湯家驊FB長文 爆與梁家傑閉門炒大鑊

前公民黨成員、「民主思路」召集人湯家驊日前出席泛民集思會時，被前公民黨黨友兼會議召集人梁家傑請出會議室。當日湯家驊已經好慶，指「即係唔當我係泛民啫」，昨日更在facebook以千字長文反擊，直指對梁家傑非常失望。多年黨友，一朝反目。

湯大狀話當日以泛民主派身份出席會議，想與其他泛民分享上北京與中央官員會面的心得。

佢話當日早上有官司要搞，預先通知梁家傑佢只能在會議中途11時半參與會議。佢到達後推門進入會議室，梁家傑卻高聲說還沒到他的環節，請他在門外稍等。湯家驊當時感到有點氣憤，反問作為泛民一員，為何有個別議題不能參與，但否認佢離開時有大力關門。

湯家驊話不到五分鐘，民主黨何俊仁出來請佢進入會議室。佢入內後立即詢問梁家傑為何有議題佢不能參與，還當不當佢是泛民飯盒會成員。

湯家驊指梁家傑忽然青根暴現，滿面通紅，不斷拍枱呼喝：「你再是這樣，我立刻停止會議，讓你沒得說，要你即走！你是否要這樣？」湯家驊當時感氣憤，回應稱不說也罷，當時其他人要求會議繼續，但無人勸止梁家傑，梁怒氣衝天地拒絕主持會議，其他人推舉工黨何秀蘭主持會議。

湯家驊話，梁家傑當時坐在離門口最遠的一邊，但其喝罵聲及拍枱聲即使關了門，門外記者亦清楚聽到。佢話梁家傑突然情緒失控已早有前科，過去兩年更日漸頻密，近日不斷有記者投訴被他喝罵，相信可能是壓力太大。不過，湯家驊認為從政者或是日常待人接物，不能隨便呼喝他人。

傳聞當日泛民會議正在討論與湯家驊的「民主思路」關係問題，沒留意湯家驊到場，所以梁家傑才有咁大反應。

梁家傑之後對傳媒承認當日安排不當，但沒有向湯家驊道歉。兩人的矛盾，看來是冰凍三尺，非一日之寒了。

Ariel

** 博客文章文責自負,不代表本公司立場 **

自由黨的壞孩子形象都好突出， 最新一章係自由黨張宇人話明有意做立法會內務委員會主席， 要拉現時做緊內會主席的經民聯梁君彥下馬， 而泛民議員亦有機會支持張宇人去角逐。

據張宇人自己的講法，佢話下屆2016年佢都未必再選， 又做過財委會主席，想做吓內會主席，目的係學吓嘢， 做吓唔同工作。

張宇人年紀不輕都仲咁有學習精神，真係令人敬佩， 可以頒個終身學習獎俾佢。不過呢個「學嘢」行為， 客觀上就係自由黨單挑經民聯，建制派自己打自己的味道幾濃吓。( 又一次證明自由黨都唔係咁建制派啦)

過去呢啲委員會主席的位置，是建制自己講掂數分好豬肉， 再同泛民去講數，講唔掂就舉手，好少見建制派自己打自己。 建制派大黨對自由黨呢個行為唔太支持，民建聯葉國謙已開口， 話內會主席一做就做五年，好少中途換人。 工聯會王國興對張宇人的行感到好意外，亦話明唔支持。

立法會知情人士話，自由黨得5票，加埋老死林大輝有6票， 但要取得35票先可以選上內會主席，遠未夠票，自然要和泛民26 名議員傾下偈，若攞埋泛民票，有32票在手， 拉吓獨立議員梁家騮、謝偉俊等人的票，都有相當威脅性。 而泛民飯盒會召集人何秀蘭回應記者時， 講到張宇人做內會主席都有得諗咁款，相信雙方已有初步溝通。

知情人士話，呢單嘢最後要西環發功，拉住中間票不要流失， 警覺性高應該無事，張宇人唔易成功，但當中都有一番惡鬥。