香港系列之細間始終你好｜香港三小店逆境堅守守業魂 紙紮鋪接班人難忘街坊助老店渡過「嚴寒」

由阮兆祥（祥師兄）主持的資訊綜藝節目《K Cash業主私人貸款呈獻：香港系列之細間始終你好》，本周六（6月13日）晚8點翡翠台播出新一集。今集，祥師兄繼續穿梭香港大街小巷，走訪土瓜灣銅器小店、油麻地以懷舊冰室為主題的新式Café，以及有超過60年歷史、已傳承至第三代的紙紮舖。三間店舖的負責人，各以不同方式守護香港舊記憶、文化及人情味，活出屬於他們的獅子山精神。

紙紮鋪第三代接班人Gladys。

Gladys話目標係想紙紮鋪成為「百年好店」。

紙紮電動麻雀像真度極高，祥師兄都好驚嘆。

Gladys爸爸強哥對紙紮作品要求極高。

紙紮舖傳承三代‧致力向先人傳達有溫度的愛 目標成就「百年好店」
三間小店之中，最特別的是由1960年開始經營，至今已傳承至第三代、並擁有60幾年歷史的紙紮舖。雖在很多人心目中，紙紮已是夕陽行業，但堅守「中國人始終有咁嘅需要」嘅三代人，仍堅持用雙手幫在世的人、將愛及思念透過紙紮品傳送給先人，皆因對他們來說，每件紙紮品都是一份使命，故第三代店主Gladys及Gladys父親對所有紙紮品一絲不苟。Gladys在節目中分享了一個與客製紙紮品有關的暖心感人小故事：「有位男士係先人嘅舅父，佢坐低傾嘅時候已經開始爆喊。原來佢外甥女生前患病，舅父應承過佢好返就教佢踩滑板車。」最終Gladys按客人吩咐，做了一部一模一樣的粉紅色滑板車送給先人，希望客人能因此得到安慰釋懷。

當年火燒紙紮鋪，幸得街坊幫助支持賣晒啲貨，成功捱過難關。

當年火燒紙紮鋪，幸得街坊幫助支持賣晒啲貨，成功捱過難關。

紙紮鋪有超過60年歷史了。

除了時代洗禮，這間老店還曾於2024年1月經歷過一場歷時9小時的大火，當時在店舖對面望著熟悉的「家」被熊熊烈火包圍，Gladys與母親極盡心痛，Gladys憶述：「見住我嘅成長地方冇晒，好難頂。」不過大火並沒有擊倒Gladys一家守業的決心，本住「有地方，有人，啲貨燒晒咪再入過貨咯」的決心，Gladys在員工及街坊的群策群力及幫忙，幫店舖渡過最「嚴寒的冬」，Gladys：「返到嚟（喺舖頭度）賣地攤咁賣，喺出面大嗌，啲街坊好支持，嗰年啲嘢通通賣晒，就係咁樣我哋捱過咗一個新年。」直至今日，Gladys媽媽仍忘不了那份情：「我好多謝呢度啲街坊，真，真係非常之好。」祥師兄聞言亦有感而發：「跌嘅時候先領略最多，原來唔係每樣都係必然時，你就會更加珍惜依家所有嘅嘢。」

祥師兄現身油麻地懷舊冰室。

冰室創辦團隊成員阿峰。

大家有講有笑，好開心。

「焗斑蘭咖央西多士」好想食呀！

50、60年代，冰室係唔少香港人聚腳點。

祥師兄都忍不住大影特影。

一班年青人既係同事又係朋友。

祥師兄踩入廚房體驗。

齊齊合照，好開心。

祥師兄踩入廚房實地體驗
同樣相信團結就是力量的，還有位於油麻地、由年輕團隊主理的新舊交融「懷舊冰室x新式Café」。50、60年代，冰室是不少香港人的聚腳點，為保留這個特有文化，阿峰與合伙人四年前接手經營這間傳統冰室時，特意保留1969年沿用至今的枱櫈、複製店舖古早牆紙的同時，還創造了不少「變奏版冰室經典美食」，包括「焗斑蘭咖央西多士」及皮蛋炒意粉等，用創意為冰室老靈魂注入新生命。

談到經營理念，阿峰坦言最重要是找到志同道合的合伙人：「做咩都好，最緊要搵到班啱嘅團隊，呢度個個都好似朋友，一班朋友一齊做一件事係好玩嘅」、「有同一個夢想，大家都肯去拼搏，就唔會太計較。」為了好好感受這班年青人的那團火，祥師兄還踩入廚房親自體驗。

祥師兄現身土瓜灣銅器小店，佩服店主Wilson嘅延夢精神。

銅器小店唯一一件刻有「Made in Hong Kong」嘅「書立架」，十分珍貴。

Wilson細細個開始已經有儲銅幣習慣。

到底祥師兄睇緊咩呢？

銅器店主65歲Wilson為91歲退休陳伯延續「銅夢」
最後一間是隱身土瓜灣的銅器小店，65歲店主Wilson 2年前從當時91歲的上手老闆陳伯手中接過店舖，Wilson本身是陳伯熟客，細細個亦已愛儲古董銅幣，故兩年前陳伯想Wilson幫手傳承小店時，Wilson二話不說答應。節目中，Wilson向祥師兄展示了「銅器噴火槍」、「英式火水爐」及刻有「Made in Hong Kong」的銅器「書立架」等古物，十分珍貴。談到現時雖然大家已少用銅器，但Wilson仍希望盡最大努力保存在他心目中獨一無二的藝術品：「如果唔保存佢，好容易去咗五金舖變廢銅回收，實在好浪費。」銅器小店位於土瓜灣13街，Wilson指雖然近17年以來不時傳出將會清拆的消息，但他仍希望盡最大努力：「做得幾耐就幾耐」，令祥師兄亦深感佩服。

