四式收byebye肉（第二部份）

昨日講到收byebye肉的頭二式，少運動的女士如Janis做 ，會很費力， 佢話開始時揸水樽向後伸時根本伸唔直雙手，做多幾次才有力， 但做到手臂已好酸。我就話如果有運動的女士或男士會覺得好濕碎， 要加大運動量。所以做呢啲運動，要因人而異，覺得太辛苦做不到， 可以減少少量，覺得唔覺要加量，要做到比較累才正確。

今日繼續和大家分享收byebye肉第三式和第四式。

3.雙手拿著再重一點的盛水水瓶，建议800毫升-1公升， 彎曲手肘把水瓶放在頭後面，然後用力往頭上方向伸直手臂。 這動作做得正確，線條會練得特別美，因為三頭肌是先拉長了， 再做收縮發力運動。女士重量強度選擇，以做15-20下， 最後幾下在極限下（肌肉用盡力）完成為準。

男士方法其實也一樣，只是用的重量就可以大些，以8-12下為鍛 煉次數，最後幾下是肌肉用盡力下完成。水瓶可以用到一兩公升的， 雙手頭後屈伸可以用到桶裝水瓶，或較重的啞鈴。

我有一個朋友年青時，無錢去做Gym， 就係用一個水桶裝滿水去做此動作，一次舉50下， 每日連續做三次，佢就此練出一個倒三角型的身型，好堅。 但這個動力其實比昨日介紹的第2個持樽向後推的動作易做一點。

4.掌上壓

掌上壓除了練胸肌外，也是練三頭肌，是踢走byebye肉的好方 法。女士可以膝蓋著地做掌上壓，容易點做。如果主要想練三頭肌， 動作發力點在上臂，按地的雙手可以分開一點， 然後把手肘手臂伸直，把身體推起來。（如果練胸肌為主， 按地的雙手可以合埋一點，與肩同寛，就可以變成以胸肌收縮為主， 帶動上臂往外推）

記著一天做齊一套四式，要有恒心，先做一個月試試， 中間若有些日子太累，可以一星期做五日。要持續一個月以上， 才會見到脂肪減少，肌肉結實的效果。大家加油啊!

Lobo

** 博客文章文責自負,不代表本公司立場 **

朋友KL的女友Janis都算半個美女，但KL打開口牌話Jan is手臂byebye好勁，搞到佢無晒癮， 節食減肥佢又無乜恒心，問我有無得局部急救。

局部減肥

我同佢講咗堂課，話局部減肥的科學方法是非常重要， 如果真是想瘦那裡瘦那裡，比較有動力。 我叫佢睇睇我先寫過的網誌「收腹五式」，然後專登為佢寫「甩走b yebye肉」的文章。

跟byebye肉說byebye

話夏天就到，Janis又喜歡穿露肩衣服，如果俾男朋友睇到大舊 byebye肉，男友看到真的想說byebye。

好似Janis呢種byebye肉發達的女性， 動一下可以上臂晃幾秒鐘，真係要搞搞，但係唔係搞的只係瘦， 仲要手臂適中暗藏肌肉，才算健美。健美就是健康之美， 三頭肌要有適當大小，還有結實健康才是美， 呢的運動男士也可以做，練到健美也不應該是鬥大， 能練到人見人愛的勻稱體型就可以。

如我之前說，常常折起來，氣血流通比較慢的部位較容易胖， 因為手臂常常彎曲，三頭肌在手臂上方，就容易長byebye肉。

現在我就教你們怎麼在家裡，輕鬆甩走byebye肉。 先講女士的方法:

1.手放身後，手臂抬起手肘彎曲至小於90度，用力將手伸直， 略停頓，做15-20下。可以分開每隻手臂做， 也可以兩臂同時做，休息一會再做一組，最少每隻手臂做兩組。

 

2.拿個礦泉水樽，建議用300至500毫升的，盛滿水。 水瓶和水就等於一個約一磅的啞鈴。重複剛才動作。做15至20下 組，每隻手臂只少做兩組。

 

是不是已經覺得很累？那就有效果了。第三和第四式，就下次再講。

後記:我先教了Janis做， 佢話每日做完呢兩組每組兩次的運動，手臂已好酸，我話酸就啱啦， 即係有效，要堅持，日日做，真係好難頂時，一個星期抖兩日。 相反地若然唔覺得累，就要做雙倍，或加大水樽的Size。