靚媽莎莎話自從上幾個月，家中新來的印傭上手後，食飽晚飯好得閒，唔係睇八卦雜誌就係睇電視，一坐上梳化上就成晚。我望望靚媽，不禁提吓她，雖然你身型仲好標準，但晚晚如是，小心呀。她說都驚驚哋，睇咗我之前介紹的收腹三式，又覺得唔易做。
我見靚媽咁鐘意睇電視，心生一計，不如就教一招啦，順便亦都同大家分享，很簡單的，就是用你看電視的時間，相信一天都有兩三小時啦，輕鬆做做腹部運動。
1.坐在椅子或沙發上，身體微微後仰。
2.屈膝提起雙腿，離開沙發
3.收緊腹部，提起雙腿，膝蓋盡量靠近胸部。
3.還原放下但大腿保持不碰沙發，為之一下。
重複動作，提議做20-40下，次數增減按個人腹部力量，實在有困難，也是最後6-10下在極限後完成。
休息半分鐘或一分鐘後再做，多做幾組更加有效。
靚媽問我：「腹部力量差，提不起雙腿怎辦？」都有方法，我建議她把雙腿輪流提起，腰腹力量要求會降低，但是次數就要多做些才有效啦。
雖然之前提過的三式，可能有些人會覺得有些難度，但是記住：No pain no gain，我教健身減肥還要大家Love the pain。有肌肉極限痛感是很爽的，肌肉酸痛就是練到位。
Lobo
** 博客文章文責自負,不代表本公司立場 **
