政事
小鯊早前提到人稱堅哥的《蘋果日報》社長葉一堅將退下火線，終於成為事實。壹傳媒內部今日出通告，宣布堅哥將由明日(6月9日)開始退休。
堅哥退休後將留任壹傳媒非執行董事，同時做壹傳媒和台灣蘋果主席，壹傳媒話堅哥可以傳承知識，分享經驗咁話。
外界估計，堅哥只做「非執行」職務，都係掛個名做吓顧問，唔使日日返工啦。
至於堅哥個位，就由人稱沙膽虹的張劍虹頂上，沙膽虹將出任壹傳媒出版媒體行政總裁和香港《蘋果日報》社長，佢將負責集團內《蘋果日報》及所有雜誌的營運。
壹傳媒這一下深度地震，和台灣業績大倒退有關，台灣蘋果今年快速由賺轉蝕，10幾個香港派去台灣的高層孭晒鑊，走得七七八八，一直掌管台灣事務的堅哥亦唔想撈了。佢早已搵夠，不如退休嘆吓世界好過囉。
小鯊
** 博客文章文責自負,不代表本公司立場 **
《蘋果日報》社長葉一堅，盛傳即將離任社長，轉去做壹傳媒副主席，仲係非執行那一種，換言之變成一個類似顧問的角色。
人稱堅哥的葉一堅，早前在《蘋果日報》的「堅哥與台灣」專欄的說話已有暗示，佢話：「今日明日後日， (台灣蘋果的香港高層)十位剩幾人？凡事有定期。栽種有時，拔出有時。來台有時， 撤台有時。入《蘋》有時，離《蘋》有時。」
他跟手在下一期「堅哥與台灣」，講「這個專欄，是時候要停一下。珍重，再見！」連專欄都唔寫，都係為離《蘋》舖路。
最新版本係堅哥不做社長，只做非執行副主席，睇個名都知道是不孭飛的閒職，當然堅哥樂得清閒，這正是他所欲了。
在2014年12月11日佔中結束之後，肥佬黎黎智英辭任《蘋果日報》社長一職，由當時任壹傳媒平面媒體行政總裁的堅哥兼任，如今做了年半就玩完。由於堅哥主要睇台灣《蘋果》，最近台蘋生意大跌，香港去台灣的十多個台蘋高層炒的炒，自己走的走，差不多全清，堅哥亦十分無癮，故萌去意。
