疫情嚴重，無論打工仔或老闆都好難捱，無薪假、減薪、裁員停不了。政府話考慮推抗疫2.0救助措施，建測規園界立法會議員謝偉銓就在facebook發帖，建議政府人人派多1萬元，派2萬大元，呢個建議又真係好吸晴喎。
Tony Tse話，政府的第一輪「防疫抗疫基金」都已經出現很多被遺漏的行業、企業、打工仔同市民，如今疫症嚴峻，政府應為全港市民打「強身針」，每人派多1萬元至2萬元。
謝偉銓建議政府人人派2萬。
Tony認為呢個方法既簡單、公平、快捷、又慳番啲行政費，全民受惠，何樂而不為。
政府派多1萬元，最易被人質疑花錢太多頂不順，但Tony話派多1萬用多700億，政府有儲備頂徥順，派完財政儲備仍近1萬億，夠政府15個月開支。佢認為疫情已爆發第二波，不知何時結束，最重要保住市民身心健康，錢洗了可以搵番，市民喪失鬥志就一去不復還。
雖然Tony係建制派議員，但咁進取的建議，恐怕講出來之前，也未必和政府傾過，也不知道成事的機會有多大。
但Sebatian就相當贊成。疫情深化，影響各行各業各方面的人，政府點救也難個個照顧到。但人人派多1萬，每人共收2萬，首先就係公平，而且同一個銀碼對基層的幫助更大一點。一家三口兩個大人收到4萬，即使有一個被人裁咗，都可以頂兩三個月頂過疫情。
Sebastian
** 博客文章文責自負,不代表本公司立場 **