今日商台人生交叉盤20周年特輯，陸叔訪問前財爺曾俊華。
陸叔：John, 你真係犀利，退咗休之後仍然活躍，你同時在商台、港台電視部及新城電台開咪，係唯一一個可以跨越三個台做節目嘅名人。自回歸後已經超過20年，你做過咁多職位，有啲乜嘢可以同我地分享一下。
曾：過去20年真係好波動，回歸之後，我先喺倫敦做商貿代表，然後返香港做海關，之後歴任發展局、經濟商貿、特首辦，然後做咗財爺10年。我慶幸係呢一段時間，香港並無出現太大嘅問題，我做財爺嘅時候，每一件事我都會作出適當嘅準備，每個禮拜我都會同金管局陳德霖、港交所李小加以及證監高層傾計，睇下有啲乜嘢重要嘅事將會發生，好似每逢到季尾或者年尾嘅時候，資金特別緊張，我會睇吓有冇D乜嘢需要準備，通常我會做一啲壓力測試（stress test), 確保銀行同埋證券行嘅資金周轉冇問題。呢類咁嘅Scenario planning我會做好多，有時啲同事會埋怨是否需要做咁多，不過，我向來都對每件事作出充分準備，以防有乜嘢突發事發生。
陸叔：你在港英政府時代做政務官，回歸之後做問責局長，你覺得有乜嘢唔同？
曾：我覺得分別唔大，政策都係由下而上，先做研究，分析唔同選擇嘅好壞，再加入一啲政治及宏觀經濟嘅元素，平衡各方嘅利益，然後做出決定。工作量方面，以前港英政府時代，同時是D8司級官員，又是局長，工作量較多，現時行問責制， 司級官員同埋局長身份分開，理論上工作量冇咁大。
陸叔：你宜家已經退休，未來有乜嘢大計？
曾：老實講，我冇退休呢個概念，宜家啲人咁長壽，我係火麒麟周身癮，其實仍然有好多嘢想追求。你知道我在麻省理工（MIT)畢業，特別對理科同科技情有獨鍾，其實早在70年代，我已經對人工智能（AI)好有興趣，我一路都有留意關於AI同機械人嘅文章，未來我會多啲參與同年青人合作嘅嘢。我最近做咗一間虛擬保險公司嘅顧問，是FINTEC的領域。
我做財爺嘅時候，其實政府在科技園成立咗一個香港應用科技研究院(ASTRI)，果陣時Blockchain 仲未有中文名。香港三間發鈔銀行其實一直在推廣，市場發展要一步一步，其實網上銀行online banking都係FINTEC（金融科技）。
陸叔：有人話深圳嘅支付系統發展得好好，出街唔使帶現金，香港落後咗咁多，不如唔好做啦，你同唔同意呢？
曾：我絕對唔同意，深圳電子支付，不用帶錢出街，其實香港都可以早啲做到。不過，各個地方嘅結構文化不同，好似美國加州，最近已經唔批准以面孔識別。我做財爺嘅時候，冇特別推動電子支付，因為香港好注重個人私隱，當時嘅科技未必能好好保障個人嘅私隱度。當然，宜家保密度高咗好多，香港宜家推，其實先至係適當嘅時候。
曾俊華下決策前，都會做足準備，資料圖片。
尚風
** 博客文章文責自負,不代表本公司立場 **
6月20日長榮航空突然有2300個空中服務員罷工，由桃源市空服員職業工會發起。尚風有朋友上周去台北打高球，由於機位緊張，他所訂的長榮班機取消後，要轉往其他航空公司，結果要付出7000多港元買其他航空公司的來回機票，比平常2000、3000港元的費用貴一倍多，真係牙痛咁聲。
先講講過去台灣航空公司罷工的背景。2016年6月中華航空服員罷工行動，也是由桃園市空服員職業工會發起的，那次罷工持續了三天，勞資雙方達成共識，是成功爭取式的罷工案例。2019年2月，輪到機師罷工，中華航空機師罷工事件是由桃源市機師職業工會發起的，罷工歷時七天，經歷四輪協商後，工會成功爭取減少過勞航班、副機師晉升機會提升、以及不會秋後算帳等。
中華航空空服員及機師先後罷工，成功爭取較佳條件，對公司營運的結果是怎麼樣？中華航空2017年營業淨利73.5億新台幣， 2018年大幅減少至18.4億新台幣。相反未受罷工影響的長榮航空2017年營業稅前淨利潤68億新台幣， 2018年增加至76億新台幣。從以上數字可見，長榮航空管理層絕對明白，如果今次空服員罷工成功，接下來一定是機師罷工，如果將他們的薪酬全面提升，便會像中華航空一樣淨利潤每年以新台幣十億計減少。
中華航空經過罷工後，營業淨利大幅減少。
今次帶頭發起罷工的桃園市空服員職業工會，在上次華航罷工成功，食髓知味，非常強硬。首先，沒有跟正常程序申請合法罷工權，完全不讓長榮航空作出準備及應對，令整個台灣航空界出現極度混亂。
長榮航空管理層，絕不退讓，已預了50億元新台幣虧損，來打這一場仗。事件擾攘了15日，長榮管理層不同意工會提出的以下三點：
1. 只有罷工的空服員可以得到較佳條件，其他沒有參與罷工的空服員不會獲得較佳條件。
2. 讓勞工代表進入董事局。
3. 每日出勤津貼由90美元增加至150美元，因為90美元已經是國際上限。
同一時間，長榮管理層作出應變，首先向外招募男性地勤，第二、讓地勤由內部轉職空服員。由於長榮共有4300個空服員，今次罷工有2300個，仍有2000個空服員可以調動，加上尋求其他航空公司協助，長榮仍可維持有限度服務。
前天(7月3日)傳出有600名罷工的空服員打算復飛，更流出一張空服員排隊領回三寶（員工證、護照、台胞證）的照片，但工會表示，拿回三寶的數量沒有那麼多，只有113份。原來當不少長榮空姐想停止罷工，要求拿回三寶，卻遭工會阻攔。工會先前曾聲言三寶證件均交由台灣保全公司管理，取回需填申請書、2天作業流程，不過台灣保全公司表示，雙方合約已在6月30日終止，工會早已領回證件，說法大相逕庭。長榮航空表示，公司接獲超過600名空服員表態願意回公司服勤，其中400名空服員已自行或透過公司協助取回三寶。
有600個長榮空姐想結束罷工。網上截圖。
看來將有更多空服員復工，隨着今次罷工成功機會正在下降中，昨日工會又有另一行動，便是由桃園步行26公里到總統府請願，向蔡英文施壓，想她介入用政治壓力逼長榮讓步。
尚風覺得，如果資方有理據有實力，總統府也難插手。看網上留言，幾乎是一面倒針對工會，不同意罷工，工會全無民意支持，罷工正步向敗局。
長榮空姐罷工走入困局。AP圖片
