食咖喱一年減140磅，得架!

睇《巴士的報》見到一單新聞，有個英國肥男阿Mike，原本重到336磅，但佢發明獨有咖哩減肥秘方，每天早上6時吃辛辣的印度咖喱，上午過後少量進食，結果11個月內減掉140磅，減至195磅，由肥佬變成fit男。

 

表面睇食咖喱減肥呢個方法有啲騎呢，但我作為減肥愛好者，細心研究一下，發覺佢呢個方法得架。

首先睇吓呢個來自英國曼徹斯特的肥人Mike Snell做乜咁肥。佢任職送貨員，體力勞動，食無定時，只要有時間就會吃高熱量的快餐，後來肥來300幾磅，好易氣喘，於是決心減肥。

佢覺得傳統節食方法對自己無效，自行發明「咖哩減肥法」。早上6時就會吃印度咖哩加速新陳代謝，選在這時間的原因是一早食辣嘢，可以消除一整天想吃的慾望。早上10時前可以盡情吃自己喜歡的食物，但10時之後就要吃很少，到晚餐只會吃小食甚至只喝湯。結果成功減肥。

阿Mike呢個減肥方法其實好科學，關鍵不是咖喱，而是一個「倒金字塔式」的飲食方法，我地平日的飲食習慣是早午晚都食，一餐比一餐多，而晚餐通常是最勁的一餐，有啲人仲有食宵夜的習慣，是一種金字塔式的習慣，想唔肥都難。唔止因為食得多，仲因為食得遲，夜晚食咁多，食完一兩個小時未消化就瞓，積累脂肪，想唔肥都幾難。

而阿MIike的方法晨中先食，在10時前任食，中午之後已經少食，晚上只是飲湯，係一個倒金字塔的飲食方法，的確有助減肥。食唔食咖喱唔係關鍵，食法是關鍵。明天可以講講一個富豪減肥法，亦相當類似。

Lobo

** 博客文章文責自負,不代表本公司立場 **

運動與減肥，是我的長期愛好。大學年代在中文大學唸生物化學系，看看營養學書藉，計計卡路里，也是很簡單的事。本人從小到大都喜歡運動，是半個運動天材，足球、籃球、排球，手球等樣樣啱，不止代表大學出賽，更曾是香港手球隊代表成員，參加各樣國際比賽。打排球也代表香港，參加日本舉辦的世界大學生運動會。

在青年時代熱愛運動練就一副野獸身材，但畢業工作多年，在商界打滾，大部分時間處於出差狀態，身高1米78的我，到30多歲已經發福，增加到198磅，年青時練出8塊腹肌(外行人會說是6 packs ab)，最後結合成一塊，望望鏡子，都覺難受。

把心一橫，從頭來過。自從讀過工商管理，覺得管理自己身體，也和管生意一樣，都是一出一入。入得多，花得少，公司就發大。但人管理身體的方向就剛好相反，要入得少(少吃)，花得多(多運動)，才能將肥胖的身軀縮少。

我苦心鑽研各種減肥方法，也親身去試，深明現代人減肥只有三分鐘熱度之苦，所以除了研究營養學，也研究心理學，搵最容易做得到、可以堅持下去的方法。

運動也一樣，可以一週三次，到健身室或游泳池做30分鐘帶氧運動，但大多數人做不到。我當年能夠掌握好不同運動，做香港代表，其實不光靠肌肉發達，頭腦對每種運動的特性的分析瞭解也很重要。研究健身運動的原理也一樣，我自己考了私人健身教練證書，要發掘最容易，在家居隨手可以做到的運動。

可能由於愛美的關係，也想保持25歲那樣的青春與體態，所以我要求自己從198磅減下來，最後逆轉至160磅，而且不是保持一兩個月，可以保持十幾年，到今天50歲以上，也能保持25歲的體型。

很多同事朋友看見我的身裁，不斷問我減肥健身的秘方。可能人皆喜歡講自己成功經驗，我也不怕講完又講，最想講的不止減輕體重減輕，而是人其實拋開年齡界限，不論年紀，女的可以曲線玲瓏，男的肌肉結實，羨煞旁人。

健身與減肥，是一場終身戰鬥，在未來的日子裏，我可以和大家分享甚麼是最高效率的戰鬥方法，如何修身、健身和養生。