港股升上26093點高位之後就行人止步，近期在25500點上下徘徊，有點見頂回落的跡象。通常市旺時弱股先回，強股後回。最近有網友留言問我如何看股價圖？如何從圖表中看騰訊（700）的走勢？可以講講。
騰訊1年圖
看圖表有很多技術分析工具，最簡單的是看股價的走勢，究竟是在上升趨勢當中，還是在回落的趨勢當中，其中一個比較簡單的輔助工是移動平均線。騰訊是強股，其250天線是非常強勁的支撐位。過去的一年，騰訊只有一次（12月3日）跌穿250天線，價位是188元，但很快就重上250天線樓上，之後一直向上。可以說，騰訊跌到250天線，是很好的買入時機。
現時騰訊的250天線是229.7元；50天線是274元；10天線是275.6元。看某隻股票是否轉勢，關鍵是看平均線的交叉，如10天線下穿50天線，便是一個轉弱走勢，相反就是一個轉強走勢。騰訊去年10月，10天線跌穿50天線，其後便出現兩個月的下跌。到今年1月，10天線上穿50天線，股價止蝕回升。
最近騰訊急跌，拉著10天線急速回落，近日跌穿50天線。未來一星期確認這個走勢的話，估計騰訊會出現一浪比較深度的調整。
固然，還有很多技術分析的工具，可以幫助我們看圖表，但對一般散戶而言，看騰訊這些大股的走勢，平均線的交叉點，已經是很有價值的參考工具。
若騰訊真是較大幅回落，恐怕大市亦會向下調整。
陸羽仁
** 博客文章文責自負,不代表本公司立場 **
去年04月17日時我寫了一篇文章，講藝人黃翠如爸爸黃永華控股的聯旺集團(08217)，當時聯旺剛上市後三天，上市之初一度喪升，市值衝上至177.2億元，到文章刊登時聯旺股價已急回，當日收市價8.6元，仍然有107.3億市值。當時我講聯旺相比翠如BB打工那間TVB(511)的124.2市值差不多。
我當時話：「我想提提大家，呢啲創業板喪炒股，殺人有兩波。第一波，上市之初高位追入….第二波殺人局在下跌反彈時….陸羽仁見過太多呢啲殺人局，唔想大家再輸錢。呢啲喪升股， 幕後人唔係開善堂派錢俾人，你好難賺錢走。都係睇吓好啦， 唔好落場玩呀。」
股票價格好難估，好似聯旺呢啲貨源差不多完全歸邊的炒股，走勢人為做出來，就更加難估。你睇完我去年4月那篇文，一直到7月都會覺得我啱，因為之後跌咗近3個月，7月低見4.6元左右。佢8.6元時我叫你唔買，你見佢跌到4.6元，跌咗87%，自然覺得我的建議得。
不過聯旺抖完氣之後，在7月就慢慢炒上去，一路升到今年1月，去到26元的高位。在8.6元時叫你咪買，最高去到26元，即係升咗218%，你又會覺得我的意見廢到唔廢。
世事無絕對，呢幾日一場僵屍股股災，聯旺跌到1.02元，距離26元高位跌咗96%，即使當舊年4月的8.6元起計，都唔見咗88%，得番個零頭，買咗真係喊都無謂。而家睇，舊年篇文又好似啱番。
其實呢啲只係炒股，高峰時26元，市值324.5億，市值係TVB 2.5倍，當然係假到無朋友。但股民唔理真假，只睇股價上升，合埋眼可以照買。我叫大家咪買，只係相信呢啲股「假的真不了」，你唔使知佢為乜跌，佢總會把錢從你手上搶走。你買佢係同莊家對賭，睇你工夫高，還是佢功夫高。若然有一個散戶賺到錢走，應該有另外9個會輸大錢。
聯旺跌到如今，市盈率仍然好高，佢去到3月底去年純利3055萬元，如今市值12.7億，即係市盈率41.7倍，無息派。一隻建築股俾佢10倍市盈率都差唔多啦，即係合理價錢係0.24元，唔係如今的1.02元。但現實上佢可能會升番啲，但只不過又炒高偏離合理價，你能唔能在幕後人手上搵到錢，就睇你有幾大能耐啦。呢啲股好難玩架。
