場 **

據新華社報道，中國國務院新聞辦公室將於周日（6月2日）上午10點發表《關於中美經貿磋商的中方立場》白皮書暨記者會，表達中方立場。

明天上午的記者會，商務部副部長兼國際貿易談判副代表王受文、和國務院新聞辦公室副主任郭衛民出席，發表及解讀《關於中美經貿磋商的中方立場》白皮書有關情況。

中國不再被動，接連出招，第一招剛在周六(6月1日)零晨開始，對600億美元美國貨品加徵關稅，以報復美國早前對中國2500億美元的貨品加徵至最多百分之25關稅。加稅清單超過5000種美國商品，稅率由之前的百分之10，上調至最高百分之25。在北京，商務部副部長王受文表示，美國不斷升級貿易摩擦，損害中國、美國及世界利益。

第二招是商務部周五宣布，中國將建立「不可靠實體清單」制度，表示將對不遵守市場規則、背離契約精神、非商業目的封鎖或斷供中國企業，造成中企損害的外企、組織或個人列入清單，而具體相關措施將「近期公佈」。

第三招是周日的白皮書，應會清楚表明中方的立場，作為日後行動的依據，等如正式向美國攤牌，你若有過份行動，我方定必回應。

中國接連出招，美方也會受損，以「不可靠實體清單」為例，上榜美國公司將面對嚴重後果。市場人士揣測，如果Google、高通（Qualcomm）、安謀（ARM）真正落實制裁華為，都有可能中招。

中國連番出招還擊後，中美貿易戰將進一步擴散，環球股市將進一步受壓。