呢論政壇的焦點大多集中在港大副校事件同立法會開鑼選各委員會正副主席等議題上。另一邊廂對香港主權、治權等議題，亦長期有不同意見者的爭論。
早前，香港教育學院的香港研究學院副總監方志恒在《明報》發表〈重構香港的自治權〉，認為當中英兩國最終決定以一國兩制的方式去「維持香港現狀」時，實質上就是透過中英聯合聲明這條國際條約，以「國際法」（International law）確認當時香港已有的自治權，並且將港英政府的各項自治權力，全面延續至1997年主權移交之後。
特首辦新聞統籌專員馮煒光，今日就以前基本法諮詢委員會委員的身份，在《明報》撰文反駁方志恒這篇文章，指曲解了中英聯合聲明和基本法，認為香港的管治權力來源很清楚，1997年前來自英國，九七後來自中國中央政府。馮煒光又指九七前，香港從來沒有自治，更沒有自治的傳統，港督既是英國委任，委任前英國政府從不諮詢港人，而且港督大權集中，質疑九七前的所謂「香港自治」，從何談起？
高人話法律有來源，《基本法》是香港的憲法，自然是香自治權的來源，聯合聲明是兩個國的協議，不是自治權力來源，概念不要搞錯。
想看看兩人的交鋒，大家可以參考吓原文：
馮煒光：從聯合聲明和《基本法》看香港高度自治權的來源——回應方志恒博士 ：http://goo.gl/oKgKcW
方志恒：重構香港的自治權： http://goo.gl/kk94x4
Ariel
** 博客文章文責自負,不代表本公司立場 **
今早聽到港台主持車淑梅在「舊日的足跡」 的節目訪問已脫離公民黨的湯家驊，內容都幾有趣。
車淑梅都好識問敏感問題，劈頭就話「湯家驊黨內孤身走我路，擺香港利益為先，你想過做持首嗎？」湯家驊話關注政治的人，一定想過自己做特首的問題，佢都有想過，例如想假如是自己做， 會不會比現時的特首做得好，但他不會以做特首作為目標。
佢話選特首有分普選同唔普選，普選或者機會多啲，但唔普選由選舉委員會選出，特首要百分百得到中央信任，他雖然和中央有溝通，但就唔係百分百得到中央信任的人。 佢又話佢選特首不會做陪跑者，明知唔得不會出來試(有少少暗諷選過特首的梁家傑)。
湯家驊又話，08年立法會討論版權條例時，佢好激氣，余若薇走落嚟問佢，「 你幾時走，你走早啲通知我。」湯家鏵話我有事未做好，不會為余若薇及梁家傑而走。佢要做三件事，一競爭法， 二最低工資，三是普選，現在走，頭兩件事做咗，普選未做好。
不過Ariel可能有少少政治冷感，對湯大狀講佢年青夾band玩音樂更感興趣，佢話佢後生夾band玩電子琴， 四圍去表演賺錢，有一次去一間中學表演，在後台有個後生仔走埋去問佢叫乜名，佢話「我叫Ronny。」 對方話佢叫Alan，就係譚詠麟， 譚詠麟講起而家好少人彈電子琴，佢隊band差一個人彈電子琴， 叫湯家驊加入，咁就走埋一齊。
後來鑽石唱片的Joe Junior搵佢地隊band去錄歌試音，想幫佢地出唱片，佢地錄咗幾首歌，但Joe Junior後來話，譚詠麟的英文咬字口音不正，放棄同佢地出唱片，佢哋好沮喪，湯家驊亦離開咗。 若然當年成功出唱片，湯家驊可能做咗歌星，並無做大狀，亦無從政。可見人生的確有好多偶然。
