政事
港大校委會申請臨時禁制令，禁制商台報導校委的講話。今早突然再開庭，原來港大和商台雙方已達成和解了。
雙方同意已存在公眾領域的內容，商台可以發報，但來自商台的內容例外，即商台不會再報導港大校委李國章和紀文鳳及其他校委的講話，以換取港大不再有禁制令針對商台。
理論上商台和港大就臨時禁制令已和解，明天法院本來就同一件事處理正式禁制令申請，本來已不用再審，但突然又殺出程咬金，港大收到三人來信，表示自願成為港大禁制商台案的第二被告，但庭上沒有這些人或組織披露身分。一般估計是反對派自動加入。
所以明天仍要再開庭，處理港大對第二被告的禁制令申請。
Ariel
** 博客文章文責自負,不代表本公司立場 **
港大校委會新主席人選，最快周五刊憲。早前傳出港大醫學院榮休教授楊紫芝、校委之一的青協總幹事王䓪鳴 、以及另一校委、港大醫學院外科系主任盧寵茂都可能做校委會主席。 不過這些人選的揣測，可能只是反對李國章做主席者一廂情願的想法。
Ariel和知情人士講起楊紫芝，認為佢固然德高望重，但其中年紀已相當大，楊紫芝1947年以僅16歲之齡，入讀港大醫學院，畢業後一直在港大及瑪麗醫院工作，做到1999 年正式退休。退休都是16年前之事，如今計落已是84歲。 如果李國章70歲年齡都唔細，咁楊紫芝就更大。況且搵佢和搵梁智鴻無太大分別，不如留76歲的梁智鴻做下去啦。
至於盧寵茂，過去好似無現職教授做校委會主席的前科，而且盧教授志不在做呢個位，你叫佢做港大校長佢就有興趣。
講到王䓪鳴，又出現和梁智鴻無分別的問題。 另外港大學生會會長馮敬恩亦打開口牌，批評王䓪鳴同李國章一樣是 「極端嘅人」，並不適合擔任主席。知情人士話， 睇嚟學生都無任何讓步空間，其他花生友成日叫政府讓步，只係自己一廂情願的想法。
結論係除咗李國章之外，仲有邊隻馬跑緊呢？
