芝芝成日聽到姊妹訴苦，懷疑男友或者老公出去偷食，呢日又有一單。婷婷跟阿Man拍拖幾年，兩小口子早排鬧交冷戰，婷婷搵姊妹Doris呻，Doris見姊妹一場，就喺婷婷同阿Man之間做信差，點止傾傾吓無曬Doris聲氣，婷婷走去搵其他姊妹八嚇，先知原來阿Man居然同咗Doris拍拖喎！兩姊妹梗反面啦！查實，姊妹們身邊嘅閨蜜，係咪真係特別容易同我哋男友搭上呢？
網上圖片
叫得做「閨蜜」，自然係嗰個同你性格好似，同你最親密嘅姊妹啦！好似成個世界都唔要你，呢位「閨蜜」都會攬實你，佢甚至了解你多過你自己。
至於「男朋友」呢？理論上都係同你喺性格上好夾或者能夠互補嘅男人，由決定呢段關係開始，你似乎已經認定佢係你嘅白馬王子。照咁講，閨蜜同男友係性格上應該好相近，結果就發生可怕嘅事了！
芝芝上網見到一項調查，發現原來63%男人曾對女友嘅閨蜜心動過，當中唔少人仲話能喺女友閨蜜中，持續搵到讓自己心動嘅女仔添！
調查仲話三成半男人在女友閨蜜中發現心儀對象對，會付諸行動，採取各種挑逗行動——23%玩曖昧，12%玩表白。最得人驚嘅係，居然高達10%男人會表白成功！真係心動不如行動囉！
網上圖片
喺人際交往嘅過程中，如果我哋受到某種誘因刺激，而呢種刺激又係投其所好，就會引起對方注意和交往興趣，相互吸引。試諗吓，如果你閨蜜失戀時，你個男友仔「唔覺意」安慰一下，講幾句中正佢內心嘅話，喺你不在場嘅情況下，孤男寡女難免會有啲嘢囉！
大家都知就生得靚嘅姊妹，搵工易過生得普通嘅姊妹。同一道理都應用到喺男女關係上。好多姊妹鐘意拖住男友參與gathering，點知又係另一高危點。男人唔係用來炫耀，閨蜜見到你男友係「荀盤」，真係會咁乖乖地坐喺度同你傾偈咩？
你真係有把握帶得男友出去，然後將他完完整整帶返屋企？如果無就咪帶出去了，閨蜜雖然好，但愛情本質係自私，就算閨蜜都要提防！
所以呢，要男朋友同閨蜜保持遠遠嘅距離永遠是上策！睇完芝芝，你千祈咪走去問你男友，有無對你嘅嘅閨蜜心動過，因為世界上仲有好男人，相信你身邊那位就係囉！
芝芝‧知性
** 博客文章文責自負,不代表本公司立場 **
星期日約班姐妹brunch，見到Susan苦瓜乾咁面口，原來佢懷疑老公Alan出面有「小三」，Susan兩公婆一向好恩愛，但「嘢可以亂食，說話唔可以亂講，」芝芝都唔敢多comment，只係提佢喺呢個時候，身為老婆嘅千祈唔好輕舉妄動。
網上圖片
1. 大吵大鬧
男人出軌，妻子通常唔會接受，尤其係那些火爆老婆，一旦發現老公「偷食」，唔嘈到拆天就奇。但每次吵鬧過後，男人仍舊出軌，次數多了，時間長了，男人就會以「感情破裂」為由嗌離婚。到時你明知道他出軌有錯在先，卻無法博得身邊人同惻，還落得一個「潑婦」臭名。
2. 到處搵朋友傾訴
女人天生愛八卦，不少妻子喜歡在老公出軌後，向身邊好友求助，但畢竟婚姻是你們兩公婆的事，朋友只看到表面，哪有時間深究你們夫妻相處細節呀？即使勸得一次半次，但呢啲事一旦傳開，你老公出軌的故仔就活生生呈現在朋友圈內，就算他回到你身物邊，但被你撕裂的傷疤就永遠難以縫合了。
3. 自作聰明去偷窺
唔知係咪睇得電視劇太多，十個老婆有九個會在老公唔妥或者出軌初期，就學「偵探」咁鬼鬼祟祟玩跟蹤、偷睇手機銀包、check email，甚至查埋銀行帳戶！咁做似乎好醒，查實唔聰明。一旦老公發現你咁做，一係話你發神經、疑心重，一係就索性攤牌，將「地下」偷食明正言順擺上檯。
網上圖片
4. 搵老爺奶奶「告狀」
一哭二鬧三上吊都無用，好多人會想到搵老爺奶奶，誓要將老公出軌的罪行講晒出來，佢咃原本想得到長輩幫助，勸說丈夫悔改。但呢啲事情只要在長輩間傳開，必定會升級成「家族戰爭」，而且老公眼見自己的私隱被公開，尊嚴顏面咩都無晒，佢會更加無所顧忌去找小三訴苦，在長輩「教育」聲中保持沉默，等風聲過了，還會倒過來反咬你一啖。
5. 力圖用錢擺平
芝芝姐妹Christine早幾年發現老公同女下屬搞在一起，竟然背著老公搵「小三」講數。Christine先後幾次俾錢小三，而且愈俾愈多，最後小三攞錢走人，Christine暗自高興，點知唔夠三個月，小三就搵Christine攞錢，男人呢？當然唔理啦！婚外情並非用錢能擺平，有啲女仔做小三純粹為錢，做妻子想用錢打發她，只會泥足深陷。
網上圖片
6. 怒打小三
有些妻子發現老公出軌後，會先摸清小三住處，之後搵日帶齊人馬去「痛打白骨精」。可以肯定，小三這時會裝得特別軟弱，即使個衰佬在場，她會做到罵不還手、打不還手，等你老公睇到她被你痛打時會挺身而出保護她，仲要反鬧你係「倀雞婆」！
7. 上網鬧衰佢
我經常喺網度見到有老婆鬧小三，仲將小三人肉起底，再高明的小三也無法逃脫。但姐妹們咁做，也等於同時公開家中醜事，咪以為網絡中全是你的fans，總會有小三姐妹存撐佢，何況而家小三不算離奇事，你篇文隨時俾人當做一篇「真人版」鹹濕故仔咋。
