中央領導叫大家搭快車唔好落車

今日中央港澳協調小組組長張德江向政協講話，與會者覺得其中有啲位真係講到語重心長，好驚香港人行錯路咁話。

話說張委員長講起，去年他接待各國到訪中國的政要，他們都想搭中國這趟快車。49年建國之時，中國是世界最貧窮的國家之一，改革開放後，13億人口的大國，成為了世界第二經濟體。張委員長話，我們講要有自信心，要對中國的制度自信、理論自信、道路自信，俗稱，「背靠大樹好乘涼」，香港的優勢就是背靠祖國，搭乘國家經濟發展的大勢，要珍惜這些優勢。

有與會人士話，領導等如話，各國都爭住搭上中國經濟發展這架快車，香港人唔好咁傻自己走落車。

Ariel過年時感受亦好深，以前中國人過年無老外道賀，但今年多個國家領袖及王室成員，紛紛向全球華人祝賀新春。英國威廉王子拍了短片，用半咸淡普通話說「祝你們春節快樂，羊年大吉」。聯合國祕書長潘基文則用毛筆寫「家和萬事興」的中文橫幅。法國總統奧朗德就在愛麗舍宮舉行的亞洲新春會上，向在場的華僑致以新年的祝福，佢話春節不僅僅是華人的節日，也是法國的節日。而澳洲總理阿博特也向華人發出新春祝福。

中國經濟若然不是愈來愈強，對世界各地經濟愈來愈有影響，真係無人同中國拜年。所以張委員長話「各國都想搭中國這趟快車」，真係唔係吹水架。

Ariel

** 博客文章文責自負,不代表本公司立場 **

今日港大舉行新春團拜，校長馬斐森自然被傳媒追問港大法律系教授陳文敏被狙擊事件，馬斐森話港大有五個副校長空缺，依家剩番一個未處理，而聘用程序的最後一步，係遴選委員會向校務委員會推薦人選，但依家呢個步驟尚未進行。

至於其他相關傳聞報道，馬斐森就話唔會評論，又話特首無就請副校長一事同他接觸。

有政府中人就話當日有傳媒報道，指有政府人員致電校務委員，要求否決遴選委員會成員一致推薦陳文敏任副校長的建議，聽番校長今日的講法，認為遴選委員會仲未進行何來一致推薦喎。

陳文敏係咪出任港大副校長一事，已演化為政治爭拗，依家又出現校長講的「遴選委員會未推薦」版本，令事件再陷羅生門，各說各話。正如Ariel早前講過，特首同政府有冇在事件上有角色，暫時停留在各講各的階段，用法律語言來講就係只有「聞說證供」(hearsay)，未有實料，關鍵係指控者能唔能夠搵出具體所謂接到電話的校務委員出來作證，究竟係乜嘢政府人士打電話同佢講咗乜嘢，如果無具體的證據的話，暫時就只停留在口水戰的階段。