三位特首夫人合照

北京今日舉行閱兵儀式，香港代表團不少人都拍照上載facebook。包括咗經民聯梁美芬、民建聯陳克勤及周浩鼎以及新聞統籌專員馮煒光等，不時上載相片。

有網民就留言笑問眾人是否「翻牆」上fb，梁美芬就急急澄清是透過傳相給在港的助手更新fb。而陳克勤就話用中移動中港咭可上fb。

崔世安夫人霍慧芬、梁美芬、梁振英夫人梁唐青儀、曾蔭權夫人曾鮑笑薇

梁美芬fb上載的相片就最多人討論，皆因其中一張可謂港澳特首夫人的「世紀合照」，包括咗特首夫人梁唐青儀、前任特首曾蔭權夫人曾鮑笑薇和澳門特首夫人霍慧芬等合照，三位夫人好似有默契咁，衣服的顏色以黑白為主色望落幾襯色，其中曾夫人中袖白色外套，戴埋黑超，幾型喎，睇心情相當不錯。

而曾蔭權亦都相當輕鬆，佢同CY一齊現身在城樓上，仲有澳門特首崔世安排排坐，中央電視台都俾個鏡頭佢哋。而煲呔曾喺抵達京後記者問到是否擔心會被起訴時未有回應，只是一直保持笑容，神情輕鬆。而在他旁邊的夫人曾鮑笑薇回應記者說：「你哋擔心啫」。

今次是曾蔭權卸任後，首次以前行政長官身份到北京出席官方活動。

Ariel

** 博客文章文責自負,不代表本公司立場 **

港澳辦副主任馮巍早前曾來港和民主黨飯聚，各界關注是否只見一家，立法會議員湯家驊昨日爆料，話馮巍原來亦曾約見他，但他因事不在香港港，所以未見得成。

原來馮巍用WhatsApp和湯大狀直接聯絡，在7月尾曾Wha tsApp查詢湯大狀8月是否在香港，話希望同湯大狀「 大家坐低傾傾」，但湯大狀離港未有會面，當時他已估計馮巍來港會約見民主派， 所以對馮最近與民主黨會面不感意外，又說上京觀看閱兵後會多留一天，「會睇吓有冇機會見馮巍」。

民主黨約馮巍要透過梁愛詩做中間人去約，但湯大狀就透露咗佢同馮巍直接有Whatsapp往來，令人關注他在政改期間，有無同馮巍保持對話。當時一直有傳聞， 話部份泛民散兵可以支持政改方案通過，但係得兩三個唔夠票， 所以最後無叫佢地投贊成票，以免作「無謂犧牲」， 睇嚟湯大狀都可以算一個。

湯家驊指今次中央官員和民主黨並非在政改壓力下會面，中央亦一改過去在大型選舉前夕(今年11月區選)與民主派保持距 離、以免影響選情的做法，反映中央有意與部份泛民建立正常關係。 湯大狀又話上京觀看閱兵後會多留一天，睇吓有冇機會見馮巍。

Ariel聽聞馮巍一直係鴿派，所以他主催見一見民主黨和湯大狀並不出奇，但有些人會以為這代表著中央和泛民將全面和解， 就似乎係諗多咗啦。