食嘢攝牙罅感覺難受，我哋可以拎支牙籤解決煩惱。動物牙縫攝咗嘢，無牙籤又無手又點呢？好彩唔使死頂，大自然有妙法，派出紅嘴牛椋鳥飛做牙醫。
36歲俄羅斯攝影師Yulia Sundukova日前喺坦桑尼亞恩戈羅恩戈羅保護區影到奇趣一幕，見到一隻牛椋鳥飛到長頸鹿嘴巴前邊起勢啄佢牙縫中嘅殘餘食物。長頸鹿可能正好為牙罅中嘅殘渣覺得煩惱，見有雀仔肯幫手表現相當配合，張口俾佢進行全面檢查。嗯，舒服晒。
萌萌動物星球
** 博客文章文責自負,不代表本公司立場 **
