土著的快樂國度—瓦努阿圖埃法特島篇2

上期同大家講到阿Go勇闖瓦努阿圖嘅行程，第一站就去咗主島埃法特島，同水上活動勝地Hideaway island，今集就繼續同大家介紹埃法特島嘅所見所聞。

阿Go係細膽病患者，去到陌生國度唔係好敢自己亂行，參加Day Tour會安全啲。今次參加嘅呢個Tour，就係去探吓瓦努阿圖土著，介紹佢哋原始捕魚方法，同埋有土人表演炭上舞，不過佢地似乎都係演員，演技有啲太浮誇，或者可以考慮下嚟香港拍劇。

土著表演炭上舞。

倒是Tour結束後，表演的「村民」會帶著小朋友同遊客見面，父子原始又溫馨的互動，最令阿Go印象深刻。

土著與小兒子原始而溫馨的互動。

另一個阿Go覺得值得一睇係Fire Show，逢星期五晚在Hideaway Island對岸一間餐廳內舉行，免費入場，只要買杯飲品就可以坐足幾個鐘看表演，好抵呀。呢度啲島民骨格精奇，部分人掂到火都唔驚！

令人大開眼界的Fire Show。

優美與危險並存的Fire Show。

如果大家想買手信，一定要去Vanuatu Handicraft Market，呢度售賣多種手工製衣飾同藝術品，市場內的人超級健談，阿Go同其中一檔檔主做咗朋友，檔主仲邀請阿Go去她屋企食飯，好滾動。

Vanuatu Handicraft Market.

特色飲品Kava的沖劑。（網上圖片）

玩得耐見肚餓，可以去市中心的蔬果市場，呢度出售多種新奇又好玩，但講唔出名的生果，亦有熟食。雖然衛生環境有待改善，但一場嚟到，冒著肚痛風險，都要體會地道風味！這種的熟食唔啱阿Go口味，但果汁又新鮮又平又好飲，一個字「正」！

極富本地特色的蔬果市場。

但阿Go認為，瓦努阿圖除了生果，食物口味不太啱香港人，如果對食要求好高的人，可能會有啲失望。當地有好食的西餐廳及泰國餐廳，但不是當地風味，其他地方都食到。

瓦努阿圖氣候潮濕溫暖，適合熱帶水果生長，周圍都有野生的椰子樹及香蕉樹，島民只需採集已可食用或轉售，成本低亦賣得平，街上隨處可見水果攤。阿Go用20VUT (約港幣1元) 買了一個不知名水果，檔主卻自己開椰子食，又請埋阿Go食，都話人靚有著數。

路邊攤檔主極慷慨，會請路人一起分享水果。

瓦國人民大部分都過著自給自足生活，雖不會大富大貴，但亦物資充足，對錢一般看得較輕，可能也就是成為「世上最快樂國家」的秘訣吧。

好多人擔心唔識搭車，但經阿Go探索後，發現瓦努阿圖的巴士無固定路線，旅客隨便走上一部車牌是B字頭的客貨車，再同司機講目的地，名義上係巴士其實又係的士，都好方便。但這裡的巴士太無規劃，到埗頭幾天膽小的阿Go都唔敢坐，總覺得會上了壞人的車，不太安全(阿go都有幾分姿色架嘛)。但其實只要做足功課，堅定地同司機講你的目的地，下車時不要問價錢直接俾錢，扮晒熟路，司機都唔會敲詐你的。收費方面，短途標準是$150VUT(港幣約11元)，長途標準是$350VUT(港幣約26元)，果然係巴士價錢。

瓦努阿圖的「巴士」，外觀看似香港的客貨車。

下期預告：

喺瓦努阿圖仲有咩特色風土人情、有趣見聞？還有，上月瓦努阿圖慘遭暴風吹襲，傷亡慘重，當地人又是如何重建家園呢？

 

有興趣的緊記留意下期「BastilleGo!」博客啦！ 

BastilleGo!

