美食新聞報道｜「觀塘名物」拿督大排檔每日開店3小時幫襯講緣份 食家蔡瀾力推必食「大細腳撈麵」

飲食節目《鄰住買好嘢至抵食特約︰美食新聞報道》今晚（7月28日）「故事味緣」介紹位於觀塘駿業街熟食市場的拿督大排檔， 該店只供「有緣人」幫襯，只有周一至周五營業，每日只做午市11點45分到下午3點約3小時，周六日及公眾假期休息，假如不在附近返工，要幫襯就要花點心思。不過該店的新加坡美食確實出色，連在當地出生、已故美食家蔡瀾先生吃後都讚不絕口，更極力推崇該店的「大細腳撈麵」（豬腳、雞腳撈麵）。

拿督大排檔成為觀塘名物。

拿督大排檔成為觀塘名物。

檔主陳太笑言客人經常問一個問題，她笑說︰「啲客人問我知唔知自己店係觀塘名物，我都係從佢哋口中知道自己鋪頭有咁犀利稱呼囉。」她自言能夠做到如此地道的新加坡菜，全憑老公把口。陳太透露當年興起搞新加坡餐廳，兩公婆到當地試菜，在牛車水吃到一碗「大細腳撈粗」時驚為天人，她說︰「之後老公每日都同檔主傾偈，佢同我老公好好傾。之後老公同佢講，我好鍾意食佢嘅撈粗，好想學點煮，跟住檔主就教咗我點做。」她透露秘訣在於用了正宗新加坡黑鼓油及燒豬油。

陳太笑言學煮新加坡菜，全靠老公「吹得」。

陳太笑言學煮新加坡菜，全靠老公「吹得」。

三大招牌菜大細腳撈麵、燒豬頸肉胡椒湯麵及新加坡咖哩鮮雞。

三大招牌菜大細腳撈麵、燒豬頸肉胡椒湯麵及新加坡咖哩鮮雞。

三大招牌菜大細腳撈麵、燒豬頸肉胡椒湯麵及新加坡咖哩鮮雞。

一般人以為拿督大排檔每日只營業幾小時應該非常輕鬆，但陳太笑言再揀一定不會選飲食業︰「每日凌晨3點就要返到鋪頭處理食物，收工清潔廚房，走時都要7點。」另一樣陳太堅持的是落調味料一定會用秤，令味道統一不會時鹹時甜，出面很多廚師都是憑經驗斷估。

陳太由開店到收工都一腳踼。

陳太由開店到收工都一腳踼。

陳太由開店到收工都一腳踼。

陳太由開店到收工都一腳踼。

而令陳太在觀塘碼頭熟食市場拆卸結業後，再覓地重開的原因是一班不離不棄的老顧客，她滿足的說︰「我從事飲食廿幾年，做過好多間鋪，好多客人係由第一間店追到而家，當客人不斷畀鼓勵同讚賞，即刻覺得咁早返嚟開工都值得嘅，係繼續落去嘅原動力。」

當年是觀塘碼頭熟食市場的人龍店。

每到中午便座無虛席。

飲食節目《美食新聞報道》今晚（12月29日）一連13集新環節「識食之人」請來不單識食，而且識煮的鼎爺李家鼎出馬。第一集他會帶蔡景行（行仔）到九龍城這處美食「卧虎藏龍」之地搵食，還狂爆金句、典故。

新環節「識食之人」請來李家鼎任嘉賓。

新環節「識食之人」請來李家鼎任嘉賓。

鼎爺今次推介一間打冷名店，不少電影曾在此取景。鼎爺為行仔點了三款此店必食名物︰滷水拼盤、煎蠔烙（蠔餅）及薑蔥桶蠔煲。當拼盤上枱時鼎爺開始講典故，原來潮州人請客一定要有鵝片，否則就是沒有面子。當中又講出吃滷水鵝必舔蒜蓉醋汁的原因，他說︰「係消毒，以前鄉下劏鵝一餐食唔晒，又無雪櫃。所以就搵蒜頭、醋、辣椒同隻鵝沖個靚涼。」他還爆了一首童謠「鵝頭鴨頸雞蘿柚，鵝掌柚皮無得走」，點出中國人愛吃刁鑽部位。

鼎爺為行仔點了滷水拼盤、蠔餅及薑蔥桶蠔煲。

鼎爺為行仔點了滷水拼盤、蠔餅及薑蔥桶蠔煲。

吃滷水鵝必舔蒜蓉醋汁原來有段故。

吃滷水鵝必舔蒜蓉醋汁原來有段故。

滷水拼盤

薑蔥桶蠔煲

接下來的煎蠔烙（蠔餅）鼎爺又爆另一段故，鼎爺說︰「而家蠔餅用雞蛋煎等佢脆口，呢啲係香港人興起先。正式係用鴨蛋等佢香啲、煙韌啲。」用來沾蠔餅的魚露，是潮州人必備配料，他笑說︰「以前幼鹽好矜貴，就會將啲雜魚用粗鹽醃幾個月，流出嚟嘅汁就係魚露，其實係魚嘅屍汁。」嚇到行仔猛說︰「鼎爺你唔早啲講。」食到最後一道薑蔥桶蠔煲時，鼎爺爆終極金句︰「韭菜可以令蠔味香啲，但韭菜唔可以全熟。廣東人都有講『生蔥、熟蒜、半生韭』就係咁解。」

蠔餅

潮州人製的魚露「來歷恐怖」。

潮州人製的魚露「來歷恐怖」。

此間位於九龍城的潮州菜館，經常被借來拍攝電影，杜琪峯導演的經典槍戰片《鎗火》中，黃秋生飾演的阿鬼殺死仇家及煞科一場便在此取景。此店亦曾為爾冬陞執導電影《忘不了》提供拍攝場地。此類老式中餐館已買少見少，龍鳳禮堂的雕龍雕鳳獨特擺設，在港更是絕無僅有，甚受電影公司垂青。

二人身後的正宗龍鳳禮堂，香港已絕無僅有。