阿May突然打電話嚟話要出來飲杯咖啡，心想不妙，呢位大小姐有異性無人性，剛開始一段新戀情先年多，平時一班朋友聚會都會帶埋男友出席，都未試過單獨約我出來傾偈，十之八九又有感情問題。
果然阿May話唔知點解最近成日對男友的行徑有猜疑，無情情就覺得男友有瞞住佢，見到佢撞到位女同事，佢哋只係打個招呼都好妒忌，怕自己係咪有心理病。成日想Check住男友的行蹤，原來之前兩個月，有次男友想去飲酒，送咗阿May返屋企，話返屋企，但轉頭去咗灣仔飲酒，之後阿May就經常覺得男友好多嘢瞞住佢。
我諗起之前睇過一篇文章，引述美國合佛大學醫學院的學者講關於嫉妒的研究，正好攞出來同阿May分享，希望對佢有幫助。
美國哈佛大學醫學院臨床心理學家克萊格認為，被另一半欺騙過會讓人感到痛苦，伴侶最簡單平淡的言行，都會變得好似充滿了潛台詞：佢係咪想將我掃地出門？佢話去“見一個朋友”是乜嘢意思？曾經的不忠會令你很難按正常情況來看事情，乜嘢都覺得唔多妥。
即使對方並無不忠，也經常有不安全感：成日問自己係咪仲好正呢？伴侶會不會去搵更好的人？在情感安全上嚴重失控，將導致一個結果，搏命搶番控制感，就係嫉妒行為的成因。
嫉妒是會令人上癮，只會讓人感到越來越不安全。
學者提出4個消除嫉妒的意見：
1.承認嫉妒。
同伴侶分享你的嫉妒，但唔好指責對方，並明確提出你的要求：「我感到有啲不安全。如果我們以後約好見面的時間，我會好過一些。」要求具體行動可讓你感到安全，例如約好每天打幾次電話，講番今天點過等等。聯繫越多，嫉妒越少。
2.調整壓力。
嫉妒是一種應激反應，在焦慮時嫉妒就會更強烈，用適當運動、均衡飲食和尋求社會支援等方式調節好你的情緒。
3.尋求肯定。
和伴侶傾偈時多用以“我”為主語的陳述句，例如：“我對你和她在一起的那段時間感到有啲嫉妒，可唔可講吓你們之間的關係？”與其無名火起地指責或者不理對方，還不如直接講出自己的疑慮。
4.明確底線。
如果你成日伴侶和誰在一起，你們的關係就已亮起紅燈。如果沒有見不得光的事，對方應該定期主動話你知，唔使你經常問的。如果你惶惶不可終日，對方無論說什麼都不能讓你安心，這意味著你們或者不適合，可能要考慮分手了。
芝芝‧知性
** 博客文章文責自負,不代表本公司立場 **