** 博客文章文責自負,不代表本公司立場 **

「瓦努阿圖，我想住嘅地方！」唔少香港人俾電視廣告洗咗腦，成日掛係嘴邊，但你又知唔知呢個曾兩度被英國New Economic Foundation評為世界上最快樂國度的太平洋小島國家究竟係邊樹？讓阿Go替帶你去呢個「你想住嘅地方」睇下啦。

瓦努阿圖位於太平洋西南部，是紐西蘭及澳洲之間眾多島國之一，由80多個島嶼組成。香港沒有直飛瓦努阿圖的航線，要去到澳洲、紐西蘭或斐濟再轉機前往。大洋洲來往各國之間的交通費不算貴，有意去大洋洲任何一個國家旅行的話，不妨順道去多一兩個鄰近國家行吓，唔好晒咗張機票嘛。

瓦努阿圖位於太平洋西南部，在紐西蘭及澳洲之間。（Youtube截圖）

 

瓦努阿圖的國際航班，主要在主島埃法特島(Efate island)的首都維拉港(Port Vila)升降，而埃法特島是當地旅遊配套發展得最完善的地方，旅客可經街上的旅行團中介公司或酒店，報名參加各式各樣的Local  Tour。不喜歡跟團，自己搭巴士亦都好方便，只要說出你想去的景點，同熱情的當地人傾多兩句，一定會有人教你點去，亦順便識多2個異國朋友。

Efate island是瓦努阿圖的主島。（網上圖片）

 

住宿篇

首都維拉港的旅遊業配套發展得相對較完善，有不少住宿可選擇，由五星級大酒店至背包客旅館都有，豐儉由人。

１）納薩馬度假村 (Nasama Resort)

Nasama Resort.（網上圖片）

 

在TripAdvisor網站上平均評價最高的一間旅館，位於離機場約半小時車程、離市中心步行半小時腳徨的寧靜海邊，景緻一流，房間乾淨，保安良好，住宿費約$18,200VUT(約港幣1314元)一晚。

２）水手公寓酒店 (Mariner Apartments)

Mariner Apartments.（網上圖片）

 

位於市中心，交通便利，同樣有面海景觀，預先在網上預定的話，房租最便宜只需$9570VUT(約港幣691元)一晚。

 

然而，對於阿Go此等窮遊背包客，住宿當然愈平便好。但乾淨床舖同熱水淋浴必不可少，對此阿Go有兩大推薦：

3）The Travellers Budget Motel

這間旅館的主人叫Jack，他非常友善，晚上更會聚集住客一起飲酒聊天，氣氛極好。旅館離機場約15分鐘車程，最便宜約$3300VUT(約港幣250元)一晚。

The Travellers Budget Motel.

4）City Lodge

同樣位於市中心，環境較為嘈吵但勝在交通便利，房租最便宜只需$2400VUT(約港幣180元)一晚。

 

City Lodge.

住在City Lodge的doom room，可以由窗口跑出去，到屋頂看星星，可以見到瓦努阿圖人隨心的性格。但阿Go住的房間原來仲係雜物房，早上會有職員由窗門爬入嚟拿東西，一起床發現有人在窗口進進出出，實在嚇一跳，幸好人財都無損失。

可從doom room的窗口跑出去看星星。

 娛樂運動

浮潛或潛水是在瓦努阿圖必做的事。（網上圖片）

 

來到瓦努阿圖，必做的活動當然是游泳／浮潛／潛水／划艇！瓦努阿圖屬亞熱帶氣候，四面環海，極適合進行各式各樣水上活動！在當地參加潛水課程及考潛水牌的費用比歐美國家便宜很多，潛水及浮潛裝備亦價格相宜，種類亦多，不少發燒友慕名而來。

 

特別推薦－－Hideaway island

Hideaway island.

 

 

在瓦努阿圖，隨時都可以跳下海暢泳，但如果想有安全保證，阿Go推薦離主島極近、坐快艇5分鐘到達的Hideaway Island，島上有各樣水上活動用具出租，亦有救生員駐守。快艇費用全免，但要俾入場費約$2500VUT(港幣189元)。

 

世界上第一個海底郵筒。（網上圖片）

 

Hideaway Island有世界上第一個海底郵筒，放在岸邊海底。島上酒店出售防水明信片，只要用鉛筆寫就不會甩色，酒店每天派潛水員收集明信片。潮退時該郵筒離海面僅數米，潛水初哥只要佩戴好裝備就可輕易潛到；但潮漲時難度會升級，但唔洗驚，如果你唔識游水、不能親手放入郵筒內，亦可拜託本地人幫忙，他們天生就有游水基因，果然是屬於大海的民族！

 

預告：

喺瓦努阿圖有咩好嘢食？除咗水上活動仲有咩好玩？喺邊到有特色手信買？阿Go喺路上仲有咩有趣見聞？

有興趣的緊記繼續留意「BastilleGo!」博客啦！