由阮兆祥（祥師兄）主持的資訊綜藝節目《香港系列之細間始終你好》，今（7月11日）晚8點翡翠台播出新一集。 今集，祥師兄繼續穿梭香港大街小巷，走訪大角咀一間由恩愛夫婦經營的「手工菜館」、旺角花園街一間屹立逾40年的「傳統唐餅店」，以及紅磡馬頭圍道一間接近70年歷史的「租書店」，三間店舖的負責人，各自用不同方式守護香港舊記憶、文化與人情味，活出屬於他們的獅子山精神。

「手工菜館」老闆Ken。

「手工菜館」老闆娘Candy。

Candy曾嚴重二級燒傷。

夫婦攜手走過30個年頭。

Ken喺廚房整「鍾無艷煎肉餅」，祥師兄入廚房落手落腳「撻肉餅」。

草根夫妻搏盡創業 只要幸福乜都值得
大角咀一間「手工菜館」的招牌菜「鍾無艷煎肉餅」賣相特別，亦蘊藏一段夫妻同心的愛情故事。餐廳老闆兼主廚Ken與老闆娘Candy由十幾歲相識到結婚，攜手走過30個年頭。Ken從廚師毅然創業，背後除了想圓夢之外，還想向所有人證明太太Candy沒有揀錯人：「一世做廚房好似冇乜出色，工字不出頭，試吓創業，希望太太可以畀人睇得起。」Candy由美容院轉戰飲食業，全力支持丈夫追夢。

「喺細舖嗰次淥親手肘，醫生話二級燒傷。」一次嚴重工傷令Candy留下永不磨滅的烙印。望着太太滿手傷痕，Ken一度想過放棄：「係咪要太太咁委屈陪我去捱？」但Candy的堅毅反過來感染了Ken，夫妻同心拚搏「捱落去」。創業路上滿佈荊棘，Ken的一句說話：「只要熟客食得開心，令我老婆幸福，可以值得堅持。」相當感人。最感動的是，Ken與Candy互相手寫心意卡，一字一淚滿是真摰感動：「謝謝你陪我闖過患難」、「好開心跟你捱過任何辛苦日子」、「感謝你畀我下半生幸福」、「我哋為未來加油」，祥師兄更為二人送上驚喜，小小木製音樂盒內印有Ken與Candy的甜蜜照，希望他們能在忙碌中找回幸福節奏。

「鍾無艷煎肉餅」

Ken同Candy互相寫手寫信，內容感人。

畫面感人。

祥師兄送上音樂盒，望佢哋搵到幸福節奏。

「原來傳統先係最好」回流港二代用40年餅店講好故事
另一間位於旺角花園街超過40年的「傳統唐餅店」，由近十幾年從外國回流香港的第二代店主張惠寧接手經營與製作。惠寧坦承剛回港打理店舖，有很多想法和方向，始終發現按照「傳統方向」步伐最好：「有種年少自大同無知。」惠寧學會這份「以不變應萬變、不隨波逐流」的堅持，背後全靠一班大師傅對傳統手藝的執著。

「老婆唔可以得一款，太寡啦！」老闆張惠寧以老婆要有多個來解釋「老婆餅」分成咸、甜兩類，逗得祥師兄哈哈大笑。祥師兄走進廚房親身感受中式唐餅製造的繁複步驟。首先準備大量糯米粉，加糖、油、熱水攪勻後，開始做糖餅塑型到放入餅爐，店內的「蛋散」、「雞仔餅」、「棋子餅」及「甜老婆餅」及「咸老婆餅」均很受歡迎，近幾年更榮獲「街頭小食推介」。

「傳統唐餅店」第二代店主張惠寧。

祥師兄走進廚房，感受整餅過程。

張惠寧坦承自己曾年少無知。

鏡頭食先。

「蛋散」望落去已經好想食。

「雞仔餅」

「甜老婆餅」同「咸老婆餅」。

三代守護一間租書店
同樣相信以不變應萬變，還有位於紅磡馬頭圍道一間接近70年歷史的「租書店」。老闆鍾先生透露書店由公公開始經營，再傳到媽媽手上，自己是第三代。談到租書秘聞，鍾先生笑言大部分人會因「按金」問題歸還，但六、七十年代武俠書盛行，有很多書歸還後卻不完整：「武俠書（紙）好薄，佢哋就搣一頁去廁所。」為迎合潮流，書店曾變陣租借CD、VCD，祥師兄過去作品《先洗未來錢》、《爆笑急轉彎》亦在館藏之列。

鍾先生風雨不改，堅持日日開舖，在節目中分享一個暖心故事：「最老嗰個客已經幫襯咗70年，行得唔方便送上門（書）。」還一起吃早餐儼如老朋友。「每本書都係我包同釘，每本書都有感情。」就是鍾先生對「書」的堅持與執著。

70年「租書店」老闆鍾先生。

鍾先生大談租書秘聞。

鍾先生同客人甚至成為好朋友。

祥師兄過去作品亦被「租書店」收藏。