發展商兩個方向 修訂空置稅

政府計畫推出一手樓空置稅，如果發展商攞咗入夥紙之後一年，仲未賣出單位，就要俾大約樓價5%空置稅。空置稅要等立法實施，聞說有發展商想從兩個方面修訂空置稅。

Ariel 同一個發展商傾起，佢話空置稅主要係解決民生問題，針對應該係中小型單位而唔係豪宅。佢話應該畫一條線，例如1000呎或者1600呎以上的大單位，就唔需要交空置稅。

佢話1000呎以上的豪宅，而家隨時都要兩三千萬元以上，唔係咁容易賣得出，唔係話發展商囤積唔想買，而係真係需要時間慢慢賣。呢的單位無空置稅，對民生影響大。

另外發展商都想政府在出租單位方面，俾多點彈性。現時出售單位可以預售樓花，所以有較多時間賣樓。但出租單位就攞咗入伙紙之後才可放租。若然硬性規定要一年之內租出，否則要繳納空置稅，現實上會有一點難度，特別是幾千呎的豪宅，不是不想租出，而是不一定那麼快能租出。

發展商當然會遊說政府，希望他們略為修訂原來的空置稅繳納方案，增加彈性。

有高人話，發展商對立法會議員的影響力都很大，相信他們也會大力發功遊說，即是政府不接受這些修訂，可能也有議員會提出修訂案。政府若想順利通過議案，也可能要讓步。

Ariel

** 博客文章文責自負,不代表本公司立場 **

前政制及內地事務局局長譚志源Raymond去年7月行出政府熱廚房後，先入私人機構，去前老細、南豐集團主席梁錦松創辦的新風天域集團，但之後無幾耐就離開，由於去向未明，今年11月立法會九龍西補選在即，甚至有人傳佢會去參加補選。

聽聞真係有人試吓去搵Raymond 譚參選，但佢興趣不濃，謎底終於揭曉，原來佢將會加入馬會，出任馬會公司事務執行總監，掌管內地事務部和公共事務部兩個部門，據聞他將會在8月中返工。

譚志源 (資料圖片)

上任馬會公司事務執行總監是麥建華，離職近兩年，佢去了明愛專上學院及明愛白英奇專業學校做校長，投身教育界，並且相當成功，但馬會一直未能覓到合適人選替代他。

馬會行政總裁應家柏之下共有10名執行總監，2017年這10人年薪由近400萬至超過1200萬不等。馬會行政總應家柏年薪更超過2400萬。星島話譚志源今次加盟馬會，年薪就高達500萬，較問責局長380萬年薪多出120萬。

如今已是港區全國人大代表的譚志源，加入馬會，被政圈中人形容為「屈就」，但性格八面玲瓏的譚志源，加入馬會如此重要的公營機構，未來大有發揮餘地。但建制派就好難搵佢去補選了。