黎瑞剛不止打造東方華特迪士尼

無綫電視主要股東黎瑞剛控制的華人文化產業投資基金（CMC）夥拍中信資本等作價4億美元（約31.2億港元），購入曼城球隊母公司城市足球集團(City Football Group） 13%股權。黎瑞剛直接投資英超球隊，打造一間東方華特迪士尼公司的鴻圖大計，又走前了一大步。

早前國家主席習近平早前訪問英國時，參觀曼城球隊，而不是曼聯球隊，已引起各種揣測，最後謎底揭盅，黎瑞剛出手入股曼城球隊，相信習大大探訪曼城球隊時，洽談早已展開。

黎瑞剛亦很懂得說話，它不光把投資曼城當做一盤生意，而是將之和習大大最關心的中國足球發展掛上鈎。他說，中國足球正處在非常關鍵的發展階段，正迎來前所未有的發展機遇。他說華人文化聯同中信資本，通過和城市足球集團的合作，共同搭建全球化足球產業發展平台，運用城市足球集團貫通球隊運營、球員選拔培養、青少年球員訓練、商業開發等全產業鏈的系統經驗，推動中國足球產業發展，並為中國在世界足球賽場的崛起發揮積極作用。

不過投資曼城球隊始終是一盤生意，今次入股13%，可能只是一個開始，未來還有可能增持，不過城市足球集團的大股東是阿布扎比財團（ADUG）的阿聯酋阿勒納哈揚王子，也是有米之人，他同意城市足球集團擴股讓華人文化基金加入，自然不是等錢使， 而是看中未來合作的前景，特別是打開曼城球隊在中國的市場。

黎瑞剛的華人文化基金早前亦曾公布，以80億元人民幣投得中國足球協會超級聯賽（中超）未來5年播放權，每年版權費用高達15億元，黎瑞剛豪言第一年就能賺錢。如今又佈直接落注英超球隊，黎瑞剛這盤棋愈玩愈大，愈玩愈國際化了。

黎瑞剛正投資影視、足球、主題公園，有人說他要打造東方的華特迪士尼公司，但迪士尼沒有直接搞足球，看來黎瑞剛的雄心，他理想的版圖，比迪士尼還要大。

Ariel

** 博客文章文責自負,不代表本公司立場 **

港大學生會昨日早上召開「香港未來想像論壇」，請咗前政務司司長陳方安生出席，與港大社會科學院院長卜約翰（J ohn Burns），同場講「公務員制度與特區政府管治困局」。

論壇原定10點開場，點知只有一個學生到場聽嘢，少過記者。 陳四萬等咗10分鐘見無人到，黑晒口面，話聽眾太少難以互動，叫港大學生會下次安排好啲再搞過，就起身走人，場面尷尬。

陳四萬做過政務司司長，即使當佢唔識學術問題，同場的卜約翰絕對係研究香港公共行政的權威， 佢31年前編輯咗本書The Hong Kong Civil Service: Personnel Policies and Practices (co-edited with Ian Scott ) ，已經是當年讀政治學的學生，學公共行政時的必讀教材，論學術卜約翰比陳太更有份量。

Ariel同大學生傾吓點解無人去呢個論壇，佢地話睇時間同題目都知唔掂啦，第一係題目太悶，有興趣的人少，第二係星期六上午10點都算係必敗時間啦，返完成個星期學，星期五晚wet完，星期六中午12點都未起身啦，邊有人咁神心爬起身去論壇。有一個學生咁稀有品種到場，陳太唔應該走，應該好細心同佢講解至啱。

當大家以為陳太係名人，會吸人到好多學生去聽，其實學生既不信權威，即使反政府亦唔使聽啲老人家教，而且好多人都唔識陳太，點會為佢瞓少幾粒鐘去聽講座呀。