保留子彈慢慢打

這次的股市下跌浪潮，來得比較急驟，配合港元下插，令人感覺相當不好，頗有風暴味道。雖然這次跌市有一定的環球性，主要由美國加息，中國經濟疲弱引發，再加上油價大跌，令到環球股市下插，並非香港的獨立原因所致。

但由於人民幣匯價偏高，出現了表面傷痕，拖累港元下跌，的確叫人有點心驚。港元下跌有兩個可能，第一個可能是資金流走出現的自然反應，屬短期資金調動產生的影響，只要資金流走的情況完結，理論上港元會回復正常；第二個可能是有大鱷在狙擊港元，我擔心的是出現了第二個可能。

經過了1997年狙擊港元一役，我相信頭腦正常的大鱷，都不會以為港元與美元很容易脫鈎，能夠利用沽空港元賺大錢。但是，沽港元同時沽空港股，雙途進攻，卻又是容易揾錢的方法。你或許問，1998年政府入市挾死了大鱷，為什麼大鱷還有膽量再來？由於政府入市干預市場，是一種極不尋常行為，可以估計政府不會隨意地做，如果大鱷將港股由兩萬點沽低至一萬點，政府或許會被逼入市干預，但只是沽低幾千點，情況未至於太惡劣，又看出不會政府會積極入市干預。因此，在人民幣弱勢，港元續跌的前提下，股市相當難玩。

那麼，後市又如何部署會比較好呢？我覺得要分開投機及投資來看。投機，見到短線大市跌得多，固然可以博反彈。但短期順勢是一個下跌之勢，順勢而行，等等反彈得高去沽，比博反彈要易。博反彈只能玩得更短。

至於投資，目前這種市況，不似一時三刻便玩完，如果手上子彈有限，主要是買貨以後睇中長線的話，便完全不用心急，買貨時也不要一下子投入所有的子彈。因為在這樣的跌市，未來還可能反反覆覆地出現，太快把子彈一二三出清，到股市彈完再跌，手上已沒有子彈，即使用「無眼睇」這招，也很難挨也。

長線投資者如何保留子彈，不急於入市，這是對投資者EQ的一個考驗。

陸羽仁

** 博客文章文責自負,不代表本公司立場 **

股市跌到腳軟軟，股民身家唔見一大截，好多人心驚驚， 問人仔跌極都未完，股市咁樣，係咪應該估啲貨。

遇到呢啲問題，我通常會咁問，舊年28,000點嘅時候你有冇沽貨？如果28000點冇貨點解要係19000幾嘅時候估呢？

聽到我我咁講，股民通常都會問，你話唔沽貨，係咪代表股市唔會再跌呢？我話當然唔係，股市跌開有條路，呢啲叫做當頭跌，如果人仔跌勢停唔到，港股跌多一兩千點都唔出奇，跌緊嘅時候冇人知道邊一點係底。但係既然應跌左咁多，你在相對低嘅時候沽貨，就有風險在股市底部清倉。

換言之，而家再下跌嘅空間可能有一兩千點，但如果你睇一兩年，升返上去24000點樓上嘅機會亦好大，即係你用2000點博5000點，咁樣都有一定嘅值博率。而且如果你買的是大股，唔沽唔會真正輸，跌咗可以升番上去。

朋友Simon話佢咁多年本買股票，最後計落嚟都係輸錢， 我就問佢佢係咪通常都係高位買、係低位忍唔住沽？佢點頭話係，話通常在股市急跌時，佢都捱唔住，最終會沽貨出街，所以通常都係高買低沽。沽完後股價通常會跌得更低，但佢都唔會買，所以只會買貴貨，不會買到平貨。

結論係個市跌得咁慘，只剩8倍倍幾市盈率的時候，不如唔好理佢，一年之後回頭睇，可能係有另一番光景，呢啲叫無眼睇的智慧。