中環西環同聲同氣

中聯辦主任曉明哥昨日出席一項活動提到，政改方案經過兩年深入討論和諮詢，是回歸以來歷時最長、難度最大的，最終被反對派綑綁投票否決，未能通過，投反對票的人要負上歷史責任。曉明哥又期望今後香港社會在後政改時期，擱下政治爭拗，致力改善民生，相信是民心民意所向，佢又話，自己就政改問題該講的已經講，今後會「自動收聲」，唔再喺公開場合說有關政改的問題。

曉明哥昨天才講完，今天振英哥又再發聲。佢話，過去兩年中央和特區政府推動政改，努力有目共睹，但有28名立法會議員就政改投反對票，即使當日所有建制派議員都在席，亦不能通過。振英哥隨即轉話題，指今屆政府上任3年，已經用咗兩年時間處理政改，社會花了很大精力搞政改一個議題，他說政府和社會不能集中在單一問題，其他問題亦不能被偏廢，土地、房屋、扶貧等工作都要做。

高人話，從中環和西環阿頭齊齊發聲睇嚟，從依家起，不講政改講經濟，已係中央和特區政府的共識，也係未來的主要議題。當然，只講經濟、民生，不等於香港社會就不再政治化，立法會的撕殺會由政改戰場轉向搶地起屋、高鐵嚴重超支、新界東北發展區等等。

高人亦警告政府官員，千祈唔好認為搞經濟、民生，就無往而不利，其實阻住地球轉仍然大有人在，佢地如果唔打醒十二分精神，將政策搞得實淨啲，隨時一事無成。

Ariel

** 博客文章文責自負,不代表本公司立場 **

「老虎仔」邱達昌的新公司永升搵咗無綫前大將何定鈞來揸旗，那邊廂王維基的港視投牌又唔係咁一往無前，有少少窒窒地手。其中一個關鍵係佢申請將軍澳建新媒體製作中心的發展期限延長。

港視以前講過，本來打算將軍澳多媒體製作中心，在明年落成，但由於投牌不順利，一直將投牌的發展期延長。港視發言人對媒體話，原來佢哋在去年已經向科學園公司申請延期，將發展時間推遲到2017年2月28號，並向科學園公司支付延期的費用。

由港視的部署可以見到佢哋並非一往無前地投牌，起廠延期，又停拍劇集，佢哋手上的劇集只係維持到九月播完，之後只係用外購劇來維持網絡電視的播出。

由於這些小動作可以睇到，王維基投亞視牌的信心並唔係好大，否則應該嗱嗱臨起廠拍劇，擺明硬闖，以增加投牌的機會。如今由用窒手窒腳的方式去做，就令人質疑佢其實係打定輸數。