尋晚世叔伯Uncle Sam 請我食飯，間法國餐廳好浪漫，我哋摸杯底傾咗好耐，Uncle Sam同我分析點解男人要嫖娼，雖然我見過唔少男人，但都覺得佢嘅看法幾得意，就同大家分享吓。
係人都知，賣淫嫖妓由來已久，Uncle Sam話男人係天生「探險家」，好奇心加上慾望，令佢哋對於未知的女性同肉體充滿幻想，即使要冒險都樂於挑戰。男人跟同一個女人發生數次性關係後，就會漸漸厭倦，開始尋找新獵物。
我忍唔住問︰「男人唔嫖唔得咩？點解有老婆仔女仲要偷食？」Uncle Sam就話，要由男人的身體講起啦！Oh No！
佢話男人性器官生長在體外，天生就有攻擊性，就算在進化過程中都會被遮蔽。男人從嫖娼中得到性滿足是必須的，但對某些男人嚟講，嫖娼更能得到成就感。
呢啲男人無論喺工作，抑或情場都係失敗者，佢哋唔會認，反而認為性能力強可以證明自己唔係怯懦無能。對佢哋嚟講，嫖娼有助釋放壓力，證明自己的「食」力。
乍耳聽落係歪論，但我諗深一層又未必，嗰啲平時睇上去最正經的人，話唔定就係最唔老實嗰個，平時都聽唔少姊妹同我訴苦啦！
所以男人必須獲得尊重，如果長期喺屋企都無掟企，男人就好可能通過嫖娼來證明能力，呢種就係心理上的自我滿足行為啦！
芝芝‧知性
** 博客文章文責自負,不代表本公司立場 **
前兩日喺cafe 撞到 Danny，見佢苦瓜乾咁面口，一問先知佢啱啱同女朋友分手，點解？原來係女友有「小三」，一頂綠帽由頭笠到落腳， Danny條件唔算差，佢問我點解女友要咁做？見佢咁慘，我一於坐低同佢慢慢傾。不過唔該先幫我買杯latte。
呢個世界無奇不有，男人可以偷情，姊妹們當然可以出軌，咁邊啲巴打最容易被另一半戴綠帽呢？專家分析過有以下五種男人。
網上圖片
第一種：超級靚仔
無他，開講有謂「靚仔無本心」，好多靚仔明明無外遇，但硬係覺得信唔過。靚仔的女人一旦被冷遇或傷害，就會極力尋找另一個愛情支點，嗰個「支點」係咩？自己估吓啦！
好多「八十後」絲打受到日、韓文化影響鐘意小白臉，但十年後會點？只有兩個可能︰一係女方嫌男方俊俏臉蛋不復再，咁就成為偷情高峰；另一種係奶油小生仍然很乖，但另一半擇偶品味亦改變咗。
第二種：模範老公
模範老公將家務做晒，湊埋阿仔阿女返學放學，仲教埋佢哋之做功課，女人沒嘢做，自然就出去偷情，因為她喺屋企搵唔到成就感。
第三種：視女人為掌上明珠的男人
好多男人對女人無微不至，但查實好多時只係佢哋一廂情願。喺愛情的天秤上，付出愈多，只會愈無地位。如果你不斷付出，就等於給對方不斷地添加愛情法碼，最終不被女人重視，被她戴上了無數綠帽。
做男人要有份量，情感就要收埋心裡，埋得愈久就愈有份量，愛情天秤從來都唔公平。有個朋友同我講，愛情就好似細個玩「拋手巾」，邊個被拋手巾就一定要執起佢，喺對方後面喺咁追，聽落都幾啱。
網上圖片
第四種：企業家同學歷高的男人
企業家應酬太多，每天有排忙，根本顧唔到老婆﹔咁搞法，老婆自然要去「獨自去偷歡」啦！高學歷人士亦愈來愈多戴綠帽，佢哋駕馭到知識，但駕馭唔到女人。知識改變佢哋命運，但就失去「性運」，所以話呢，現代男人咪諗住用畢業證書壓倒女人，好old school的手段啦。
第五種：成日出trip的男人
常年在外奔波的男人即使玩弄的女性再多，都忍唔到自己老婆去偷食，人就係咁自私。至於那些分居兩地家庭，點都敵唔過時間考驗。時間沖淡一切，時間亦能背叛一切!任何一個正處芳華年華的女性，都不會甘心獨守空幃！
Danny 聽完我講點晒頭，但又唔肯講自己係邊種男人，算了吧！唯有希望佢明白︰女人有咗外遇，男人根本無必要發癲，綠帽子戴唔唔落咪除咗佢囉！道理就係咁簡單。
