博客文章
壹傳媒 （00282） 創辦人黎智英涉嫌違反《港區國安法》，被扣押36小時後，今晨保釋離開警署。壹傳媒股價今日亦大幅回軟。
壹傳媒今早一開就抽上最高的1.75元，然後急插，股價大跌41%報收0.65元，從高位計更插了63%。
壹傳媒今早一開就抽上最高的1.75元，然後急插，股價大跌41%報收0.65元，從高位計更插了63%。Ticker.com
有證券界指這兩天證監會及港交所向業界查詢客戶買賣壹傳媒股票的情況，包括買賣客戶資料、開設戶口時間等，證監會行動較以往迅速，觸發壹傳媒股價急回。
獨立股評人兼壹傳媒第二大股東David Webb勸股民，買入壹傳媒並不等如支持公司，而只是支持沽貨者。
David Webb在網站提出勸告。
壹傳媒股價周一、周二兩個交易日累升11倍，由低位0.075元，一度炒高至1.96元。
Webb持壹傳媒近1.3億股， 這3日帳面進賬逾7,000萬元。
尚風
** 博客文章文責自負,不代表本公司立場 **
壹傳媒(0282)老細肥佬黎同一眾高層，仍被警方扣留未放，但隻壹傳媒炒到不亦樂乎。昨日收0.255元，今日午後最高炒到1.96元，炒到顛晒，之後回番，收1.1元，仍大升331%。
不過若在高位1.96元摸下去，到收市得番1.1元，已唔見咗44%，炒即日鮮高追者亦應該打咗靶走咗。
壹傳媒(0282)炒到不亦樂乎。昨日收0.255元，今日午後最高炒到1.96元，之後回番收1.1元，仍大升331%。
隻股繼續大成交，今日成交股數40.9億股，成交金額42.7億，認真得人驚。壹傳媒已發行股本26.4億股，大股東黎智英揸了71.3%，街貨只有28.7%，即7.6億股，假設大股東無沽貨，街貨理論上一日轉手了5.4轉，假設有部份貨唔郁，轉手量更驚人。
大家都問升乜? 尚風就唔信政治擁躉捧場可以造出咁大成交，繼估咁升法有幾個可能:
1. 炒賣盤。隻股現價市值已急升到29億，已經相當貴。今日最高價時1.96元，等如51.7億市值。壹傳媒咁狀況，點炒賣盤都炒唔上40、50億，所以炒到咁高，呢個可能性反而變得低。
2. 托市輸送資金。升到無厘頭咁高，有政治陰謀論出來，傳聞話用炒高輸送資金俾股東，又話炒高俾錢黑暴。呢啲誇張嘢，尚風亦唔信，因為咁樣俾錢效率太低，會漏咗太多出去俾其他人，無理由炒到咁高，無人蠢到咁俾錢。
3. 炒高呃傻仔。壹傳媒貨源幾歸邊，街貨不多。昨日由0.075元炒到0.1、0.2元，小股東早已走清，咁走一路挾上。昨日收市前一回，今日再挾升。唔信挾到你信為止。
有人問咁都會有人信? 股市呢個幾百年的遊戲，從來都係咁玩，升得少唔信，升多啲就會信。再加少少支持邊個邊的理論，就更多人會信。希望大家唔好做最後一個傻仔啦。要炒，接完貨幾分鐘就要走啦。
